Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Niala An-Daharana Tamin'ny Fifaninanana Lalao Echec ny Zazavavy Iray Rehefa Nolazain'ny Mpikarakara Fa “Manaitaitra” Ny Akanjony Hatreo Amin'ny Lohaliny

Nolazain'ny mpikarakara fifaninanana echec ho manaitaitra izay akanjo izao. Sary avy amin'ny pejy Facebook an'i Kaushal Kal

Niala an-daharana tamin'ny fifaninanana echec tao Malayzia ny zazavavy 12 taona iray rehefa nisy mpikarakara nilaza fa “tsy mety” sady mandika ny fomba fitafy tsy maintsy anaovan'ny mpifaninana ny zipony hatreo amin'ny lohaliny.

Nivoaka tao amin'ny tsanganana Facebook-n'ny mpanazatra ilay zazavavy izany ary nalaza an-tserasera tao anatin'ny fotoana fohy. Nanoratra i Kaushal Khandhar fa nandritra ny fifaninanana, nisy mpikarakara iray nanatona ilay zazavavy sy ny reniny momba ny akanjony “manaitaitra” izay azo heverina ho “fakampanahy amin'ny zoron-kevitra lavitra, lavidavitra.”

Ny hany nolazain'ny fomba fitafy rehefa mifaninana lalao echec ao Malayzia anefa dia hoe tsy maintsy “mendrika jerena” ilay mpilalao.

Niezaka ny hividy akanjo vaovao ny reniny saingy efa nikatona ny tranombarotra tao amin'ny faritra. Noho ny henatra fa noampangaina ho nanao fitafiana “tsy mety” ilay zazavavy dia niala an-daharana tsy nanohy ny fifaninanana.

Namoaka ny sarin'ny raobin'ilay zazavavy i Kaushal Khandhar hanaporofoana fa diso izany filazana fitafy tsy mendrika izany. Nampiany avy eo fa mitaky fialan-tsiny avy amin'ny Mpikarakara Nasionalin'ny Lalao Echec ny fianakavian'ilay zazavavy:

This incident has left her extremely disturbed, and embarrassed.

We are absolutely DISGUSTED by the treatment of Tournament Director to a 12-year-old girl and her mother. This incident has resulted in loss of time and money which was invested before, during and after the tournament on coaching, registration fees, travelling, accommodation and other incurred cost.

I have been playing chess in Malaysia for almost 2 decades and I have never heard this type of issue ever in any tournaments in Malaysia. This should be the first and last time this kind of issue ever appears, I or anyone of us should never accept this in our Chess Community.

Niteraka fahasahiranan-tsaina sy fahamenarana ho azy iny zava-nitranga iny.

RIKORIKO tanteraka tamin'ny nataon'ny talen'ny fifaninanana tamin'ny zazavavy 12 taona  sy ny reniny izahay. Niteraka fahaverezam-potoana sy vola efa nolaniana teo aloha, nandritra ary taorian'ny fifaninanana tamin'ny fanazarana, fisoratana anarana, saran-dalana, saran-dasy ary izay mety ho fandaniana hafa izany.

Efa ho roapolo taona izao no nilalaovako echec teto Malayzia fa tsy mbola nahita karazan'olana toy izao mihitsy aho. Ity no tokony ho sady voalohany no farany amin'ny karazana olana toy izay, tsy tokony hanaiky ny zavatra toy izao ato amin'ny vondrom-piarahamonin'ny lalao echec mihitsy na izaho na iza na iza.

Niteraka fahatezeram-bahoaka tamin'ny mpikarakara ny fifaninanana echec ilay lahatsoratra Facebook. Misy ny mieritreritra fa taratry ny fiakaran'ny herim-panintonan'ny vondrona saroti-piaina [mg] sy hiringiriny ara-pivavahana ao Malayzia izao toe-javatra izao.

