(Marihina fa tamin'ny 10 Aprily 2008 no nanoratana ny lahatsoratra teny anglisy)
Tamin'ny 19 Aprily, nampiantrano ny Andro ho an'ny Fitenenana Boliviana [1] ny Voces Bolivianas [2] tao amin'ny toerana miisa valo samihafa manerana ny tanàndehibe Boliviana miisa enina, hetsika voarindra iray andro izay manofana ny Boliviana am-polony amin'ny fomba hanombohana ny bilaoginy manokana sy ny fandraisana anjara amin'ny fifanakalozan-kevitra an-tserasera nasionaly [3] sy manerantany [4] .
Ato amin'ity rakipeo iarahana amin'ny mpanorina ny Voces Bolivianas, Eduardo Ávila [5] ity, no andrenesantsika ny famaranana ny lanona [6]n'ny andiana atrikasa tao Santa Cruz [7] sy ny antony nahatapa-kevitra ny Voces Bolivianas hikarakara ny fiofanana iray andro tao amin'ny toerana maro samihafa manerana ny firenena.
Podcast: Play in new window [8] | Download [8]
Subscribe: RSS [9]