Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lahatsarin-kira Okrainiana Iray Mahatalanjona Aseho Ao Anatin'ny Efijery Apple Miisa 14

(Marihina fa tamin'ny 24 Septambra 2014 no nanoratana ny lahatsoratra teny anglisy)

The "Knock Knock" video was shot in one take and uses 14 different screens to tell its story. Image from YouTube.

Ny lahatsarin-kira “Knock Knock” nojerena tao anatin'ny efijery Apple miisa 14 mba hanarahana ny tantara . Pikantsarin'ny lahatsary tao amin'ny YouTube.

Nahazo ny fon'ny mpijery tao amin'ny Youtube (sy ny mpankafy Apple ) ny tarika mpiangaly rock iray mahaleontena tsy dia malaza loatra ao Okraina niaraka tamin'ny lahatsarin-kira tena hafa kely izay efa nahasarika mpijery dimy hetsy hatramin'izao.

Niantehitra tamin'ny fomba hafahafa iray mba hamokarana ny lahatsarin-kiran'izy ireo mitondra ny lohateny hoe “Knock Knock” ny Brunettes Shoot Blondes, tarika rock avy any Kryvyi Rih, tanàndehibe indostrialy any afovoany atsinanan'i Okraina.  Mandefa ny tantara amin'ny alàlan'ny fampiasana ny efijerin'ny fitaovana 14 samihafa ho an'ny marika Apple ny lahatsarin-kira  izay maharitra 2 minitra sy tapany: finday, tablety sy solosaina. Miampitampita amin'ny efijery toy ny zavatra majika ireo mpilalao ao amin'ny lahatsary .

Inoana fa naharitra ela ny fanatontosana ny lahatsary satria nilaza ny mpanatontosa fa tao anatin'ny andian-tantara iray no nanaovana izany ary nampiasana fakantsary iray, ary tsy nisy ny fanitsiana.  Tantaram-pitiavana mampihetsi-po ny vokatra azo miaraka amin'ny feonkira milantolanto. Tsy isalasalana fa ora maro no namolavolana ny sary sy sarimiaina tao ambadik'izany, ary efa voarindra tsara avokoa ny fandaminana ny fitaovana teo ambony latabatra miaraka amin'ny fotoana azo lazaina ho tonga lafatra.

Raha  niparitaka tao amin'ny aterineto ny lahatsary, dia nanontany ny sasany sady nivazivazy raha mety ho dokambarotra ankolaka ho an'ny marika Apple izy ity noho ny fandraisana anjaran'ireo fitaovana Apple ao amin'ny lahatsary. Asa na ahoana ny fanamarihana mety ho ataon'ny  Apple :  afaka atao dokambarotra tsara ho an'ny Apple ny hira (sy ny lahatsary).

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.