[1]Lamesa notarihin'ny Kardinaly George Pell tamin'ny Andron'ny Tanora Manerantany tao Madrid tamin'ny taona 2011. Sary natolotry ny Fiangonana Katolika Angletera sy Wales tao amin'ny kaonty Flickr (CC BY-NC-SA 2.0).
Nohelohin'ny polisy ho nanao fandikan-dalànan'ny [2] herisetra ara-nofo maro [2] izay nitranga nanomboka hatrany amin'ny taona 1970 ny Kardinalin'i Aostralia George Pell. Mpiadidy ao amin'ny Sekretarian'ny Vola ao Vatican izy amin'izao fotoana izao, ary fahatelo ao amin'ny ambaratongam-pitantanana ao amin'ny Fiangonana. Mpanolotsaina akaiky ny Papa Fransoà izy .
Vetivety dia nirongatra ny fanehoan-kevitra manerantany tao amin'ny aterineto . Nisioka i Cathy M Helsley avy any Etazonia ao Ohio izay milaza ny tenany ho “zanak ‘Andriamanitra” hoe:
Very sad this is! It also makes me angry !@⚡️ “Cardinal George Pell charged over alleged historical sex offences”https://t.co/ddtTgWqFpg [3]
— Cathy M Helsley (@CathyHelsley) June 29, 2017 [4]
Tena mampalahelo izany! Sady mampahatezitra ahy ihany koa ! @ ⚡️ “Fiampangana manan-tantara ny Kardinaly George Pell noho ny filazana azy ho nandika ny lalànan'ny herisetra ara-nofo.
Hita fa tena tsy mpankafy an'i Pell i Hilly :
I am just so happy that the Police are doing the right thing and charging Cardinal George Pell#FuckyouPell [5]
— Hilly (@Hillyhobbit) June 29, 2017 [6]
Tena faly aho fa nanao ny andraikiny ny polisy sy niampanga an'i Kardinaly George Pell
Niaro ny kardinaly i Peter Chambers, ilay “mpandala ny mahazatra ao amin'ny ivony”: :
Cardinal George Pell no chance of a fair trial as Catholic hate machine in action. Let due process prevail if guilty then harsh punishment
— Peter Chambers (@Wombatfinance) June 29, 2017 [7]
Tsy manana herijika ho an'ny fitsarana tsy miangatra ny Kardinaly George Pell satria mankahala ny milina miasa amin'izao fotoana izao ny Katolika . Aleo handeha ny fitsarana ara-dalàna raha meloka izy ka hahazo sazy henjana
Nilaza ny Katolika Arsidiosezin'i Sydney fa hiverina any an-tanindrazany izy hanadio ny anarany. Namoaka fanambarana [8] izy ireo fa hiverina izy “aorian'ny torohevitra sy ny fankatoavan'ny mpitsabo azy izay hilaza ny maha mety ny fandehanany ihany koa. “
Tamin'ny volana Febroary 2016, nanome porofo [9] tao amin'ny Vaomieran'ny Fanjakana ho an'ny Andrim-panjakana Misahana Ny Fanararaotana Ankizy Ara-nofo ao Aostralia i Pell tamin'ny alalan'ny rohin'ny lahatsary avy any Roma. Nanontaniana momba ny fahafantarany sy ny valinteniny mikasika ny fiampangana fanararaotana ny ankizy ara-nofo ao anatin'ny Fiangonana izy. Nilaza izy fa nanakana azy tsy handray fiaramanidina hody ny tsy fahasalamany .
Noho izany zava-mitranga izany, nahatonga ny olona sasany hanana ahiahy ny vaovao farany :
Cardinal George Pell charged with multiple sexual offences https://t.co/OJwIM7P5tD [10]
He's probably making a doctor's appointment now.
— SydneyStew (@weemac47) June 29, 2017 [11]
Voampanga tamin'ny fandikan-dalànan'ny herisetra ara-nofo imbetsaka ny Kardinaly George Pell
Mety maka fotoana amin'ny dokotera mihitsy angamba izy izao amin'izao fotoana izao.
Araka ny mpitondratenin'ny polisy [12], avy amin'ny mpitory maro ny fiampangana. Manana tantara lava fiampangana [13] azy ho manararaotra ankizy i Pell. Hisokatra ao amin'ny Fitsarana Melbourne amin'ny 18 Jolay ny raharaha. Mbola tsy nampahafantarina ny antsipirian'ny fiampangana .