Pikantsary avy amin'ny Tahiry Nomerika Okinawa.

Nanamarika ny tsingerintaona faha-72 nanombohan'ny ady tao Okinawa ny 1 Aprily 2017, raha niditra tao amin'ny nosy Okinawa nandritra ny Ady Lehibe Faha-II ny tafika Amerikana. Miaramila Amerikana efa ho 290.000 no nandray anjara tamin'ny fanafihana an'i Okinawa niady tamin'ny miaramila Japoney miisa 150.000. Sambany ny miaramila Amerikana no niady tao amin'ny tany Japoney tamin'izany fotoana izany. Amerikana maherin'ny 20 000 no maty nandritra ny ady tao Okinawa, raha maherin'ny 100.000 ny miaramila Japoney namoy ny ainy. Nandritra ny ady , tombanana ho sivily Okinawa 150.000, avy amin'ny mponina 300.000 talohan'ny fanafihana no novonoin'ny tafika Japoney sy Amerikana.

Notantanan'i Etazonia hatramin'ny 1972 i Okinawa. Natao toby miaramila Amerikana  nandritra ny ady tao Vietnam ny nosy, ary ny fisian'ny Amerikana ao Okinawa dia mbola mitohy mandraka androany. Amin'ireo mponina 1,4 tapitrisa ao Okinawa, Amerikana ny 100.000 mahery – ny ankamaroan'izy ireo dia miaramila sy mpiasan'izy ireo na mpiasa sivily ao amin'ny Sampan-draharahan'ny Fiarovana.

Noho ny tsingerina faha-72 taonan'ny ady tao Okinawa, nanoratra karazana lahatsoratra tao amin'ny Twitter ilay mpikaroka Japoney, Hidenori Watanave, izay mampiseho sary tahiry tamin'ny ady ary nolokoina tamin'ny fampiasana fitaovana rindrambaiko noforonin'ireo mpikaroka ao amin'ny Oniversite Waseda ao Japana. Nitarika tetikasa fametrahana an-tsarintany vaovao maro tamin'ny aterineto i Watanave, anisan'izany ny fandraketana an-tsarintany ny tantara am-bava tamin'ny fanafihan'ny Japoney an'i Pearl Harbor tamin'ny 7 Desambra, sy ny sarintany ifarimbonana misy ny baomba atomika an'i Hiroshima sy Nagasaki.

72年前の今日，アメリカ軍の沖縄本島上陸初日。上陸拠点を陸側からみた写真。ニューラルネットワークによる自動色付け。 pic.twitter.com/KTAZF2XpOJ

— Hidenori Watanave (@hwtnv) March 31, 2017

72 taona lasa androany no nanombohan'ny fitsofohan'ny Amerikana tao  amin'ny nosy Okinawa. Ny torapasika fiantsonana tazanina ety an-tany. Sary nolokoin'ny tambajotra neural.

Maro tamin'ireo sary nolokoina tamin'ny Ady tao Okinawa Watanave navoaka tao amin'ny Twitter-ny no avy amin'ny Tahiry Nomerika Okinawa, tetikasa fandraketana an-tsarintany amin'ny aterineto, tahaka ireo tetikasa hafan'i Watanave, izay mametraka sary sy fijoroana vavolombelona amin'ny sarintany.

72年前の今日。1945年4月1日，アメリカ軍が沖縄本島に上陸した。写真中央が比謝川河口。左手むこうに読谷飛行場が見える。右側は嘉手納町水釜海岸。ニューラルネットワークによる自動色付け。 pic.twitter.com/HD34JUXiDu

— Hidenori Watanave (@hwtnv) March 31, 2017

72 taona androany no nanombohan'ny fitsofohan'ny Amerikana tao Okinawa. Ao afovoan'ny sary ny vinanin'ny Renirano Hija (toeram-piantsonan'ny Amerikana indrindra). Sahan-tseranana an'habakabaka Yomitan ny eo ankavia. Sary nolokoin'ny tambajotra neural.

Mikasika ny Ady tao Okinawa, nisioka sary tamin'ny daty nangalàna azy ireo 72 taona lasa i Watanave.

72年前の今日。アメリカ軍の沖縄本島上陸開始から43分後、イエロービーチの浜辺に停止する水陸両用トラック。ニューラルネットワークによる自動色付け。 pic.twitter.com/Oc80wvsKzO

— Hidenori Watanave (@hwtnv) April 1, 2017

72 taona androany. Sary nalaina 43 minitra taorian'ny fiantsonana, nijanona teo amoron'ny Torapasika Mavo ny fiara mifono vy tsy mataho-drano. Sary nolokoin'ny tambanjotra neural.

