(Marihina fa tamin'ny 30 Jona 2009 no nanoratana ny lahatsoratra teny anglisy)
Manohy ny famoronana ny asakanto an-tserasera ny olom-pirenena Iraniana sy tsy Iraniana ho fanohanana ny hetsi-panoheran'ireo Iraniana manohitra ny vokatry ny fifidianana filoham-pirenena tamin'ny 12 Jona [1] [2009] tao Iran.
Tamin'ny herinandro lasa, namoaka [2]ohatra maromaro momba ny fomba ‘nihaonan'ny zavakanto sy ny hetsi-panoherana’ izahay.
Namolavola [3]ny endrika maneho ny firaisan-kina miaraka amin'ny mpanao hetsi-panoherana Iraniana i Tim Raines , mpanakanto Amerikana iray.
Manondro ny fahafatesan'ny mpanao fihetsiketsehana [4] Iraniana tao anatin'ny tapa-bolana ny famolavolan'i [5]Hamed Pourabedin. Nilaza izy fa vao mainka miha-matanjaka ny hetsika noho ny famonoana ny mpanao fihetsiketsehana .
Nizara ny asakantony tao amin'ny pejy Facebook-ny manokana [6]ilay bilaogera Iraniana Elika Hedayat [7] :
Mbola avy amin'i Elika Hedayat ihany ity famolavolana ity. Nalaina avy amin'ny teny fanevan'iray tamin'ireo mpanao hetsi-panoherana ny teny Persiana hoe : “Aza matahotra, miaraka isika rehetra “
Nizara [8]ny famolavolana hafakely avy amin'ny namany Patrick i Nikoo :
An Iranian artist plays the piano and sings as a tribute to Neda Agha Soltan [9], a young girl who was shot and killed during a post-election demonstration in Tehran on June 20. This video has been watched by more than 36,900 visitors:
Nisy mpanakanto Iraniana mitendry piano ary mihira ho fanomezam-boninahitra an'i Neda Agha Soltan [9] , tovovavy iray voatifitra ary maty nandritra ny fihetsiketsehana taorian'ny fifidianana tao Tehran tamin'ny 20 Jona. Mpitsidika maherin'ny 36.900 no nijery ity lahatsary ity :
https://youtube.com/watch?v=nemIWvh_Mqs
Jereo ny pejin'ny Global Voices natokana ho an'ny Fifidianana Iraniana 2009 [10] .