Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japana Mankalaza Ny Andro Natokana Ho An'ny Saozaha Marihitra Sady Manitra

natto

“Natto sy Vary ” (納豆ごはん) avy amin'ny mpisera Flickr Masafumi Iwai. Lisansa: Attribution-NonCommercial 2.0 Generic (CC BY-NC 2.0).

Sakafo nentim-paharazana Japoney namboarina avy amin'ny saozaha marihitra ny Natto, izay nofaritana ho karazana ” legioma fraomazy” matetika. Ary nankalaza ny andro natokana ho an'ny sakafo i Japana tamin'ny 10 Jolay, ahitana ireo mpisera Twitter maro nandefa sary an-tserasera miaraka amin'ny tenirohy #NattoDay (#納豆の日) na Andron'ny Natto.

Image caption: July 10 is Natto Day!

Tweet: It's Natto Day!

\(・ ω・)/  “Natto!”

Sary fanazavana : Andron'ny Natto ny 10 Jolay!

Sioka: Andron'ny Natto androany !

\(・ ω・)/ “Natto!”

Anisan'ny sakafo malaza sady manintona amin'ny kolontsainan'i sakafo ao Japana ny natto . Maro ny olona mankafy ny natto noho ny tsirony “umami”  sy ny soa entiny ho an'ny fahasalamana, rahamihoaka amin'ny fofona mahery sy ny ditin‘ilay sakafo mialonandro kosa ny hafa.

Matetika no amidy ao anatin'irony fonosana polystyrène irony ilay sakafo, ary mifangaro saosy motarda mafana sy vary misy saosy vinaingitra. Maro ny Japoney no mamoaka marika ho an'ny natto ao an-toerana, tahaka ity fonosana natto ity, izay amidy ao an-tanàndehiben'i Morioka, any avaratra antsinanan'ny prefektioran'i Iwate :

Noho izany, Andron'ny Natto ny 10 Jolay. Raha toa ka oharina amin'ny tanàndehibe hafa manerana an'i Japana, eo amin'ny lafiny vola lany sy ny totalim-barotra isan-taona dia ny tanàndehiben'i Morioka no laharana voalohany. Azo antoka fa mankafy ny natto izahay eto.

Haroina haingana amin'irony tsorakazo fihinanana’ irony ilay tsaramaso mialonandro rehefa hihinana azy. Ny ditiny mampiavaka ny natto izay miraikitra loatra indraindray no  mananosarotra kely:

Azo hanina amin'ny fomba isankarazany ny Natto, ampiarahana amin'ny fangaro isankarazany. Manana soso-kevitra momba ny fomba hihinana natto amin'ny Andron'ny Natto ny koperativan'ny fanjonoana ao Kasumigaura, tanàndehibe amorondranomasina iray ao Ibaraki, any avaratr'i Tokyo.

Andron'ny Natto ny 10 Jolay. Faran'izay tsara miaraka amin'ny natto ity trondro maina nandrahoana ity . Mampifangaro ny hery entin'ny natto sy ny kalsioma entin'ny trondro, ary mandresy ny hafanan'ny fahavaratra , ary misy foana mandritra ireo volana ho avy. (^ _ ^) /

Manazava ny antony mahatonga ny 10 Jolay ho Andron'ny  Natto ny Hana Kotoba, tranonkala iray natokana ho an'ny saimbolisma teny Japoney:

Androany 10 Jolay dia Andron'ny Natto :

Avy amin'ny fitambaran'ny isa 7 (indraindray tononina hoe ‘nanatsu’, na ‘na’), manondro ny volana Jolay, ny volana fahafito, ary ny isa 10 (indraindray tononina hoe “toh”).

Midika ho “mitondra vintana hatrany” ny teny mifandray amin'ny ‘daizu’ (大豆, ilay tsaramaso ampiasaina mba hanaovana ny natto) .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.