Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Japàna: Ho Averina Hatsangana Indray ny Teatra Kabuki

(Fanamarihana: lahatsoratra nivoaka tamin'ny Aprily 2010)

Iray amin'ireo tranobe mora fantatra indrindra ao Japàna, ny Kabuki-za lehibe sy tranainy ao Ginza izay nakatona ny volana Aprily 2010. Horavàna izy io ary ho lasa teatra sy toerana ahitàna birao maro samihafa misy fifandraisana mivantana amin'ny toerana fandraisana fiarandalamby ambanin'ny tany. Aza adino ny manapotsitra ity rohy ity hahitànao ireo  endrikendrika nomanina ho an'ny ivelany. Ity ny sary fahatelo ao amin'ilay pejy, tsy afaka ny handingana an'io ianao.

Kabuki-za at night by Ali San

Kabuki-za rehefa alina, an'i Ali San

Tamin'ny 1889 ny Kabuki-za no nisokatra. Ny teatra amin'izao fotoana izao dia naorina tamin'ny 1951 taorian'ny fahamaizana nanjo ilay voalohany noho ny nataon'ny Tafika an'Habakabaka Amerikana nandritry ny Ady Lehibe Faharoa.

Tany amin'ny 2005 tany ho any ny Shochiku Company, Limited, tompon'ny tany sady mpitantana ny teatra no nanomboka niresaka famerenana manorina azy io. Ny antony voalohany narosony dia tsy dia ampy fepetram-piarovana sahaza loatra ilay tranobe mba hanoherany ny loza voajanahary, indrindra fa ny horohorontany.

Ilay teatra, toerana koltoraly iray miavaka, dia voasokajy ho toy ny Fanànana Ara-Kolontsaina Azo Tsapain-Tànana.

kabukiza*West Wing(3F) by tenugui

kabukiza*Ilany Andrefana(3F) an'i tenugui

Nikarakara andianà “fampisehoana fanaovana veloma” ny  Shochiku. Nilahatra hijery ny iray tamin'ireny i Yoko Ishikura ary manamarika hoe:

Tena nankafiziko tanteraka ny nijery ireo fampisehoana roa, ary tsy ahoako ny nijoro nandritry ny ora 3 sy sasany rehefa natambatra. Ireo hatsaràna sy ny taokanto tao dia tena nanainga fanahy ka nahatonga anao hisaintsaina hoe mendrika iainana tokoa ny fiainana.

Misy famantaranora manao dia miverina napetaka eo anoloan'ilay teatra, toerana nakàn'ny olona maro sary. Hoy i Yuzu :

歌舞伎がずーっと後世へと引き継がれるには、今建て替えが必要なんですよね。

どのように生まれ変わるのか楽しみですね

Takatro fa ilaina ny mamerina manorina indray ilay teatra mba hiampita amin'ireo andian-taranaka hoavy ny Kabuki. Tsy andriko ny hahita ny fahavitany tanteraka!

L-Komachi:

私にとって、現在の歌舞伎座で観る、最後の歌舞伎になります。歌舞伎座前のカウントダウン時計の残り日数も一桁になっていました。歌舞伎座の前で、建物やカウントダウン時計を記念撮影している人も多かったです。[…] 「御名残四月大歌舞伎」を全3部を観て、改めて、歌舞伎の面白さを再認識しました。歌舞伎座は建て替えのためしばらく休場となりますが、歌舞伎は見続けることになると思います。

Ity no fampisehoana farany ho hitako ato amin'ity Kabuki-za ity amin'izao endriny izao. Efa manisa mihemotra segondra iray hatrany ilay famantaranora, ary maro ireo olona naka sary teo anoloan'ilay tranobe sy ilay famantaranora. […] Ny fijerena ireo toko telo tamin'ilay “Aprily Fanaovana Veloma ny Kabuki-za” dia nahatonga ahy hahatsapa indray ny firavoravoan'ny Kabuki. Hikatona mandritry ny fotoana misimisy ny Kabuki-za, saingy mbola hitohy hijery Kabuki aho.

Hanao ahoana ny fahatsapantsika amin'ny 2013 rehefa vita tanteraka ny asa fanavoazana, ary hiandrandra hijery ny birao any amin'ny rihana fha-20 no mihoatra isika, izay hanjelanjelatra ery ambonin'ilay Kabuki-za malalantsika?

Ilay bilaogera, gohermes dia mahatsiahy ny “Executive Centre Tokyo Bankers Club Building” (東京銀行協会ビル) tao amin'ny faritr'i Marunouchi. Indrisy fa nahazo anaram-bosotra hoe “taotrano hatina” io tranobe io (かさぶた建築) ary manontany tena i Kyo :

The Executive Centre Tokyo Bankers Club Building

Ny “Executive Centre Tokyo Bankers Club Building”

調べたところ、建物自体の問題で全面保存はできなかったようです。こんな形でも残ってよかったのか、跡形もなく消えてしまった方がよかったのか、難しいところです。

Toa hoe olana ateraky ny rafitra no tsy maha-mety ny hanavaozana tanteraka io tranobe io. Tsaratsara kokoa ve ny mitahiry ilay tranobe amin'izao fomba izao? Sa metimety kokoa ny mamela azy….hirodana? Tsy dia tena azoko antoka.

Averina indray, ity ny rohy misy ilay Kabuki-za vaovao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.