Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Torohevitra sy Fomba Fikarakarana Sakafo Paragoaiana Voalanjalanja

Tsena, vondrom-piarahamonina, fianakaviana ary fikambanana maitso miatrika ny olan'ny sakafo voalanjalanja sy ny fampiasana ny loharanon-karena voajanahary. Sary nahazoana alàlana avy amin'ny tranonkala fototra Kurtural .

Fomba Fikarakarana Sakafo Sy Toro-hevitra Paragoaiana  Mba Hisakafoanana Ara-pahasalamana Sy Hiarovana Ny Antoka Ara-tsakafo

Amin'ny alalan'ny andian-tantara #jakaruporahagua ( “misakafo tsara” amin'ny teny guarani izay arahana tetikasa mitovy anarana aminy ), manohy ny hetsika ataony ho an'ny tany sy ny fanjifana ara-drariny; toy ny vondrom-piarahamonina sy ny fandraisana andraikitry ny olom-pirenena maro izay natokana ho an'ny zo hisakafo sy ho fanavaozana ny tontolon'ny fambolena ny tranonkala Paragoaiana Kurtural .

Manao fanisana ny tsena voajanaharin'ny tantsaha ao an-drenivohitra Asuncion ny tranonkala, ny fomba fikarakarana sakafo sy soso-kevitra, toy ny tantaran'ireo izay manokana ny fotoanany amin'ny fambolena amin'ny fomba mendrika sy tompon'andraikitra.

Maro ny tetikasa no mampiasa ity tambajotra ity mba hanorenana fifandraisana sy mba hivoarana ao anaty vondrom-piarahamonina samihafa. Toy ny fianakaviana manangana orinasa, ny “fokon'ny mpamokatra”, ny vondrom-piarahamonina miaro ny zo amin'ny tany ary ireo mpanao zava-baovao ihany koa izay sahy misintaka amin'ny fipetrapetraha-poana sy ny fomba fiainana fahiny. Noho izany niasa nandritra ny taona maro ho mpanao mari-trano tany Etazonia i Carlos Diaz Meyer, mpampiroborobo ny tetikasa De la Huerta Orgánica,  ary noho ny  fifandraisany tamin'ny Paragoaiana tany New York dia  afaka nanokatra ny lalana ho any amin'ny fambolena izy;

Ganaba mucha plata pero no tenía vida, todo era trabajo y mucho estrés […] Yo vine de otro ámbito con poca experiencia. Me fui haciendo al andar. Me animé a tener mi huertita, me fui formando. Siempre estuvo en mí la cuestión de la salud, me fui desprendiendo de la visión occidental de la medicina y entendí que el alimento es pura medicina

Nandray vola be aho, nefa tsy nanana fiainana vanona, ny asa no tena nibahan-toerana betsaka ka tena nandrera-tsaina […] avy any amin'ny faritra hafa no tena nahazoako hanina kanefa tsy dia nanana traikefa. Nianatra zavatra maro teny anivon'asa aho. Nanapa-kevitra ny hamboly legioma kely ary nampiana-tena. Tao an-tsaiko foana ny momba ny fahasalamana, sady tsy niala tamin'ny fomba fijerin'ny tandrefana momba ny fitsaboana aho ary takatro fa ny sakafo no tena fanafody.

Ny nahandron-tsakafo nentim-paharazana tsy manarinary zavatra izany

Misy ny lahatsoratra mizara ny fomba hanodinana ireo ambin-tsakafo sisa tsy lany rehefa andro fety, mba hiadiana amin'ny hafanana amin'ny fahavaratra any amin'ny faritra, ary hanararaotana ny soa azo avy amin'ny zavamaniry betsaka ao an-toerana ihany koa. Mampahafantatra bebe kokoa ny fomba amam-panao ihany koa ny fomba fikarakarana sakafo hafa izay mahatonga azy ho malaza sy ahafantarana ny fototra tompotany tena niaviany .

 Mila fotoana ny misakafo ara-pahasalamana (kanefa misy vidiny ny fotoana)

Misy lahatsoratra manokana natokana ijerena akaiky kokoa ny fepetran'ny atao hoe sakafo ara-pahasalamana sy ny fahasarotana teren'ny maodely ara-toekarena sy ny fahafahan'ny maro an'isa manao izany. Mampisy adihevitra na eto na any an-kafa ny resaka sakafo mirindra kanefa lavo vidy.

Noho izany, mandrava ny fomba fijery tsy mandalina mikasika ny fambolen'ny tantsaha sy ny famokaran'ny orinasa, ny fifanoherana eo amin'ny fampiasana ny tany, ny sakafo fahazarana noho ny rotoroto an-drenivohitra ny lahatsoratra Comer sano no es más caro: es cuestión de tiempo (Tsy lafo kokoa ny fisakafoanana ara-pahasalamana: fotoana ihany no antony).

Resaka fampivondronana singa sy fanontaniana amin'ny fiantohana ara-tsakafo, fanajana tontolo iainana, fanjakan'ny vola, varotra ara-drariny, ary indrindra fa ny fampifanandrifiana sarotra ny rafitra roa izay mila fotoana sy ny harin-karena amin'ny fomba tena tsy mitovy mihitsy izany. Niresaka tamin'i Pablo Angulo ny Kurtural mba handinika ireo toe-javatra ireo:

La gran masa obrera tiene una sola preocupación: comer. Así, a secas. […] Pero cuando se trata de comprar productos de lugares alternativos de comercialización que apuestan a la producción sin intervención de químicos (es decir, con ingredientes sanos) persiste la idea generalizada de que esto resulta más caro. ¿Es realmente así?

«Jamás va a ser más caro porque los beneficios son más grandes. La gente del área metropolitana […] ya tiene más conciencia. El problema es que nos estamos dirigiendo a un grupo privilegiado que puede comprar lechuga. Una gran masa no puede comprar ni de la producción convencional –la que usa plaguicidas- ni de la orgánica. Le sale más barato comprar harinas», explica tajante Pablo.

Zavatra iray ihany no tena ifotoran'ny sarangan'ny mpiasa : ny misakafo. Izay ihany. […] Fa rehefa fividianana vokatra avy any amin'ny toerana hafa izay tsy mila vokatra miova fototarazo [OGM] (izany hoe misy ny fangaro ara-pahasalamana) dia mbola mitoetra hatrany ilay fomba fijery fa lafo vidy kokoa izany. Marina tokoa ve izany?

“Tsy ho lafovidy mihitsy izany satria maro kokoa ny soa azo avy aminy. Efa tonga saina amin'izany ireo olona monina ao an-tanàndehibe […] . Mitodika any amin'ireo manana tombontsoa afaka mividy laisoa ny olantsika . Tsy afaka mividy ny vokatra mahazatra izay mampiasa fanafody famonoana bibikely na zezika ny maro an'isa. Mora kokoa aminy ny mividy lafarinina “, hoy i Paul tanaty fihetseham-po.

Any amin'ny lahatsoratra manaraka, hisy ny fijoroana vavolombelona sy fanadihadiana izay mamantatra ny zavatra niainan'ireo tantsaha madinika, ny rotoroto mahazatra ao an-tanàndehibe sy ny fahasamihafana eo amin'ireo zavatra ilain'ny mponina. Ho resahana ao ny hevitra sy adihevitra isan-toerana manoloana ny tranga maro manoloana ny olana manerantany mikasika ny sakafo sy ny fampiasana ny loharanon-karena voajanahary.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.