Manana fifandraisana iray ifamahofahoan'ny fitiavana/fankahalàna amin'ny Fetibeny i Jamaika. Fanafàrana kolontsaina iray tamin'ny 1989, naorin'i Byron Lee, ilay Jamaikàna mpiangaly mozika, ary miteraka fihetsehampo miharoharo eny anivon'ny Jamaikàna maro izy io. Tamin'ity taona ity, taorian'ny andro iray nisian'ny orambe nivatravatra sy tondradrano tany amin'ny faritra maro tao amin'ny nosy, nahagaga fa tsara tampoka teo ny toetrandro tamin'io andro io. Betsaka lavitra noho ireo taona tany aloha ny fandraisana anjara, satria ny fianakaviana Lee, izay niverina namelona ilay fombandrazana hatramin'ny nahafatesany, dia nanolotra akanjo takabidy ho entina mampiakatra ny lentan'ny Bacchanal Jamaica, tamin'ny alàlan'ny tarika roa vaovao, Xaymaca sy Xodus.

Patria-Kaye Aarons, mpanao matoandahatsoratra, dia namelona indray ilay adihevitra momba ny mozika “soca vs dancehall”  efa naharitra ampolo taonany:

Na efa notondroin'ny UNESCO aza i Kingston hoe tanànan'ny fahaizana mamorona mozika, tsy mbola manana ny toerany eto foana ny dancehall. Ahoana no nandraisana ny dancehall, raha tsy resahana ny fampiroboroboana, tao an-tanànan'i Kingston? Mitohy atao toy ny valalan'alika ny Dancehall ao an-tanàna niaviany. Azo antoka, tsy ny rehetra no mankafy azy io, noho ny tsindry mavesatra tsy maintsy iafenany any an'elakelantrano any isaky ny miseho sehatra, ny fandosirana polisy ora maro. Mbola misy foana ny tolona ifanaovana amin'ilay Lalànan'ny Fampihenana ny Kotaba izay manery ny fikatonana mialoha, mifanohitra tanteraka amin'ny kolontsain'ny dancehall.

Manohitra mafy ilay Fetibe ilay mpanao matoandahatsoratra toa azy, Gordon Robinson:

It's time to put a stop to this loud, rude, crass annual home invasion of a foreign culture. There is NO upside at all

— Gordon Robinson (@TheTerribleTout) April 23, 2017

Fotoana izao tokony hampitsaharana ity fananiham-bohitra feno tabataba, tsy misy fahalalam-pomba sy -mitratrevatreva isantaona ataon'ny kolontsaina vahiny ity. TSY misy na iray aza ny lafiny tsara

Tsy iombonan'ny rehetra izany:

Dancehall is 365 every year.
Soca can't have its little 40 days?
Jeeezum!
All when a soca time dancehall still a play.
Why the rift!?

— FLEEKYONCÉ (@yehperry) April 24, 2017

365 isantaona ny dancehall
tsy afaka ny mba hanana ny 40 andro natao ho azy ve ny Soca?
Jeeezum!
Izany rehetra izany fony mbola seho an-tsehatra ny fotoanan'ny soca dancehall
Fa naninona no nisaraka?

Ilay mpandraharaha, Zachary Harding, dia isan'ireo manipika ny tombontsoa ara-toekarena entin'ilay Fetibe, isan'izany ny fanasongadinana an'i Kingston ho toy ny toerana falehan'ny mpizahatany :

Unstoppable. 25,000+ visitors through Kingston airport in April = 34% increase = UPSIDE! We also export our culture. It's a global world. https://t.co/IL2LfldQO7

— Zachary Harding (@zacharding) April 24, 2017

Tsy hay tohaina. Mpitsidika 25.000 nandalo tao amin'ny serampiaramanidin'i Kingston tamin'ny Aprily = fitomboana 34% = LAFY TSARANY! Manondrana ny kolontsaintsika koa isika. Tontolon'ny fanontoloana

Ary ireo mpiasa malaza amin'ny fahitalavitra, Archibald Gordon sy Simon Crosskill kosa nidera: Tena mavitrika manohana ny mozika “zanatanin” dry zareo ve ny Jamaikàna??

