Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Breziliana Mpanao Graffiti sy Tanora Syriana Miara-Mandoko Ny Rindrin'ny Tobin'ny Mpitsoa-ponenana

Sekoly nolokoina tao amin'ny tobin'ny mpitsoa-ponenana Syriana ao amin'ny Lemaka Beqaa, Libanona. Sary avy amin'ny pejy Facebookn'i Rimon Guimarães.

Ahitana loko maro samihafa ankehitriny ny tobin'ny mpitsoa-ponenana Syriana ao amin'ny Lemaka Beqaa ao Libanona, mampiantrano mpitsoa-ponenana efa ho 1 tapitrisa, noho ny tetikasa iray nahita ireo ankizy Syriana nampian'ny Breziliana mpanao graffitti antsoina hoe Cosmic Boys nandravaka ny sekoly tamin'ny zavakanto nolokoina ara-teknika.

Anisan'ny fisantarana andraikitra lehibe antsoina hoe Cosmic Future izay te-hampiasa ny zavakanto ho fitaovana manasitrana ho an'ny tanora Syriana ity tetikasa ity. Anisan'ireo mpandray anjara amin'izany ny Tetikasa Conexus, fiaraha-mientan'ny kanto mifindrafindra toerana; ny Al Caravan, izay mifofotra amin'ny atrikasa ara-panabeazana, ara-pialam-boly sy ara-kolontsaina ho an'ireo ankizy sy olon-dehibe Syriana nafindra toerana; ny Costmic Boys, ahitana an'i Rimon Guimarães sy Zéh Palito; i Sheilo Zago, mpanangon-drakitra; i Agathe Champsaur, Frantsay mpiandraikitra ny fandraketan-taratasy, ary i Anas Albraehe, mpanankato Syriana.

Ny hanangona 9.999 dolara Amerikana amin'ny alalan'ny fanentanana fanangonam-bola no tanjon'izy ireo, ary mizara ireo vaovao farany ao amin'ny Facebook sy Instagram mikasika ny fivoaran'ny asan'izy ireo.

Ireto ambany ireto ny antony mampandrisika azy ireo:

In a moment of strong flux of immigration due international conflicts, people look for chances to survive, places to live – to wait or to start a brand new life. Many end living in non ideal conditions between refugee camps and settlements, where education is not easily accessed and children and teenagers often quit studying.

[…]

We believe that art can bring them some relief, perspective and skills to make their waiting less painful – as well as to give them a voice to express what they are experiencing, along with international visibility. Therefore, we aim to engage with children and teenager refugees living in these spaces, trying to turn their low life expectations into hope for a bright Cosmic Future!

Amin'ny fotoanan'ny fahabetsahan'ny fifindra-monina noho ny ady iraisam-pirenena, mitady fomba hivelomana, toerana honenana indray ny olona – hiandry na hanomboka fiainana vaovao tanteraka. Maro ireo miafara amin'ny fiainana anatin'ny fepetra ratsy ao anatin'ny tobin'ny mpitsoa-ponenana sy ny toeram-ponenana, izay tsy mora ny miditra mianatra ary matetika miala amin'ny fianarana ny ankizy sy ny tanora.

[…]

Mihevitra izahay fa mitondra fanamaivamaivanana, vinavina sy fahaizana ho azy ireo ny zavakanto mba hahatonga ny fanantenan'izy ireo tsy havesatra bataina, ary ny hanome feo ho azy koa ireo sehatra hanehoany ny zava-iainan'izy ireo, sy ho hitan'ny iraisam-pirenena. Noho izany, ny tanjonay dia ny mampandray anjara ireo ankizy sy tanora mpitsoa-ponenana monina amin'ireo toerana ireo, miezaka manova ny fanantenan'izy ireo amin'ny fiainana ho amin'ny ho avy mamirapiratra kokoa!

Zeh Palito (eo anoloana), Rimon Guimarães (afovoany) ary i Khaldoun Al Batal (ery amin'ny farany). Avy amin'ny  pejy Facebook-n'ny Tetikasa Conexus.  

