- Global Voices teny Malagasy - https://mg.globalvoices.org -

Kenya-Congo (RDC): Miainga Avy Amin'ny Mponina Ao An-toerana Ny Fiarovana Ny Tontolo Iainana

Sokajy: Kenyà, R.D. Kongo, Mediam-bahoaka, Tontolo_iainana, Zavakanto & Kolontsaina

(Marihina fa tamin'ny 22 Janoary 2009 no nanoratana ny lahatsoratra teny anglisy)

Mifototra amin'ny vahoaka izay mipetraka manodidina na ao anatin'ny faritra voaaro ny politika fiarovana ny tontolo iainana. Nanita-kevitra tamin'ity tanjona manaraka ity ny mpiaro ny tontolo iainana dia ny fanentanana sy ny fampandraisana anjara ny vondrom-piarahamonina ao an-toerana izay mipetraka manodidina ny faritra voaaro.

Ao Lubumbashi [1], any amin'ny Repoblika Demaokratikan'i Congo, nitarika ireo mponina ao an-toerana handray anjara amin'ny fiarovana ny rajako, amin'ny alalan'ny fanabeazana ny foibe fiarovana ny chimpanzés [2] (rajako afrikana) atao hoe “Jeunes Animaux Confisqués au Katanga” na “Ireo Biby Tanora Nalaina tao Katanga” (na J.A.C.K). Mandray mpitsidika miisa 12 000 eo ho eo isam-bolana  ny J.A.C.K  izay tonga mba hanontany momba ireo rajako navotana, ny fiainany any anaty ala ary ny zavatra ilaina mba hiarovana azy ireo.  Mpianatra tonga miaraka amin'ny sekoliny ny ankamaroan'ireo Kongoley ireo. Nanoratra tao amin'ny tranonkala “WildlifeDirect” i Roxane, iray amin'ireo tompon'andraikitra ao amin'ny J.A.C.K [3] :

Nous sommes convaincus que seule l'éducation rend la préservation possible. C'est pourquoi nous avons prévu de travailler sur le programme éducatif de J.A.C.K en 2009 : il y a urgence à commencer à travailler avec les écoles, non seulement parce que l'espèce est en danger mais aussi, parce que les enfants d'aujourd'hui sont les dirigeants de demain.

Resy lahatra izahay fa ny fanabeazana ihany no manampy amin'ny fiarovana ny tontolo iainana. Izany no mahatonga anay tsy maintsy miasa eo amin'ny fandaharam-pampianaran'ny J.A.C.K tamin'ny taona 2009, misy ny asa maika tsy maintsy hatomboka miaraka  amin'ny sekoly, nefa tsy noho ireo karazam-biby tandindonin-doza ihany fa noho ireo ankizy ankehitriny antoky ny hoavy ihany koa.

Ao Shimoni [4] any Kenya, manome ny mponina ao an-toerana ny fomba mivaingana kokoa amin'ny fiarovana ny tontolo iainana ny Les Amis de la Forêt de Shimoni  (Ny Naman'ny Ala Ao Shimoni) vondrona mpirotsaka an-tsitrapo miasa ho amin'ny fiarovana ny ala ao Shimoni, miaraka amin'ny fanohanan'ny Global Vision International [5] – Kenya. Miara-miasa  miaraka amin'ny vondrom-piarahamonina ao an-toerana izy ireo mba hitandrovana ny ala tsy ho simba.

Vao haingana izy ireo no nahavita nifandray tamin'ny vondrom-piarahamonina manodidina, izay tsy mbola tafiditra tao anatin'io asa io. Nisy ny fifanakalozan-kevitra niarahana tamin'ny vehivavy sy ny tanora tao an-tanànakelin'i Anzwani mikasika ny fomba hiarovana sy ny fampiasana ny ala miaraka ao anatin'ny lôjikan'ny fampandrosoana lovainjafy.

Afaka manamora ny fiarovana ny tontolo iainana Ny Sakaizan'ny Alan'i Shimoni raha toa ka mahavita mandresy lahatra ny mponina ao an-toerana izy ireo amin'ny fomba hafa atao mba hanoloana ny fomba fiainana miankina amin'ny fandripahana ala. Nanoratra tao amin'ny bilaogin'ny Global Vision International Kenya sy tao amin'ny WildlifeDirect i Drew, mpilatsaka an-tsitrapo avy any California : [6]

Le choix d'un mode de vie alternatif est le meilleur moyen d'encourager la protection de l'environnement et la population du village de Anzwani est prête et motivée pour le faire. Nous nous sommes fait de très bons amis aujourd'hui et je suis impatient de travailler avec eux.

Ny misafidy ny fomba fiainana hafa no fomba tsara indrindra mba handrisihana ny fiarovana ny tontolo iainana ary vonona sy mazoto ny hanao izany ny mponina ao an-tanànakelin'i Anzwani. Mifankahazo tsara izahay amin'izao fotoana izao ary tsy andriko ny hiara-hiasa amin'izy ireo.