Nokilasian'ny sampan-draharaha mpanadihady ny tahan'ny fampindram-bola miisa roa S&P Global Ratings sy ny Fitch ho mivarina any amin'ny tratran'ny tsy fanjariana ny fiandrianan'i Afrika Atsimo amin'ny tahan'ny findramam-bola. Nitanisa ny fanesoran'ny Filoha Jacob Zuma ny Minisitry ny Vola nohajaina Pravin Gordhan ho anisan'ny antony iray nahatonga ny fitotonganana tamin'ny laharana ireo sampan-draharaha ireo.

Mety hisy fiantraikany eo amin'ny fahafahan'ny firenena mindram-bola sy hampihemotra ireo mpampiasa vola ihany koa ny fanakilasiana. Tsy hisy fiantraikany eo amin'ny Afrikana Tatsimo ao anatin'ny fotoana fohy ny fanakilasiana araka an'i Chris Malikane, mpampianatra mpahay toe-karena ao amin'ny oniversiten'ny Wits. Hitarika ho any amin'ny fampakarana ny zanabola ao anatin'ny fotoana maharitra kokoa kosa anefa izany na izany aza .

Nanamarika i Malikane fa ny tena zavatra mety ho ateraky ny fivarinana dia:

[…] an increase in the risk premium‚ meaning lenders increase interest rates because of a perceived greater risk in default. The result is households with capital in investments and assets are going to be mostly affected.

[…] ny fitomboan'ny ahiahy amin'ny famatsiam-bola, izay midika hoe miakatra ny tahan'ny zanabolan'ny mpampindram-bola noho ny mety tsy hahatafaverina ny vola hitranga bebe kokoa. Ny vokatr'izany dia fitazonan'ny tokantrano renivola bebe kokoa eo amin'ny fampiasam-bola ary ny fidiram-bola no mety iantraikan'izany be indrindra.

Naneho hevitra mikasika ny vaovao ireo Afrikana Tatsimo, nanome tsiny ny Filoha Zuma noho ny fivarinana, ary nanohitra ny fampilaharana nataon'ireo sampan-draharaha mpanadihady ary nanasongadina ny hantsana ara-toekarena misy eo amin'ny firenena.

Namintina ny mety ho vokatry ny fivarinana ny mpisera Twitter Dabesa:

Consequences of #junkstatus
1.Inflation will increase
2.Assets will lose value.
3.The rand will weaken more.
4.SA. will lose investors ??

— Dabesa??? (@Ps_Mthimkulu) April 3, 2017

Vokatry ny #tsyfanjariana
1.Hiakatra ny vidim-piainana
2.Ho very sanda ny renivola.
3. Hihena bebe kokoa ny vidin'ny rand.
4.Ho very mpamatsy vola i Afrika Atsimo ??

Mpisera iray hafa, Chloé, naneso ny Filoha Zuma tamin'ny fanakilasiana:

President Zuma finally accomplished something #junkstatus

— chloé (@heyitsmechloe) April 3, 2017

Nahavita zavatra ihany ny Filoha Zuma ny farany. [tsy fanjariana]

Nanamarika ilay toniandahatsoratra teo aloha tao amin'ny Financial Mail ao Afrika Atsimo, Barney Mthombothi, hoe:

#junkstatus Nothing short of Zuma's immediate recall can save SA

— Barney Mthombothi (@mthombothi) April 3, 2017

Tsy misy amin'izay ahatsiarovana avy hatrany an'i Zuma no afa-namonjy an'i Afrika Atsimo

Nivazivazy i Nandi hoe:

We're renaming South Africa to Southern Zimbabwe #junkstatus

— Nandi?Cakes (@nandicakes) April 3, 2017

Nanova ny anaran'i Afrika Atsimo ho Zimbaboe Atsimo isika

Miaina olana ara-bola mafy i Zimbaboe amin'izao fotoana izao.

Nizara sary mampiseho ny tahan'ny famatsiam-bola teo ambany fitondran'ireo filoha samihafa tao Afrika Atsimo talohan'ny Apartheid ny “Dokotera Bibilava Afrikana”:

zuma as you can see our credit was built by your predecessors. It is not a white thing. It's pride u destroy. #ZumaMustFall #junkstatus pic.twitter.com/BZy2R1WImG

— africansnakedoctor (@africansnakedoc) April 8, 2017

Zuma, araka ny hitanao, naorin'ireo olona nodimbiasanao ny famatsiam-bolantsika. Tsy zavatry ny fotsy hoditra izy ity. Fa rehareha no nopotehinao.

