[1]Sary avy amin'ny Twitter / Moonis Elahi
Niparitaka ireo pikantsary avy aminà lahatsarinà [2] mpanohitra avy ao Kashmir mifatotra eo aminà fiaran'ny miaramila Indiana [3]; anaovana azy ho “ampinga olombelona” manohitra ireo mpanao fihetsiketsehana mitora-bato.
Avy amin'ny fifidianana tamin'ny alàlan'ny latsabato [4] vao haingana tany Srinagar, renivohitry ny fanjakana avaratr'i India ao Jammu sy Kashmir tamin'ny 9 Aprily ilay lahatsary. Nandritra ny fifidianana, mponin'i Kashmir maherin'ny valo no maty ary am-polony mahery no naratra nohony nitifiran'ny mpitandro filamiana Indiana ireo mpanao fihetsiketsehana. Nilaza ny governemanta Indiana fa miaramila am-polony no naratra vokatry ny tora-baton'ireo mpanao fihetsiketsehana.
Nanao ankivy ny fifidianana [5] ireo mpanao fihetsiketsehana mpomba ny fahaleovantena ary mahery kelin'ny 7% amin'ny mpifidy 1,2 tapitrisa voasoratra anarana no nandray anjara tamin'ny fitsapankevitra tamin'ny alàlan'ny latsabato tany Kashmir. Ny fifidianana ho an'ny toerana banga ao amin'ny parlemanta Indiana ao Lok Sabha no nahitana ny taham-pahavitrihana ambany indrindra teo amin'ny tantaran'ny faritra.
Maherin'ny antsasaky ny iray tapitrisa amin'ny tafika Indiana [6] no napetraka tao amin'ilay fanjakana farany avaratra indrindra ao India, Jammu sy Kashmir, izay mbola iray amin'ireo faritra ahitana miaramila be indrindra eto amin'izao tontolo izao. Maro amin'ireo mponona any Kashmir no mandà ny lalàna Indiana momba an'i Kashmir [7], ary niady ho an'ny fahaleovantena na ny fiombonana amin'i Pakistana hatramin'ny 1989.
Ara-jeografika dia voazara teo anelanelan'i India sy Pakistàna ilay faritra midadasika kokoa ao Kashmir [8] rehefa samy lasa fanjakana izy roa tamin'ny 1947. Ao Kashmir ambany fifehezan'ny Indiana, izay misy hetsika nikotrika fahaleovantena nandritra ny taona maro, mihoatra ny 70.000 ny olona voalaza fa novonoin'ny mpitandro filaminana Indiana, tao anatin'ny tatitra momba ny fanitsakitsahana goavana ny zon'olombelona vitan'ny governemanta Indiana tamin'ny nampiasàny ny lalàna momba ny filaminambahoaka tamin'ny 1978 [9] sy ny lalàna momba ny Hery Manokan'ny Tafika Mitàm-piadiana [10]. Samy mandrafitra ny fototry ny maha-tsimatimanota ny tafika any amin'ny faritra izy roa ireo.
Nandritra ireo fifandonana vao haingana, dia tsapa tao amin'ny haino aman-jery sosialy ny hafanàn'ny herisetra .
Nozaraina im-betsaka tao amin'ny haino aman-jery sosialy ity lahatsary ity. Nisy feo re [11] tao aoriana tao miantsoantso amin'ny teny Hindi “hizaka zavatra toy izao koa ireo mpitora-bato” tamin'ilay fiara nandalo teny amin'ny làlan'i Kashmir.
Avy eo nalain'ny mpanao politika toa an'i Omar Abdullah [12], Minisitra lehiben'ny faritra teo aloha ilay lahatsary. Nozarain'olona maro ny bitsik'i Abdullah ary niteraka hatezerana.