Manome fomba fijery malaza mikasika ny zava-nitranga nandritra ny Ady tao Okinawa ny sary:

72年前の今日。アメリカ軍の沖縄本島上陸日の読谷飛行場。地上には戦車部隊が展開している。ニューラルネットワークによる自動色付け。 pic.twitter.com/MHwJah5mb7

— Hidenori Watanave (@hwtnv) April 1, 2017

72 taona androany. Tafika Amerikana ao amin'ny seranam-piaramanidina kely ao Yomitan tamin'ny andro nidiran'izy ireo. Vondrona fiara mifono vy Amerikana mandeha (an-tanety). Sary nolokoin'ny tambajotra neural.

72年前の今日．1945年4月9日に撮影された沖縄・嘉数高地．沖縄戦を通じて最大の激戦が繰り広げられ，戦死傷者は日本側64,000人，アメリカ側24,000人ともいわれる．ニューラルネットワークによる自動色付け． pic.twitter.com/2LD7H2FYSF

— Hidenori Watanave (@hwtnv) April 9, 2017

72 taona androany – Kakazu Ridge, sary nalaina tamin'ny 9 Aprily 1945. Kakazu Ridge no nanamarika ny nanombohan'ny ady mahery vaika indrindra tamin'ny Ady tao Okinawa, ka tafika Japoney 64.000 fara fahakeliny ary Amerikana 24.000 no namoy ny ainy.

Nandoko sary mahatalanjona vitsivitsy ihany koa i Wataneve, tahaka ny filentehan'ny sambo mpiady Yamato, sambo lehibe indrindra tsy mbola nisy toy izany tamin'izany fotoana izany.

72年前の今日．沖縄への航路上で爆撃を受ける戦艦「大和」．ニューラルネットワークによる自動色付け． pic.twitter.com/buXRG5DJ66

— Hidenori Watanave (@hwtnv) April 6, 2017

72 taona androany. Ny sambo mpiady Yamato ao anatin'ny fanafihana an'habakabaka teny an-dalana hiady tamin'ny Ady tao Okinawa.

72年前の今日．1945年4月7日．史上最大の戦艦「大和」は，沖縄へ向けての航海中に多数の魚雷と爆弾を受け，14時20分過ぎに坊ノ岬沖で沈没した．ニューラルネットワークによる自動色付け． pic.twitter.com/Po7C8gFibv

— Hidenori Watanave (@hwtnv) April 6, 2017

72 taona androany. 7 Aprily 1945. Nilentika tao amin'ny ranomasina atsimon'i Kyushu noho ny balan-tsambo maromaro tamin'ny 2:20 folakandro raha teny an-dalana ho any amin'ny Ady tao Okinawa i Yamato, sambo mpiady lehibe indrindra teo amin'ny tantara.

Mampiseho sary nolokoina taorian'ny ady ihany koa ny siokan'i Watanave:

72年前の今日。沖縄・読谷飛行場にて。米軍の不意打ちで破壊された日本軍機の残骸。ニューラルネットワークによる自動色付け。 pic.twitter.com/YYMUgJz9m6

— Hidenori Watanave (@hwtnv) April 1, 2017

72 taona androany. Tao amin'ny seranam-piaramanidina kely ao Okinawa, nijery ireo fitaovam-piadiana Japoney simba nandritra ny fanafihana tampoka ny tafika Amerikana.

Nahitana ireo sivily niharan'ny habibian'ny tafika Amerikana sy Japoney ihany koa ny Ady tao Okinawa. Mandrakitra izany zava-niainan'ny sivily tamin'ny ady izany ireo tahiry Nomerika Okinawa avy amin'i Watanave ary azo jerena ao amin'ny okinawa.mapping.jp. Loharanom-baovao tsara mikasika ireo tantara ireo ihany koa ny boky Fidinana any amin'ny helo: Fahatsiarovana sivily momba ny ady tao Okinawa tamin'ny gazety Ryukyu Shimpo momba an'i Okinawa.

沖縄戦における戦争体験者の移動・証言，記録写真，戦没者の分布をみることができます。米軍の沖縄本島上陸から72年目の今日，ぜひご覧ください。 https://t.co/TdNEOoljOA

— Hidenori Watanave (@hwtnv) March 31, 2017

Jereo ireo fijoroana vavolombelona, sy sary ary ny toerana nahafatesan'ny olona nandritra ny Ady tao Okinawa. Niantsona tao Okinawa 72 taona lasa androany ny tafika Amerikana (1 Aprily 2017), ka jereo azafady.

Fanampin'izany, afaka mampiasa ny tambajotra neural an'ny Oniversite Waseda, fitaovana fandokoana sary mandeha ho azy ato ny rehetra.