Namantana ny siokany ho any amin'ny mpanohana an'i Zuma i Moses Mothebe:

Watch Zuma supporters blame whites for #junkstatus

— Moses Mothebe (@moses_mothebe) April 3, 2017

Jereo ny fanomezan-tsiny ataon'ny mpanohana an'i Zuma ireo fotsy hoditra noho ny tsy fanjariana

Afrikana Tatsimo mainty hoditra ny ankamaroan'i Zuma sy ny mpanohana ny fitondrana ANC. Nanome tsiny imbetsaka ireo  Afrikana Tatsimo fotsy hoditra noho ny fahantrana sy ny elanelana tao amin'ny firenena i Zuma .

Na izany aza, nanamarika i Duncan Wa Muvenda hoe:

Blacks had lived a #junkstatus life since 1652! Investment is benefited the selected blacks and privileged whites! Stop this nonsense!

— Duncan Wa Muvenda (@TheeVintage) April 3, 2017

Niaina ny #tsyfanjariana nanomboka tamin'ny taona 1652 ny mainty hoditra ! Mahazo tombontsoa avy amin'ny famatsiam-bola ny mainty hoditra voafantina sy ny fotsy hoditra nahazo tombontsoa! Atsaharo ity zavatra tsy misy dikany ity!

Ny taona 1652 no nanorenan'ny Holandey ny fanorenan'ny voanjo Eoropeana voalohany tao Afrika Atsimo .

Nizara ny sarin'ireo trano bongo miaraka tamin'ity fanamarihana manaraka ity ny mpisera iray hafa :

The people living under these conditions can't tell the difference between a AAA economy and #junkstatus – Facts Only ???? pic.twitter.com/z3rDMLYFjM

— African (@ali_naka) April 3, 2017

Tsy afaka milaza ny fahasamihafana eo amin'ny toe-karena AAA sy ny #tsyfanjariana ireo olona miaina ireo fepetra ireo – Ny zava-misy ihany ????

Ny AAA no taha ambony indrindra azon'ny sampan-draharaha misahana ny fanadihadihana ny fampindramam-bola omena ny firenena tsirairay.

Niahiahy momba ireo sampan-draharaha kosa i Phelelani Mpanza  :

We must question the credibility of these rating agencies #Junkstatus

— Phelelani Mpanza (@PhelelaniMpanza) April 3, 2017

Tokony hanadihady ny fitokisana ireo sampan-draharaha mpandahatra ireo isika

Nanontany tena ny mpisera iray hafa :

How did Apartheid regime survive for more than 40yrs without these criminal “ratings agencies”

— M||o (@MxolisiBob) April 3, 2017

Nahoana no nahafahan'ny fitondrana Apartheid niavotra tsy nisy ireo “sampan-draharaha mpandahatra” mamono ireo nandritra ny 40 taona mahery .

Naminavina i Mpumelelo Mbatha fa fanafihana amin'ny toe-karen'ny firenena BRICS vao misondrotra ny fivarinana :

The downgrade of RSA to junk status may be a attack on BRICS. Last February Brazil was downgraded to junk status… #junkstatus #downgrade

— Mpumelelo Mbatha (@SkhuluM) April 4, 2017

Mety ho fanafihana ny BRICS ny fivarinan'i Repoblikan'i Afrika Atsimo ho amin'ny tsy fanjariana. Nivarina ho tsy manjary [ara-toekarena] i Brezila tamin'ny volana Febroary lasa teo ….

Ny BRICS dia fikambanan'ny firenena dimy lehibe eo ampisongadinana ara-toekarena (Brezila, Rosia, India, Shina ary Afrika Atsimo).

Naneho ny fihetseham-pon'i Mbatha i Vuyo Ro:

Brazil was downgraded so that people can impeach their president with force. South Africans are not stupid. #junkstatus

— Vuyo Ro (@sleam19) April 4, 2017

Navarina i Brezila mba ahafahan'ny vahoaka manakana-manaisotra ny filohany amin-kery. Tsy adala ny Afrikana Tatsimo .

Tamin'ny herintaona, nanambara ny BRICS fa mety hanangana sampan-draharaha mpandahatra ny tahan'ny fampindram-bola hafa hifaninana amin'ny Fitch sy ny hafa ry zareo.