Global Voices teny Malagasy » Japana: Herinandro Fampiofanana Ho Fisorohana ny Loza

(Marihina fa tamin'ny 27 Septambra 2009 no nanoratana ny lahatsoratra teny anglisy)

Herinandro Fisorohana ny Loza ^[1] [jp] ny herinandro voalohany amin'ny Septambra ao Japana. Mandritra io herinandro io, nivory ny sekoly, ny fikambanana sy ny mpiasa birao mba hikarakara fizàram-pisorohana ny loza. Ho lalaovina ny horohoron-tany, ny tondra-drano, ny afo sy ireo loza hafa, ary tokony handray anjara ny olom-pirenena rehetra .

Samy miaina ny fiainany ao anatin'ny fahafantarana ny tsirairay fa mety hitranga na aiza na aiza sy amin'ny fotoana rehetra ny loza any amin'ny firenena izay ahitana horohoron-tany miisa 100.000 isan-taona ^[2] (anisan'izany ireo tsy ren'ny olombelona), ka noho izany dia ilaina ny fitantanana haingana izany amin'ny fomba mahomby.

Sarin'i Nemo`s great uncle tao amin'ny Flickr

Namaritra ^[3]ny fanofanana izay natao tao an-tanàndehibeny i Obarin, izay miasa amin'ny Vokovoko Mena (misy sary tsara tarehy ihany koa hita ato amin'ity lahatsoratra ity).

私たちの住む町では、地区ごとに防災グループが組織されて日ごろからいろいろ活動してます。
そんな彼らのグループ内では、テントの設営とか消火訓練などを実施してます
私は赤十字奉仕団ですから、ほかの仲間とともに「災害ボランティアセンター」の運営訓練を
実施しました。今回は町の防災士も参加してくれて、熱意が感じられましたよ。
倒壊家屋も訓練用に設営され、被災者役の男性たちを彼ら災害救助犬が捜索します。
彼ら消防レスキュー隊は倒壊家屋の下敷きになって脱出できない被災者を救出します。
県の防災ヘリも参加して、被災者を吊り上げて搬送する訓練も見せていただきました。

Any amin'ny tanàndehibenay, nosokajiana ho ao amin'ny vondrona fisorohana ny loza ny efitrano tsirairay, ary nisy ny fandraisana anjara tamin'ny hetsika maro vao maraina.
Efa nisy ireo nianatra nanangana tranolay sy ireo nampiofanina hamono afo tao anatin'ireo vondrona ireo.
Koa satria aho ao amin'ny Vokovoko Mena dia nampianatra ireo olona ny fomba fitantanana ny: Foiben'ny Mpilatsaka An-tsitrapo Hisorohana ny Loza` izahay sy ny mpiara-miasa amiko. Nandray anjara tamin-kafanam-po ihany koa ny mpamonjy voina ao an-tanàndehibe. Natao an'ohatra ny fianarana izay tokony hatao raha sendra firodanan'ny trano ary nisy ny alika nampiofanina mba hitady ireo niharam-boina.
Nilalao ny fomba fanavotana ny olona tafahitsoka ao ambany trano rava ihany koa ny ekipan'ny mpamonjy voina. Nandray anjara ihany koa ny angidimby fanaovana vonjy taitra ao amin'ny prefektiora ary nampiseho anay ny fomba hibatana sy hitondrana ny maratra.

Lahatsary avy amin'ny Tokyo Mix momba ny fisorohana ny loza izay natao tany andrefan'i Tokyo tamin'ny volana aogositra.

Nanazava ny zavatra nianarany ^[4] tamin'ity taona ity ny bilaogera iray izay mipetraka any amin'ny prefektioran'i Shizuoka (atsimon'i Tokyo) .

8月 11日に静岡県を襲った震度 6弱の地震。その地震で、あらためて災害に備えることの大切さを知りました。
そして、先週から、「県の防災週間」がはじまり、静岡県内の各地で、巨大地震 (震度 7以上) を想定した防災訓練が行われています。

Ny faha 11 Aogositra, nisy horohorontany [*] teo amin'ny ambaratonga faha 6 namely ny prefektioran'i Shizuoka . Izany no nahatonga ahy hahatakatra ny maha zava-dehibe ny fiomanana amin'ny loza toy izany. “Nanomboka tamin'ny herinandro lasa ny Herinandro Fisorohana ny Voina tao amin'ny Perfektiora ny ary nisy ny fanofanana natao isaky ny faritra ao amin'ny prefektioran'i Shizuoka amin'ny fitantanana ny horohorontany lehibe (miaraka amin'ny hamafiny ambaratonga faha 7 na mihoatra).

今年度の町内会の組長である小生は、「簡易担架の作り方」コーナー担当でした。毛布とかシーツを使って、カンタンに怪我人などを運ぶ方法を学びました。
ほかにも、防災倉庫に常備されているチェーンソウ、発電機、消化ポンプの使い方。三角巾などを使った怪我人の手当ての方法も学びました。
今年からは、簡易トイレも購入して、その作り方も学びました。

Tamin'ity taona ity, izaho no Filohan'ny Antenimieran'ny tanàndehibe misy ahy ka notendrena aho ho any amin'ny fivoriana mikasika ny “fomba hanaovana filanjana vonjimaika.” Nianatra ny fomba haingana amin'ny fitondrana ny maratra aho, amin'ny alàlan'ny fampiasana bodofotsy sy lambam-pandriana.
Nianatra ny fomba fampiasana ny tsofa elekitirika ny gropin'ny herinaratra sy ny paompy azo entin-tànana, izay hita mandrakariva any anatin'ny fitaovana fisorohana ny loza, ary koa ny fomba voalohany hanomezana fanampiana vonjy ny olona iray naratra, izay nahitana ny fampiasana lamba telozoro .
Nividy gabone azo entina mandehandeha sy nianatra ny fomba hametrahana izany ihany koa izahay tamin'ity taona ity.

Hita ao amin'ny bilaogin'i Kerestinu ireo sary mahavariana ^[5]tamin'ny fampiofanana tao amin'ny efitrano Adachi (Tokyo) .