Mpiasan'ny tsenan'ny trondro, Tokyo, Japan (sary tsy nanana lohateny na anarana). Saripikan'i Lee Chapman / Tokyo Times. Nahazoana alalana.
Mpakasary an-dalambe mavitrika mandrakitra ny fiainana ao Tokyo i Lee Chapman. Raha maka sary ho an'i Guardian, Economist, Daily Mail ary ireo famoahana hafa i Chapman, dia mitazona rakitsary an-tseraserra antsoina mahatra hoe portfolio izy, voafahana intelo isan-kerinandro ihany koa ny blaoginy Tokyo Times.
Tokyo: A daily struggle https://t.co/9jv7OXMgT7 pic.twitter.com/H31Clwwvs4
— Lee Chapman (@tokyotimes) April 24, 2017
Adim-piainana isanandro
Nonina tao Japan hatramin'ny taona 1998 i Chapman. Ny fikasany voalohany dia hoe herintaona na roa taona ihany no hitoerany, saingy ankehitriny milaza izy fa i Japan no fonenany. Araka ny antsafa vao haingana hita an-tserasera, milaza i Chapman fa mampiasa Leica M8 Rangefinder — ity fakantsary kelikely ity no ahafahany manatona ny zavatra jereny — ary nisy vaikany tamin'ny asany.
Raha mandrakitra fiainana ao sy manodidina an'i Tokyo i Chapman, dia nahazo sary haikyo, karazana fakana sary mandrakitra ny faharavana tsikelikely amin'ny tranobe ao Japana sy any an-kafa nilaozana.
New photos: The silence of an abandoned Japanese village https://t.co/HCWfrLARdF
— Lee Chapman (@tokyotimes) April 25, 2017
Sary vaovao: fahanginan'ny tanànakely japoney nilaozana
Finally got round to adding an Abandoned Japan section to my portfolio: https://t.co/BH5MxppXnk pic.twitter.com/7hNNz8qLjy
— Lee Chapman (@tokyotimes) April 6, 2017
Nanampy toko amin'i Japan nilaozana ao amin'ny portfolio ihany aho ny farany.
Old, crumbling and abandoned Tokyo: https://t.co/vjf37ELoR6 pic.twitter.com/Du9EwJ2c6E
— Lee Chapman (@tokyotimes) May 3, 2017
Tokyo konka, mirodana sy nilaozana
Ahitana ny karazan-javatra isan-karazany araka izay mahaliana ny tsirairay ihany koa ao amin'ny bilaogin'i Chapman, ary tafiditra amin'izany ny sarintava amin'ny fomba ofisialy:
Shinto priest: A colour portrait https://t.co/nYR7SsmfdJ pic.twitter.com/CESIb2ITZY
— Lee Chapman (@tokyotimes) May 1, 2017
Pretra Shinto: Sarintava miloko
Ary ny zavatra mahafinaritra indrindra, dia ahitana seha-piainana andavanandro ao Japan ny bilaogin'i Chapman, ny sasany amin'ireo moa dia mety ho tsy taza-maso intsony :
A traditional Tokyo rice cracker shop: https://t.co/fGPuzZ1W0B pic.twitter.com/IYli8P6Epb
— Lee Chapman (@tokyotimes) March 27, 2017
Fivarotana fanorotoroam-bary nentin-drazana ao Tokyo [toa mitovy endrika amin'ny mofogasy]
Noho ny fahavitrihan'i Chapman tokoa, dia mety ho sarotra ny itadiavana ny toerana hanombohana ny famakivakiana ny sariny, Soa ihany fa efa nandahatra ny “sary nankafiziny indrindra tamin'ny taona 2016” izy, izay toerana tsara isantarana ny fijerena ny saripika an-dalambe nataony.
Raha liana amin'ny antsipirian'ny teknika fanaovany ny saripikan'i Chapman ianao, dia misy ny antsafa iray mahafinaritra nifanaovany tamin'ny mpakasary iray hafa monina ao Japan Martin Bailey, mpakasarin'ny natiora sy ny fiainam-biby mpirenireny.
I just released a video interview with Tokyo street photographer Lee Chapman AKA @tokyotimes. Video and links: https://t.co/Vrb5CksKT6 pic.twitter.com/MxJTeR7NCo
— Martin Bailey (@MartinBailey) April 17, 2017
Vao namoaka ny antsafa an-dahatsary iray nifanaovana tamin'i Lee Chapman, mpakasary an-dalambe na i @tokyotimes aho. Lahatsary sy ny rohy:
Ankilan'ny blaogy sy portfolio an'i Chapman, ny saripikany dia mety ho hitanao ao amin'ny Tokyo Times Instagram sy ny Kaonty Twitter.
