Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Navotsotra Ilay Bilaogera Ejypsiana Monem

(Fanamarihana: Lahatsoratra efa nivoaka tamin'ny volana Mey 2007 ny teny anglisin'izy ity)
Abdulmonem Mahmood - Arrested Egyptian Blogger

Nihatra tamin'ireo bilaogera manana fironana ara-politika samihafa ny famoretana azy ireo vao haingana. Avy ao amin'ny Mpirahalahy Miozolomana voaràra ao Ejypta ilay bilaogera Ejipsiana Abdul Monem Mahmood izay efa nogadraina nandritra ny 46 andro noho ny fanehoan-kevitra ara-politika. Na izany aza, bilaogera maro avy amin'ny fironana ara-politika samihafa no nampiseho fanohanana tsy misy fanavakavahana an'i Monem.

Araka ny hita ao amin'ny bilaogin'i Monem, any am-ponja iharan'ny fepetra feno habibiana izy, tsy navela hanatrika ny fanadinany fianarana ambony izy ary zara raha nahavita nitsidika ny rainy marary, andro vitsy lasa izay.

Nandre ny vaovao momba ny famotsorana an'i Monem miaraka amin'ny ahiahy manoloana ny tsy fahatokisana ny fiarovana Ejypsiana ireo bilaogera Ejiptiana. Nilaza i Nora Younis fa “tampoka ny fanapahan-kevitra hamotsotra an'i Monem, tahaka ilay didy fanagadrana ihany … mbola matahotra aho. Tsy te hiarahaba an'i Monem aho raha tsy mahita azy mihitsy ny masoko.”

Tao amin'ny lahatsoratra bilaogy teo aloha mitondra ny lohateny hoe: “Fahalalahana ho an'ny Aterineto“, nilaza i Jar El Kamar fa ny antony ao ambadiky ny fanagadrana an'i Monem dia ny lahatsoratra blaoginy momba ny fampijaliana ataon'ny fiarovam-panjakana aminy, ny fandraisana anjarany amin'ny fihaonambe, ary noho ny izy mpanao gazety mavitrika miaro ny zon'olombelona. Nilaza i Jar El Kamar hoe: “ny fiandronan'ny fahatsapana tahotra dia mitarika fanivanan-tena henjana … malahelo aho satria ny hany toerana hahatsapako fahalalahana dia voahodidina ankehitriny.”

Ny famotsorana an'i Monem tamin'ny Asabotsy dia mety hisy fiantraikany eo amin'ny dingana raisina ho an'ireo bilagoera hafa izay maneho hevitra malalaka ao amin'ny tontolon'ny bilaogy Ejiptiana, izay manazava ny antony nahatonga ny vaovao noraisina tamim-pahanginana, ahiahy na tsy tazana mihitsy ny fanehoana hafaliana. Niteraka ohatra ara-pitsarana ho an'ireo bilaogera Ejyptiana mba hampisy ny sivana ny hany dingana mazava hatramin'izao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.