Miatrika loza voajanahary nateraky ny tondradrano sy fihotsahan'ny tany ratsy indrindra tato anatin'ny folo taona ny firenena nosy Sri Lanka amin'izao fotoana izao. Natomboky ny talio atsimo-andrefana izay matetika tonga amin'ny fiafaran'ny volana May, orana mikija nitondra ny renirano Kalu, Kelani, Gin, Nilwala, sy Attanagalu Oya hiparitaka manerana ny moron'ireo distrika 15, mitoetra ao amin'ny faritra atsimo sy andrefan'ny firenena.

Araka ny torohevitry ny Foibe Fitantanana ny Loza tamin'ny 28 May 2017, olona 126 no maty ary efa ho zato ny olona tsy hita noho ny tondradrano sy ny fikorinan'ny ranompotaka. Mihoatra ny olona 400.000 no voakasika nanomboka tamin'ny Zoma lasa teo (26 Mey), ary teo amin'ny olona 100.000 teo no nafindra toerana tamina toerana azo antoka kokoa miisa 304.

Nihena ny orana tamin'ny Sabotsy (27 Mey) ary nanomboka nihena ny haavon'ny rano tany amin'ny faritra sasany. Fanamby goavana, ho an'ireo faritra voakasika izay mbola tsy afaka hidirana, ny fahasalamana sy ny fanadiovana.

Ireto ambany ireto misy sary sy lahatsary vitsivitsy mampiseho ny fitaran'ilay loza voajanahary nateraky ny tondradrano:

RT BasnayakeM: Heavy Flood in Morawaka Town #lka #srilanka pic.twitter.com/HYDrLY4qcX

— Sajith Abeywardhana (@sajithswa) May 26, 2017

RT BasnayakeM: Tondradrano Be ao Morawaka Renivohitra #lka #srilanka pic.twitter.com/HYDrLY4qcX

Flood in Tawalama Town up to 24 feet water level.#lka #srilanka #LKA #Srilanka #Galle pic.twitter.com/at9ovDfuNP

— Farhaan Nizamdeen (@greatgalle) May 26, 2017

Tondradrano ao an-tanànan'i Tawalama mahatratra 7 metatra mahery ny haavon'ny rano.#lka #srilanka #LKA #Srilanka #Galle pic.twitter.com/at9ovDfuNP

https://www.youtube.com/watch?v=2WmIVgEcfr8&feature=youtu.be

Mpampiasa Twitter toa i Azzam Ameen sy Sri Lanka Tweet no efa namoaka lahatsoratra mikasika ilay tondradrano. Maro ireo mampiasa ny tenifototra #FloodSL mba hanarahana maso ny fiantraikan'ny loza.

Sri Lanka’s deadly floods could exacerbate dengue crisis, warns Save the Children as more rainfall is on the way #lka #FloodSL

— Azzam Ameen (@AzzamAmeen) May 27, 2017

Mety hanamafy ny krizin'ny  bemangovitra ny tondradrano mahafaty ao Sri Lanka, mampitandrina ny Vonjeo ny Zaza satra mbola hisy orana ho avy  bebe kokoa #lka #FloodSL

Today morning Neluwa bus stand in flood situation water level up 20 feet #lka #srilanka #Galle #Srilanka pic.twitter.com/ykb606iBpB

— Farhaan Nizamdeen (@greatgalle) May 26, 2017

Anaty haavonà rano hatramin'ny 6 metatra ny toerana fiandrasana fiara fitaterambahoakan'i Neluwa androany maraina #lka #srilanka #Galle #Srilanka pic.twitter.com/ykb606iBpB

— Farhaan Nizamdeen (@greatgalle) Mey 26, 2017

Galle moragoda village also flood due to Moragoda Ela water levels exceeded in yesterday.#lka #srilanka #LKA #SriLanka #Galle #FloodSL pic.twitter.com/fOSACAGenQ

— Farhaan Nizamdeen (@greatgalle) May 26, 2017

ZZZZZZTondraky ny rano ihany koa ny tanànan'i Galle moragoda noho ny fiakaran'ny haavon'ny rano Moragoda Ela omaly.#lka #srilanka #LKA #SriLanka #Galle #FloodSL pic.twitter.com/fOSACAGenQ

Nanamafy ny ezaka fanavotana ny fanjakana. Miaramila mihoatra ny 1.600 avy amin'ny tafika ao Sri Lanka no efa nilatsaka tao anatina hetsika fanampiana amin'ny tondradrano sy fihotsahan'ny tany any amin'ireo faritra voakasika. Nanaparitaka fiaramanidina dimy ny tafika an'habakabaka ho an'ny hetsika fanavotana ary dimy hafa omanina hitatitra ny fanampiana vonjimaika ho an'ireo mponina tafahitsoka ao amin'ireo tanàna tondraky ny rano.