Nitsipaka ny talen'ny fifaninanana hoe nanery an-drazazavavy hiala amin'ny fifaninanana. Ary nametraka fitoriana tao amin'ny polisy rehefa nahazo hafatra fankahalana an-tserasera sy fandrahonana ho faty. Nandritra ny valan-dresaka ho an'ny mpanao gazety nataony, nilaza izy fa “voahendrikendrika” tamin'ny raharaha:

I received abusive messages and threats on Facebook and via email. People used terms like ‘paedophile’ and ‘pervert’. I even looked for messages of support but there were none.

Naharay hafatra maherisetra sy fandrahonana tao amin'ny Facebook sy tamin'ny alalan'ny mailaka aho. Nampiasa voambolana tahaka ny hoe ‘mpametaveta zaza’ sy ‘tsy valahara’ aho. Mba nitady hafa-panohanana aza aho saingy tsy nisy mihitsy izany.

Rehefa namakafaka ny toe-draharaha ny Federasiona Malayziana ny lalao Echec tamin'ny voalohany dia niteny fa tsy nahintsana noho ny fitafiny ilay zazavavy. Tsy nanaiky ny hanohy ny famotorana ry zareo rehefa nahare fa efa nanaovana fitoriana tany amin'ny polisy ny raharaha.

Raha nifototra tamin'ny tati-baovao dia notsipahin'ny mpikarakara ny fifaninanana lalao echec ny filazana fanintsanana ilay zazavavy — ary marina izany satria ilay zazavavy no niala an-daharana tamin'ny fifaninanana. Saingy nangina ry zareo rehefa nasaina nifantoka tamin'ny filazana ny “tsy fetezan'ny” fitafy tamin'ilay zazavavy sy ny reniny.

Namoaka fanambarana mandrisika ny Federasiona Malayziana ny lalao Echec hijery lalina kokoa ny raharaha ny Minisitera misahana ny Vehivavy, ny Fianakaviana ary ny Fampandrosoana ny Fokonolona :

The opportunity for children to participate in this activity is not only a mental stimulus to children but also the chance to mix, exchange ideas, share experience and interact among themselves, from different races, sex, background, economic status and religious belief.

Ny fahafahan'ny ankizy mandray anjara amin'itony hetsika ity dia tsy fandranitana ny fahaizana fotsiny fa fotoahana ahafahana mifangaro, mifanakalo hevitra, mizara traikefa ary mifandray na dia samihafa foko, fananahana, fanabeazana, saranga ara-toekarena sy fivavahana aza.

Notoloran'i Peter Long, avy ao amin'ny Ivotoera Fahalavorarian'ny Lalao Echec, izay Akademiam-pirenen'ny Federasiona Malayziana ny Lalao Echec ihany koa, hevitra ny mpikarakara ny fifaninanana hiala tsiny amin'ilay zazavavy sy amin'ny fianakaviany:

Just apologise to the girl, make it right. It’s okay to make a mistake, to be wrong. But it is not okay to cover up, or worst to shift blame, and collectively pretend it is the solution. Do not victimise the girl, her mother or the whistleblowing coach.

Do I have to remind us all that we are talking here about a 12-year-old girl here? I really want to believe that we understand the welfare of the child is of utmost importance.

Mialà tsiny amin'ilay zazavavy fotsiny, atao araka ny tokony ho izy. Ekena ny manao fahadisoana, ny mandiso. Saingy tsy ekena ny manafina, ary ny ratsy indrindra dia ny miala bala [andraikitra], ary miaraka milaza fa izany no vahaolana. Aza atao lasibatra ilay zazavavy, ny reniny na ilay mpanazatra namoaka ny raharaha.

Mila mampahatsiahy antsika rehetra ve aho fa miresaka zazavavy 12 taona isika eto? Te-hino tanteraka aho fa takatsika tsara hoe ny mahasoa ilay zaza no zava-dehibe indrindra.

Nanizingizina i Terence Fernandez, mpanoratra fa ” tsy ny filazana fanitsakitsahana ny fepetran'ny fomba fitafy ihany no tokony hojeren'ny polisy fa ny zavamisin'ilay zaza fantarin'ny olon-dehibe iray amin'ny fananahany.”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.