Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mankao Mosul Ny Irakiana Mba Hankalaza Ny Eid Ho Fanehoana Firaisankina

Pikantsarin'ny Irakiana manerana ny firenena mitsidika an'i Mosul noafahana hankalaza ny Eid. Loharanon-tsary avy amin'ny lahatsary Youtube ‘Mosul mankalaza ny Eid voalohany ao anatin'ny telo taona avy amin'ny fanentanana Eid ao Mosul ‘ nampidirin'ny fantsona AlMawsleya tamin'ny 28 Jiona 2017.

Vondrona Irakiana teo amin'ny 300 avy ao atsimo sy afovoan'i Irak no nankao Mosul vao haingana mba hankalaza ny Eid al-Fitr miaraka amin'ireo mpiray tanindrazana amin'izy ireo vao noafahana.

Tamin'ny fahavaratry ny taona 2014, nandroaka ny mpitandro ny filaminana Irakiana ny Fanjakana Islamika ary naka an-keriny hifehy an'i Mosul, tanàna faharoa lehibe indrindra ao Iraka, ao amin'ny faritra midadasika ao avaratr'i Iraka.

Tao Mosul no nanambaran'ny lehiben'ny vondrona milisy, Abu Bakr al-Baghdadi, fa mandrakotra an'i Syria sy Iraka ny Kalifà Islamika.

Nanomboka teo lasa fiainan'ny mponina tao Mosul ny tahotra tahotra, ny fampijaliana ary ny zava-tsarotra hafa.

Niharatsy ny fiainana andavanandro noho ireo fanenjehana ny vitsy an'isa, noho ny tsy fahampian-tsakafo sy solitany, ary ny fampitahorana sy ny fanasaziana mafy.

Nanomboka tamin'ny Oktobra 2016 ny ezaka nataon'ny mpitandro ny filaminana Irakiana hakana indray ny tanàna. Taorian'ny valo volana nisian'ny ady henjana, faritra vitsy monja sisa no teo ambany fifehezan'ny vondrona, nahatonga ny Praiminisitra Irakiana Haidar al-Abadi nanambara vao haingana ny fiafaran'ny Fanjakana Islamika.

Nokarakarain'ny vondrona mpikatroka Irakiana tarihin'i Hamid al-Sayed, Ali al-Touki, sy Mohammed al-Raji ny fanentanana “Eid ao Mosul”.

Hevitra tany am-boalohany hitsidika ireo namana taloha izay tafahitsoka eo ambany fitondran'ny Fanjakana Islamika, nivadika ho fanentanana lehibe ny drafitra rehefa niteraka fahalianana goavana tao amin'ny Facebook. Mihoatra ny 1.700 ny olona naneho ny fahalianany handray anjara amin'ny dia, saingy 300 ihany no afaka mandeha noho ny fepetra ara-piarovana.

Ity Eid ity no voalohany tao anatin'ny telo taona nahafahan'ny Maslawis (vahoakan'i Mosul) ankalazaina ampahibemaso. Feno fisehoan-javatra voaràra nandritra ny fitondrana Fanjakana Islamika, anisan'izany ny famakiana tononkalo, tantara an-tsehatra, sy mozika mihetsiketsika. Nitondra fanomezana boky maherin'ny 1000 avy any Baghdad izay tafiditra ao anatin'ny fanentanana “Iraka aho, Mamaky teny” ihany koa ireo mpitsidika an'i Mosul, hetsika mampiroborobo ny kolontsaina sy ilay Iraka nahita fianarana kokoa. Fanombohana ho fanoloana ireo boky an'arivony nosimbain'ny Fanjakana Islamika tao amin'ireo tranombokin'i Mosul.

Nitondra fifaliana ny andro, nampitambatra ny Irakiana hankalaza ny fety sy hankalaza ny fanafahana an'i Mosul ihany koa. Nameno ny media sosialy ny zava-nitranga, ahitana ireo vehivavy sy lehilahy manerana ny firenena mihira ny hiram-pirenena sy mihiaka hoe “Ry Rahalahy, Sinita sy Shiita, tsy amidy ity firenena ity”, maneho fahatsapana fihamafisan'ny firaisankina eo amin'ny Irakiana.

Raha ny mpikatroka no nikarakara ny ankamaroan'ny hetsika, nanampy ihany koa ny governemanta tamin'ny fanomezana fitaterana sy fiarovana ny hetsika.

Tonga ao Mosul ny “valamanjohin'ny fahafahana”.

Lehilahy sy ny vehivavy maro no nandray ny “valamanjohin'ny fahafahana” tao amin'ny Oniversiten'i Mosul :

Nandray ireo mpitsidika avy any Iràka tamin'ny voninkazo sy fitiavana ireo lehilahy sy vehivavy ao Mosul

Mitangorona ny vahoaka no sady mihiaka hoe “tongasoa aty Mosul” ary mihira ny hiram-pirenena ihany koa.

Boky maherin'ny 1000 no natolotra ho fananerana ireo tranomboky ao Mosul.

Manomana boky an'arivony ho alototra ho an'i Mosul amin'ny alalan'ny “valamanjohin'ny fahafahana” ireo mpikambana ao amin'ny hetsika “Irakiana aho, Mamaky Boky”

Ameen Mukdad, mpitendry lokanga avy ao Mosul kosa nitendry hira nentin-drazana Maslawi.

Nofaranana tamin'ny afomanga fankalazana ny Eid sy ny fanafahana an'i Mosul ny hariva.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.