All schools in flood affected areas of Western and Southern provinces will remain closed tomorrow: CM #Lka #SriLanka

— Manjula Basnayake (@BasnayakeM) May 28, 2017

Mbola hikatona ireo sekoly rehetra any amin'ireo toerana voakasika any amin'ireo faritany Andrefana sy Atsimo rahampitso: CM #Lka #SriLanka

Nandefa antso vonjy manerantany any amin'ny Firenena Mikambana i Sri Lanka, ny Vondrona Fakankevitra  Iraisampirenena Fikarohana sy Fanavotana (INSARAG) ary ireo firenena manodidina mba hitondra fanampiana an'ireo olona traboina. Sambo mpiady Indiana iray mitondra fanafody miaraka amina mpiasa 125 no niantsona tao Colombo, renivohitry ny firenena, tamin'ny Sabotsy ary roa hafa koa mbola ho avy tsy ho ela.

Fikambanana sy startup (tsimoka) maro samihafa ihany koa no efa an-dalàna hanampy. Manome torohay manan-danja mikasika ny fipetraky ny tondradrano sy ny fanampiana noho ny maha-olona ireo pejy Facebook toy ny Vonjeo Ireo Traboinan'ny Tondradrano ao Sri Lanka sy ny Vonjy Rano Vaky 2017- Fandraisana Filazana – Sri Lanka. Ny sasany mampiasa ny twitter mba hanentanana amin'ny fanampiana noho ny tondradrano:

People who wanna put up your hands and help. We need volunteers and donors. Join in. #FloodSL #Flood2017 #SriLanka #RT #Help pic.twitter.com/NDDu3XKMIa

— Logan ⚓ (@KawdaBoy) May 26, 2017

Ireo olona izay te-hanatsangana ny tanany ary hanampy. Mila mpilatsaka an-tsitrapo sy mpanome fanomezana izahay. Midira ao anatiny. #FloodSL #Flood2017 #SriLanka #RT #Help pic.twitter.com/NDDu3XKMIa

If any search & rescue team needs aerial drones for their operations, Please contact 0774844639 #flood2017 #FloodSL #SLDisasterRelief #lka pic.twitter.com/5IzpMmYUfl

— Champika Wijerathne (@chamiyeah) May 26, 2017

Raha toa ka misy ekipa mpikaroka & mpanavotra ka mila drona manidina ho an'ny hetsika ataony, Mba antsoy ny 0774844639 azafady #flood2017 #FloodSL #SLDisasterRelief #lka

For anyone looking to donate dry rations and essential items for #FloodSL victims – pic.twitter.com/y67BHmy9r5

— Gopiharan Perinpam (@gopiharan) May 26, 2017

Ho an'izay mihevitra hanome sakafo maina sy fitaovana tena ilaina ho an'ireo traboina #TondradranoSL pic.twitter.com/y67BHmy9r5

We are in the Keleniya and Himbutana areas today. Please call 0777449729 or 0777843841 today if animals in that area need help#FloodSL #lka

— KB (@Acidulouskb) May 28, 2017

Aty amin'ny faritra Keleniya sy Himbutana izahay androany. Azafady, mba antsoy ny 0777449729 na 0777843841 androany raha toa ka misy biby any amin'ireo faritra ireo mila vonjy azafady #TondradranoSL #lka

Mangataka ireo olona azom-pahoriana mba hizara ny toerana honenany amin'ny alalan'ny fampisàna ny fampiharana Taxi PickMe (Sri Lanka) mba ahafahana mampahafantatra ny Foibe Fitantanana Loza.

#lka #FloodSL #Rescue Give your location to the Disaster Management Center via @PickMeLK pic.twitter.com/X1nBGydCum

— PickMe (Sri Lanka) (@PickMeLK) May 27, 2017

#lka #Tondra-dranoSL #Fanavotana Omeo ny Foibe Fitantanana ny Loza ny toerana misy anao amin'ny alalan'ny @PickMeLK pic.twitter.com/X1nBGydCum

Tamin'ny taona lasa teo, taorian'ny loza voajanahary izay nentin'ny rivodoza Roanu, nampiditra bokotra ”fanampiana amin'ny tondradrano” ny PickMe, izay manome fahalalahana an'ireo mpampiasa mba hiantso fiara haka ireo fanampiana sy fanomezana izay nalefa maimaimpoana tany amin'ny Vokovoko Mena Sri Lankey. Nampiditra bokotra ”SOS” ihany koa ry zareo, izay nitondra nankany amina fangatahana nihoatra ny arivo sy fanavotana nahomby miisa 150 tamin'ny sambo ho an'ireo voafandriky ny tondradrano sy fihotsahan'ny tany.

Ireo ezaka nitambatra niarahan'ny fanjakana sy ireo vahoaka Sri Lankey tsotra izay mampiakatra ho amin'ny farany ambony ny sehatra mediam-bahoaka maro isan-karazany dia mitondra ireo mponina tafahitsoka ho any amin'ny fandriana fahalemana ary manohana azy ireo amin'ny alalan'ny hetsika fanampiana. Nanampy hisorohana ny fahaverezana aina maro izany satria ankehitriny miatrika ny làlana lava mankany amin'ny fahasitranana ireo Sri Lankey.