Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Moa Ve Nalaina tamin'ny 17 Martsa Tao Amin'ny Sisintany Frantsay-Italiana Ity Sarin'ny Mpitsoa-ponenana Ity?

DISO

 

Mifototra amin'ny asa fanamarinana tarihin'ny fiaraha-miasan'ny famoaham-baovao any Frantsa sy ny Fanjakana Britanika amin'ny alalan'ny CrossCheck (teny Frantsay| teny anglisy) ity lahatsoratra ity , fiaraha-miasa tsy mitady tombontsoa mba hiadiana amin'ny vaovao faikany an-tserasera, ary navoaka eto indray ho anisan'ny fiaraha-miasa amin'ny Global Voices.

 

Nozaraina in-2000 mahery tamin'ny faran'ity herinandro ity tao amin'ny pejy Facebook«SOS racisme-anti-blanc» na “SOS fanavakavaham-bolonkoditry ny fotsy hoditra” ny sarin'ny andiam-pitsoa-ponenana maro be izay heverina fa handeha ho any Frantsa. Araka ity pejy ity,  mampiseho ireo mpitsoa-ponenana an'arivony izay miezaka ny hiampita ny sisintany Frantsay-Italiana tamin'ny faha 17-n'ny volana Martsa teo akaikin'ny kaominina Menton any amin'ny faritra atsimon'i Frantsa ny sary. Tany amin'ny faha-18-n'ny volana Septambra 2015 ho any ny sary raha ny marina, ary nalain'ilay mpaka sary avy ao amin'ny sampam-baovao Reuters tany akaikin'ny tanàndehiben'i Edirne ao Torkia.

 

Frontera italiana… justo antes de Menton el 17 de marzo 2017.

Sisintany Italiana… aloha kelin'i Menton tamin'ny 17 Martsa 2017.

 

Ny fotoana nangalana ny sary dia tao anatin'ny faratampon'ny krizin'ny fifindra-monina, an'arivony ny mpitsoa-ponenana avy any Syria, Afghanistan sy ny firenena hafa ho any Eoropa . Nisy ireo mpitati-baovao no nanaraka ny dian'izy ireo, anisan'izany i Osman Orsal, mpakasary tao amin'ny Reuters izay naka ity sary ity. Mampiseho mazava tsara ny fanadihadiana ny sary lalina kokoa fa mandeha manaraka ny lalambe Tiorka O-3 mampifandray an'Istanbul amin'ny Edirne, any akaikin'ny sisintany Grika sy Boligara ireo vondron'olona ireo. Manondro ny lalana ho any amin'ny “Otogar” any Edirne ny takelaby famantaran-dalana. Milaza amintsika avy hatrany ny fandikan-teny an-tserasera fa ny teny hoe Otogar amin'ny Tiorka raha adika ho teny malagasy dia midika hoe  “fiantsonan'ny fiara fitateram-bahoaka”.

 

Azonao atao ny mamaky ato momba ireo vaovao noforonina hafa sy momba ny fifidianana Frantsay.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.