Al Caravan

Mitondra ny zavakanto sy ireo ezaka fampianarana hafa ho an'ireo Syriana nafindra toerana nanomboka tamin'ny taona 2013 ny Al Caravan. Teraka herintaona talohan'izany ny hevitra ho fandaminana, raha nidaroka baomba manerana ny faritra Idlib, ao avaratra andrefan'i Syria, nandritra ny andro mazava ny tafika an'habakabaky ny fitondrana, ka voatery nitsoaka ny tranony nandritra ny fotoana vetivety ny mponina .

Khaldoun Al Batal, mpiara-manorina ny Al Caravan, nilaza tamin'ny Global Voices ny tantara iray manontolo:

We were two friends who sensed the potential of a mobile location to restore the people goods while they are away from homes, ideally caravans which were quite distributed in that area for agriculture mini-projects. They ask one manufacturer to fabricate a special “Magic Caravan” for the kids activities. Our joint was broken when my friend killed in a Syrian forces raid, but I insisted to continue the project.

In May 2013, Al Caravan dedicated itself to roam the remote areas for displaced families’ children basic learning, education, and entertainment activities. It's not a replacement for the school, but a kind of reinforcement of the civil society. The team grown to 15 activists serving around 1,500 boys and girls in three Syrian provinces countrysides, Idlib, Aleppo and Latakia. Nowadays, Al Caravan is acting in several areas in Syria and some refugees camps in Turkey, Jordan, Lebanon and even Germany.

Mpinamana roa izahay izay nahatsapa fa afaka mamerina ny entan'ny olona amin'ny laoniny ny toerana ifindrafindràna raha mbola lavitry ny tranony izy ireo, tsara indrindra ny karavana izay nozaraina tsara tamin'izany faritra izany ho an'ny tetikasa ara-pambolena madinika. Nangataka tamin'ny mpamokatra iray izy ireo mba hanamboatra “Karavana Majika” manokana ho an'ny ankizy. Tapaka ny fiarahamiasanay raha maty tamin'ny fanafihan'ny tafika Syriana ny namako, saingy nisisika hanohy ny tetikasa aho.

Tamin'ny volana May 2013, nanokan-tena handeha teny amin'ny faritra lavitra ny Al Caravan mba hanome fampianarana fototra, fanabeazana sy fialam-boly ho an'ny ankizy avy amin'ny fianakaviana sahirana. Tsy solon'ny sekoly akory izany fa karazana fanamafisana ny firaisamonim-pirenena. Nitombo 15 ny ekipa mikarakara tovolahy sy tovovavy miisa 1500 any ho any ao amin'ny faritra ambanivohitra Syriana telo, dia i Idlib, Aleppo ary Latakia. Amin'izao fotoana izao, manao zavatra ao amin'ny faritra maro ao Syria sy ny tobin'ny mpitsoa-ponenana ao Torkia, Jordania, Libanona ary Alemaina ny Al Caravan.

Na dia eo aza ny fananana famatsiam-bola voafetra, nahangona ekipa mpilatsaka an-tsitrapo teo amin'ny 100 teo tao anatiny sy ivelan'i Syria sy mpikatroka avy amin'ny seha-pampianarana ny Al Caravan mba hanome ny traikefan'izy ireo sy hiasa ho an'ireo ankizy Syriana ary hampiasa media sosialy hifandraisana amin'ny any ivelany.

Ny tanjon'ny tetikasa dia ny hanangana taranaka mankafy zavakanto ho ampahany manan-danja amin'ny famolavolana ny toetran'ankizy ho lavitry ny herisetra ary koa manome fanohanana ara-tsaina.

Naranty tao Paris sy Montreal ny asan'ireo ankizy eo amin'ny 3.000 eo izay mandray anjara amin'izany hosodoko izany, ao anatin'ny drafitra hanofana ankizilahy sy ny ankizivavy miisa 25 mba hanolotra fampisehoana momba ny zon'ny ankizy ao amin'ny Firenena Mikambana miaraka amin'ny feo tokana sy hira nentin-drazana maro.