This young man was TIED to the front of an army jeep to make sure no stones were thrown at the jeep? This is just so shocking!!!! #Kashmir [13] pic.twitter.com/bqs4YJOpJc [14]
— Omar Abdullah (@abdullah_omar) April 14, 2017 [15]
NAFATOTRA teo anoloan'ny jeep-n'ny miaramila ity tovolahy ity mba hahazoana antoka fa tsy hisy hitora-bato an'ilay jeep? Tena manafintohina fotsiny izao!!!! #Kashmir [13] pic.twitter.com/bqs4YJOpJc [14]
Indian Occupation in one picture #Kashmir [13] pic.twitter.com/zrCM6qPZbq [16]
— Irshad Nabi (@kashmir_rise) April 15, 2017 [17]
Fananiham-bohitry ny Indiana anaty sary tokana #Kashmir [13] pic.twitter.com/zrCM6qPZbq [16]
#Kashmir [13] This is Farooq Ahmad Dar from Chill village of Beerwah who was tied with ropes and was used as a human shield by RR Indian Army pic.twitter.com/psi40uCOJ0 [18]
— Musa Kashmiri (@Musa_Kashmiri) April 14, 2017 [19]
#Kashmir [13] Inty Farooq Ahmad Dary avy any amin'ny vohitra Chill any Beerwah izay nafatotra tamin'ny tady ary nampiasain'ny tafika Indiana RR ho ampinga olombelona pic.twitter.com/psi40uCOJ0 [18]
Indian army's human shield is too poor to file a complaint. Anyone wish to assist him? #kashmir [20] https://t.co/rWWEedLEei [21]
— Dr Rita Pal (@dr_rita39) April 19, 2017 [22]
Mahantra loatra ka tsy afaka hanao fitarainana ilay olombelona nataon'ny tafika Indiana fiarovana. Misy te hanampy azy ve? #kashmir [20] https://t.co/rWWEedLEei [21]
Voalaza fa nanao fanadihadiana [3] ny zava-nitranga ny tafika Indiana. Na izany aza, hita miezaka manamarina ny hetsiky ny mpitandro filaminana [23] ny ampahany amin'ny haino aman-jery Indiana sy ny Lehiben'ny Fampanoavana [24] amin'ny filazàna fa ny fanaovana ny “ampinga olombelona” dia zava-baovao ary niaro ny ain'ny mpitandro ny filaminana. Ary nisy ihany koa ny fanamelohana ny hetsik'ireo mpomba ny fahalalahana. Misy maro no nivoaka ireo lahatsari [25]n'ny mpanao hetsi-panoherana hafa namely ny mpitandro filaminana sy miantsoantso ny teny filamatra “Ndeha mandeha India, Mandehana miverina”.
Here is another video – another side of the restraint debate in Kashmir. We should be outraging over this as well? No? Because hypocrisy? pic.twitter.com/UAOoAbVTA0 [26]
— Junaid Azim Mattu (@Junaid_Mattu) April 14, 2017 [27]
Inty misy lahatsary iray hafa – lafiny hafa amin'ny adihevitra momba ny fifehezantena tao Kashmir. Tokony ho tezitra noho izany koa ve izahay? Tsia? Satria fihatsarambelatsihy ve? pic.twitter.com/UAOoAbVTA0 [26]
This is what our security forces have to face in #Kashmir [13] . You wont see bleeding Heart Liberals talking about this >? pic.twitter.com/nA1XTJPTo4 [28]
— Nation Wants To Know (@PawanDurani) April 15, 2017 [29]
Izao no tsy maintsy atrehan'ny mpitandro filaminantsika any #Kashmir [13]. Tsy hahita Liberaly maratra Fo hiresaka momba izany ianao >? pic.twitter.com/UAOoAbVTA0 [26]
It's raining stones. That's what India's security forces have to endure almost daily in Kashmir. Do watch. pic.twitter.com/QLbPo1JtQ5 [30]
— Rahul Singh (@rahulsinghx) April 14, 2017 [31]
Miradraraka ny vato. Izany no tsy maintsy iaretan'ny mpitandro filaminana any India saika isanandro any Kashmir. Jereo tsara. pic.twitter.com/QLbPo1JtQ5 [30]
Ilay mpitoraka bilaogy avy ao Kashmir Aarif Muzafar [32] manondro ireo fanamelohana manavakavaka sy mifanntimpantina ataon'ny haino aman-jery Indiana amin'ny famaritana ny vaovao momba an'i Kashmir:
Andro vitsy lasa izay, niparitaka ny lahatsarin'ny ankizilahy iray avy any Kashmir manafika ireo lehilahy CRPF tany Budgam. Tao anatin'ny fotoana vitsy, nisy ‘fandaharana manokana’ natao hanamelohana ilay fanafihana, ary nanadinoana ireo olona valo vao avy maty novonoina
Hoy i Aarif manohy:
Niteraka adihevitra be ny mikasika ny fanontaniana hoe voamarina sa tsia ny fidarohana ireo lehilahin'ny CPRF. Mazava ho azy fa ny maha-olombelona dia tsy azo atao fanamby na oviana na oviana. Saingy ndeha holazaina ny marina momba ny fisian'ny India any Kashmir. Raha atomboko amin'ny tenako manokana, dia afaka mizara tantara hitako maso mivantana momba ny herisetra aho.
Nandritra ny fivoriambe fifidianana tao an-tanàna fotoana efa ela izany, nampiasain'ny tafika ho toy ny ampinga olombelona aho, izay neken'izao tontolo izao ho heloka bevava an'ady. Nandositra niala ny tanàna ny raiko sy ny dadatoako nandritra ny alina mba hitsoaka ny filambaniny tsy nitsahatra, ary nandositra tany amin'ny toerana hafa koa ny zokiko lahimatoa. Izaho irery no hany ehilahy tao an-trano. Sivy taona na folo taona teo aho tamin'izany. Nentin'ny miaramila ho any aminà toerana mampiahiahy sy saropady aho ary navotsotra taorian'ny fikarohana naharitra ora iray. Nandritra ny kabariny tamin'ny andron'ny Fahaleovantena tamin'ny taona lasa, niaiky ny fampiasana ny ampinga olombelona tao Kashmir ny Praiminisitra Mehbooba Mufti.