Ny 16 Jona dia Andro Fankalazàn'ny Japoney ny Zavamamy Nentindrazany ka tamin'ny fampiasàna ny tenifototra “#和菓子の日” (wagashi no hi) dia nampakatra ny saripikan'ireo izay tena ankafiziny ireo mpampiasa Twitter.

Ireo zavamamy nentindrazan'ny Japoney, fantatra amin'ny hoe wagashi, dia efa ela no nampifandraisina tamin'ny harena sy ny fanomezana, ary ny Andro Fankalazana ny Zavamamy nentindrazana dia nohajaina foana nandritry ny arivo taona mahery. Amin'izao andro izao ny wagashi dia mbola ampahany manandanja amin'ny fombafomba Japoney rehefa lanonan'ny fisotroana dite, ary misy an-jatony maro ihany koa no malaza sy ankafizin'ny olona amin'ireo karazan-javamamy.

Ohatra, ny dorayaki, karazana mofomamy iray nosesehana fetan-tsaramaso mena nomamiana, mbola tena sakafo ankafizina be tokoa.

Happy Wagashi Day! 6.16 = #和菓子の日 or Japanese Traditional Sweets Day ? pic.twitter.com/a7G8ehFPke

— Yuuki (@ore_english) June 15, 2017

Arahaba nahatratra ny 16 Jona Andron'ny Wagashi! = #和菓子の日 na  ny Andro Fankalazana ny Zavamamy Nentindrazana Japoney ?

Hanombohana ilay andro fialantsasatra, nohazavain'ny yuru-kyara Japoney (endrika famantarana) iray mitazona dango (bolabolam-bary madity mifangaro mochi izay matetika aroso miaraka amin'ny dite), zavamamy iray malaza nentindrazana, ny loharano nipoiran'ilay andro:

おおさか和菓子親善大使のたいしくんだよ！あした6月16日は、和菓子の日っ！むか～しむかしから、6月16日に16個のお菓子やおもちをたべて、健康でしあわせにくらせますようにとねがった「嘉祥（かじょう）（嘉定）」という行事があるんだよ。だからあしたは、「和菓子の日」だよ。#和菓子の日 pic.twitter.com/hHZDkVP1kM

— たいしくん (@taishi_cho) June 15, 2017

Arahaba, izaho no Taishikun, masoivoho ofisialin'ny wagashi eto Osaka. Andron'ny no hi wagashi ny 16 Jona! Tany aloha elabe tany, tamin'ny andro fahagola, ny taonjato faha-16 isika dia nihinana karazana wagashi 16 mba hiantohana ny hasambarantsika. “kajou” (嘉祥, 嘉定) no niantsoana izay andro izay tany ampiandohana. Ary araka izany dia ny taonjato faha-16 no wagashi no hi.

Iray hafa koa i Gunma-chan, izay misolo tena ny prefektiora Japoney avy ao Gunma,  nampiseho wagashi vitsivitsy vita voatra maneho ireo antsipirihany mila tandremana fatratra sy hita iraisan'ny karazany sasany amin'ireo zavamamy Japoney:

お昼のほっこりぐんまちゃん１
今日は和菓子の日との事なのでぐんまちゃんの和菓子を張って置こう
桐生の舟定さんの芸術品です＾＾#和菓子の日 pic.twitter.com/3YTXqJ26BR

— ぐんまちゃん投票応援アカウント (@gunmachan_toa) June 16, 2017

[…] Koa satria wagashi no hi androany, ireto misy wagashi vitsivitsy izay mitovy amiko, Gunma-chan. Izy ireto dia nokarakaraina tany an-tanànan'i Kiryu, any an-tendrombohitr'i Gunma.

Marobe ny olona no nampakatra ny sarin'ireo vatomamy tena ankafiziny indrindra:

今日は和菓子の日みたいなので！
いつぞやつくった桃山と練りきり
#和菓子の日 pic.twitter.com/hFjJonnThv

— さゆき (@_sayuki_12) June 17, 2016

Toa hoe androany ny wagashi no hi! Ity misy saripika iray ahitàna sasantsasany amin'ireo momoyama (namboarina avy amin'ny kobam-bary) sy nerikiri (zavamamy iray namboarina amin'ny fetan-tsaramaso fotsy azuki, siramamy sy yamaimo, karazana saonjo iray avy any an-tendrombohitra) izay nohaniko herintaona lasa izay.