@ArchibaldKeane @Petchary @djmillerJA @KemeshaKelly_ @BigBlackBarry How many people lamenting the growing popularity of carnival have been to a reggae week event

— simon crosskill (@simoncrosskill) April 24, 2017

@ArchibaldKeane @Petchary @djmillerJA @KemeshaKelly_ @BigBlackBarry Firifiry tamin'ireo olona maro nitaraina momba ny fitomboan'ny lazan'ny fetibe no nanatrika ny fetibe iray naharitra herinandro natao ho an'ny reggae

Na izany aza, ny marimaritra niraisan'ny rehetra tety anaty media sosialy dia taona iray tena lafatra ny 2017. Hoy ny bitsiky ny olona iray:

Carnival is growing!

60% of Bacchanal Jamaica revellers were from overseas.

On a separate note, Xodus had 1,800 revellers on the road. pic.twitter.com/su85dFSnRQ

— We Revellin! (@WeRevellin) April 25, 2017

Mitombo ny fetibe!

60% tamin'ireo mpifetin'ny Bacchanal Jamaica no avy any ampitan-dranomasina.

Tanaty fanamarihana iray mitokana, Xodus nanana mpifety 1.800 teny an'arabe.

Nampian'ilay mpikatroka mpiaro zon'olombelona, Jaevion Nelson :

Carnival was spectacular. All that needs to happen is that they all end at the same time at the same place with a big dance in HWT square.

— Jaevion Nelson (@jaevionn) April 24, 2017

Tena nahasondriana ny fetibe. Ny tena ilaina dia hoe mifarana amin'ny fotoana iray eo amin'ny toerana iray izy rehetra, miaraka aminà dihy goavana eo amin'ny kianja HWT.

HWT dia fanafohezana ny Half-Way Tree square, toerana iray fifamoriana ao Jamaika.

Marobe ny Jamaikàna no nandray tamin'ny fony manontolo ilay Fetibe, ary dia nifaly fotsiny izao. Niparitaka be ireo sary maro avy amin'ilay lanonana. Nibitsika ny Jamaica Gleaner hoe :

#MasMania: Pillar point! This reveller takes it to another level on the Xaymaca carnival road march – @rmakyn photo pic.twitter.com/Tsx5DvG2HK

— Jamaica Gleaner (@JamaicaGleaner) April 23, 2017

#MasMania: Teboka tsangambato! Nampiakarin'ity mpifety ity hanana lenta iray hafa ny fetibe fanaovana diabe Xaymaca

#MasMania: The Xaymaca crew takes off along Waterloo Road, St Andrew – @rmakyn photo pic.twitter.com/8nTnFBr6A2

— Jamaica Gleaner (@JamaicaGleaner) April 23, 2017

#MasMania: Mandray ny Arabe Waterloo, St Andrew, ireo tariky ny Xaymaca

#MasMania: She can do it too! A senior citizens walks alongside two younger revellers on the Jamaica Carnival road march – Jermaine Barnaby pic.twitter.com/KuLYTHhqE5

— Jamaica Gleaner (@JamaicaGleaner) April 23, 2017

#MasMania: Vitany koa io! Miara-mizotra aminà tanora roa mpifety ny zokiolona iray ao anatin'ny Fetibe fanaovana diabe Jamaika – Jermaine Barnaby

Mazava loatra, nohararaotin'ireo politisiana ihany koa ny fotoana mba hisehosehoana ho fanta-bahoaka indray. Olivia “Babsy” Grange, Minisitry ny Kolontsaina, Miralenta, Alavoly ary Fanatanjahantena ary i Delroy Williams, Ben'ny Tanànan'i Kingston dia samy niseho sehatra avokoa,  nibitsika hoe:

When we touch down ! ?? #CarnivalInJa #Kingston145 #CityOfMusic pic.twitter.com/oOe0fvDn4x

— Delroy Williams (@MayorWilliamsJA) April 23, 2017

Rehefa mahadona isika !