Tamin'ny lahatsoratra vao haingana tao amin'ny Facebook, nilaza ny fitsidihan'izy ireo tao Damaskosy, Syria mba handoko rindrin'ny fanantenana bebe kokoa i Zeh:

Síria Dia 4 | Em meio à guerra começamos a pintar nosso mural no centro da capital do país. Um dia muito importante na minha vida pela importância que este mural carrega e por toda a situação que este país enfrenta. Sem querer ser pretensioso mas talvez também seja um dia muito importante para este momento em que vive o país. O estopim que deu início à guerra no país em 2011 foi um graffiti feito por adolescentes. Hoje 2017 estamos aqui pintando um mural com o objetivo de espalhar amor e esperança através da arte.
Se conseguirmos cumprir nossa missão de pintar esse mural sem nenhum problema esse mural será o maior mural de pintura do país. Algo que nos incentiva muito e nos dá energia para continuar pintando em meio a todos os riscos que corremos e toda a dificuldade que enfrentamos para estar aqui. Detalhe chegamos no país de carro blindado e pintamos com segurança armada.

Os sírios no geral são pessoas bem receptivas, muito amigáveis, sempre nos tratando da melhor maneira possível. Nas ruas muitos militares armados, revistas de carros e pessoas em todas avenidas e vários pontos estratégicos da cidade. Barulhos de bomba, aviões, tiros durante o dia que se intensificam à noite. Acho que agora conseguimos “abstrair” os barulhos da guerra que acontece a 6 km da onde estamos. A tensão está em todos lugares mas a alegria também. Algo difícil de explicar.
A cidade velha é magnífica cheia de histórias, o mercado, a arquitetura, a comida tudo muito único. O povo lindo e amoroso apesar de todos os pesares.
Hoje o secretário da cultura do país fez um discurso público lindo dizendo que nós carregamos “armas”…nossos pincéis trazendo esperança.
#cosmicboys #conexusproject #peace
❤️❤️❤️❤️❤️❤️

Andro faha-4 tao Syria: Tao anatin'ny ady no nanombohanay nandoko ny rindrinay tao afovoan'ny renivohi-pirenena. Andro lehibe indrindra teo amin'ny fiainako noho ny zava-dehibe asehoan'ity rindrina ity sy ny toe-javatra rehetra atrehan'ity firenena ity. Graffitti nataon'ireo tanora no niteraka ny fiatombohan'ny ady tao amin'ny firenena tamin'ny taona 2011. Ankehitriny, taona 2017, mandoko rindrina eto izahay mba hanaparitaka fitiavana sy fanantenana amin'ny alalan'ny zavakanto.

Raha mahavita manatanteraka ny andraikitray handoko ity rindrindra ity tsy misy olana izahay, dia ity rindrina ity no hosodoko an-drindrina lehibe indrindra ao amin'ny firenena. Zavatra izay manome risim-po lehibe ho anay sy manome hery hanohy anay handoko ao anatin'ny loza mety atrehinay sy ny zava-tsarotra atrehinay eto izany. Antsipirihany vitsy: Tonga tao amin'ny firenena tamin'ny alalan'ny fiara mifono vy izahay ary mandoko odidinin'ireo lehilahy mitam-piadiana.

Tia mandray olona ny Syriana amin'ny ankapobeny, tena tia namana ary matetika mandray anay amin'ny fomba tsara indrindra izay azo atao. Eny an-dalambe, miaramila mitam-piadiana marobe, andiam-piara sy olona eny amin'ny lalana rehetra sy toerana stratejika maromaro no mameno tanàna. Feom-baomba, fiaramanidina, tifitra mandritra ny andro mazava izay mihamafy amin'ny alilna. Mino aho fa afaka “manavaka” ny feon'ny ady mitranga 6 kilometatra miala ny misy anay izahay. Eny rehetra eny ny ady saingy eo koa ny fifaliana. Zavatra sarotra hazavaina izany.

Mahafinaritra ny tanàna fahiny ary feno tantara, tsena, mari-trano, sakafo, izay miavaka daholo. Tsara tarehy ny olona ary be fitiavana na dia eo aza ny alahelo [nenina].

Nanao kabary ampabibemaso ankehitriny ny Sekreteran'ny Kolontsaina ao amin'ny firenena, nilaza fa mitondra “basy” izahay… mitondra fanantenana ny borosinay.

Sekoly nolokoina tao amin'ny Lemaka Beqaa . Avy amin'ny pejy Facebook-ny tetikasa Conexus

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.