先の2枚は浅草でよく食べる。あとの2枚は昔からの大好物(❁´ω`❁)
#和菓子の日 pic.twitter.com/a2QqToTUPt

— みずっち@羅夢 (@hibi_miz) June 16, 2017

[…] Ireto ny sasany amin'ny sarin'ireo zavamamy nentindrazana Japoney ankafiziko fatratra. (❁´ω`❁)

Miseho amin'ny endrika sy habe isankarazany ny wagashi, ny sasany miaingitraingitra ary ny hafa miendrika taokanto kokoa.

和菓子♥

すごいおいしい。ありがたや。#写真撮ってる人と繋がりたい #写真 #和菓子の日 #フォロバ ←気になった人だけ pic.twitter.com/Pugo8hroQs

— ＭＡＭI (@sakura4200) June 17, 2016

Ireto tena matsiro fatratra #sary_mahafinaritra #sary #wagashinohi #araho_aho

Satria fotsiny ny wagashi mifamatotra amin'ny kolontsaina nentindrazana Japoney, araka izany i Kyoto renivohitry ny fanjakàna imperialy fahiny dia manana ny fombany manokana mifandray amin'ny fomba fisotro dite sy ny fanamboarana zavamamy. Ny toerana iray fisotroana kafe Japoney dia nampiasa vola tamin'ny wagashi no hi mba hanasàna ny olona hanandrana ireo asa famoronana manokana nataony mialoha ny Gion Matsuri, iray amin'ireo fetibe malaza indrindra ao Japàna, efa tranainy an'arivo taonany toy ny fombandrazana wagashi no hi ihany koa.

おはようございます。
少し蒸しますか？あと半月もすれば祇園祭…the京都の夏は近いようです。

喫茶去京極の一週間の始まりは金曜日「和菓子の日」本日も11時半open&ランチタイムスタートです☆

今週も宜しくお願いいたします！#清水寺 #和風カフェ#和菓子の日 pic.twitter.com/8Xk8N2922C

— 玉露cafe 喫茶去京極 (@gyokurocafe2008) June 16, 2017

Arahaba maraindraina! Roa herinandro sisa dia ho tonga ny Gion Matsuri ary ny fanombohan'ny lohataona aty Kyoto. Ny […] Kyoguku, ny kafe nentindrazantsika Japoney, dia hisokatra androany ho an'ny wagashi no hi, manomboka amin'ny 11:30 antoandro. Manantena izahay hahita anareo!

Tempoly #Shimizu #Japanesestylecafe #wagashinohi

Tsy mijanona fotsiny amin'ireo zavamamy mafilotra ny wagashi Japoney. Ny gilasy safoina, aroso miaraka amin'ny dite macha sy ‘sirop macha’ , koa dia malaza any amin'ireo toerana fisotroana kafe nentindrazana Japoney sasany.

#和菓子の日 ということで抹茶ー♡ pic.twitter.com/JtXdRadQx9

— 香川愛生@17日JCGｼｬﾄﾞｳﾊﾞ-ｽ (@MNO_shogi) June 16, 2017

 wagashi no hi izao, noho izany dia mihinana macha izahay.

Mazava loatra, andraman'ireo mpivaotra ihany koa ny hitady tombony avy amin'ilay tenifototra tamin'ny 16 Jona. Ny Glico, goavana amin'ny fanamboarana vatomamy, dia nampahatsiahy ny olona rehetra ireo vokatra avy ao aminy. Na tsy tena nentindrazana loatra aza, lasa nalaza manerana izao tontolo izao ity sakafo Japoney ity.

一応、50年以上つづく日本発のお菓子なので。#和菓子の日 #ポッキー pic.twitter.com/FRJKa4fMOb

— pockypretz11 (@pockypretz11) June 16, 2017

Efa 50 taona mahery ity vatomamy ity no nisy nampiditra voalohany tao Japàna. #wagashinohi

Raha hijery sary bebe kokoa momba ireo zavamamy nentindrazan'ny Japoney, araho ny tenifototra  #和菓子の日 ao amin'ny Twitter.