Ny Firaisankina (Peroviana) no Hery Manoloana ny Tondradranon'ny Volana Martsa
Pikantsary avy amin'ny lahatsary nozarain’ i Carlo Paredes tao amin'ny YouTube “Evangelina Chamorro: Tolona sy Herimpo.”
Nanomboka tamin'ny fiandohan'ny volana Martsa, tanàna maromaro tao Però no nitolona tamin'ny orambe, tondra-drano, fihotsahan'ny tany, fahatapahan-dalana toa tsy misy fiafarana, ary fikatonan'ny sekoly avy eo, andro vitsy monja taorian'ny fisokafan'ny taom-pianarana 2017. Satria mbola mitohy ny fahavoazana, miha betsaka ireo olon-tsotra—ao Però sy any ivelany—manatevin-daharana ny ezaka an-tserasera mba hizara ny tantaran'ireo niharam-boina sy mampita hafatra ara-piarovana, amin'ny alalan'ny fampiasana ny tenirohy #FuerzaPerú (Herin'i Però) sy #UnaSolaFuerza (Hery Tokana).ao amin'ny media sosialy.
Miaina toetr'andro ratsy fantatra amin'ny anarana hoe Niño costero (Ankizilahin'ny Morontsiraka) i Però. Tamin'ny 16 Martsa, niteraka famoizana aina miisa 62 sy niharam-boina miisa 62.000 ny loza tamin'io vanim-potoana io. Voalaza fa miaritra io toetr'andro io ihany koa i Ekoadaoro.
Vaovao tamin'ny Asabotsy 18 Martsa. Saika mikasika ny orana avokoa ny lohateny rehetra. Sary avy amin'ny mpanoratra, nahazoana alalana.
Nampiasa ny kaontiny Twitter ny filoha Peroviana Pedro Pablo Kuczynski mba handefa hafatra ho an'ny vahoaka Peroviana, mizara ny zavatra nataony nandritra ny voina sy tolo-kevitra ankapobeny sasantsasany :
He dispuesto entregar S/ 4,400 millones a los gobiernos locales, regionales y nacional para iniciar la reconstrucción de zonas en emergencia pic.twitter.com/HcCen2oWVW
— PedroPablo Kuczynski (@ppkamigo) 17 de marzo de 2017
Nanao fandaminana aho mba hanomezana S/ 4,400 millones [eo amin'ny 1,3 miliara dolara Amerikana] ho an'ny fiadidiana ao an-toerana, ao amin'ny fiadidiam-paritra ary ny fiadidiam-pirenena mba hanombohana ny fanarenana ireo faritra niharam-boina.
Estamos organizados y listos para atender la emergencia. Mantengamos la calma y obedezcamos a las autoridades. #FuerzaPeru
— PedroPablo Kuczynski (@ppkamigo) 16 de marzo de 2017
Nikarakara sy niomana hiatrika ny hamehana izahay. Aoka isika hilamina ary ataovy izay lazain'ny manampahefana.
Esta emergencia pasará, pero tenemos que ser prudentes. No tomemos riesgos innecesarios como cruzar vías inundadas o puentes debilitados.
— PedroPablo Kuczynski (@ppkamigo) 16 de marzo de 2017
Hifarana ity hamehana ity, saingy mila malina hatrany isika. Aza sahisahy foana amin'ny zavatra mampidi-doza, tahaka ny mandeha amin'ny lalana tondra-drano na tetezana simba
Vondrona sy fikambanana maro no nanangona fanomezana ho an’ ireo faritra tena voa mafy indrindra, izay nihazakazaka niantsena ireo mponina ao aminy noho ny tsaho sy ahiahy fa tsy hisy ny entana. Nisy mihitsy aza ny tatitra milaza filaharam-be teny amin'ireo toeram-pivarotana lehibe hividy rano, taorian'ny fahatapahan'ny tolotra.
Limeños llegan a centro comercial Megaplaza para entregar donativos https://t.co/TRUZiHNesn pic.twitter.com/kUh8PxVTAC
— Agencia Andina (@Agencia_Andina) 18 de marzo de 2017
Nankany amin'ny toeram-pivarotana Megaplaza ny Limeana mba hizara fanomezana.
Colas para llenar baldes con agua. Así igual por toda la ciudad. Av. Parinacochas, La Victoria – Lima @canalN_ @Agencia_Andina @PeruNews pic.twitter.com/o7ZQdEc8kr
— Jorge Campos (@jcampos148) 18 de marzo de 2017
Filaharana hameno rano amin'ny siny. Tahaka izao manerana ny tanàna. Parinacochas Ave, La Victoria – Lima.
agua embotellada agotada supermercados colas interminables, prevenir SI – No caigamos en pánico Abastecimiento de alimentos está garantizado pic.twitter.com/pzzlt4DCb1
— Carlos Marill (@cmarilld) 17 de marzo de 2017
Rano amin'ny tavoahangy efa lafo, filaharana tsy misy fitsaharana eny amin'ny toeram-pivarotana. ENY, ilaina ny misoroka – Aza mikoropaka. Azo antoka ny famatsiana sakafo sy entana ilaina andavanandro.
Evangelina Chamorro: mariky ny fifaharana
Tamin'ny herinandro lasa, vehivavy iray antsoina hoe Evangelina Chamorro no nibahana tamin'ny vaovao, rehefa nipoitra ara-bakiteny avy tao anaty fotaka taorian'ny huayco (Fihotsaham-potaka) tao amin'ny distrikan'i Lima ao Punta Hermosa, toerana onenany miaraka amin'ny fianakaviany.
Evangelina Chamorro, de 32 años, se salva de morir en huayco de Punta Hermosa y se convierte en símbolo de tragedia en Perú. pic.twitter.com/wv22EJuE5c
— Pao Ugaz (@larryportera) 16 de marzo de 2017
Evangelina Chamorro, 32 taona, nieren-doza taorian'ny famelezan'ny huayco de Punta Hermosa ary lasa mari-pamantaran'ny voina tao Però.
Mitsabo tena any amin'ny hopitaly i Evangelina amin'izao fotoana izao, tafavoaka tamim-pahagagana tamin'ny ratra mahafaty noho ny fihotsaham-potaka.
¡Horror!
Esta es la portada de nuestra edición de hoy jueves 16 de marzo de 2017 https://t.co/Xba15WDo2W pic.twitter.com/J8vKppXyeX— Diario Perú21 (@peru21noticias) 16 de marzo de 2017
Horohoro!
Ity no pejy voalohany amin'ny vaovao androany, Alakamisy 16 Martsa 2017.
Niteraka aingam-panahy sary vaovao avy amin'ilay mpanakanto Kolombiana Humberto Álvarez, fantatra kokoa amin'ny hoe Alter Eddie, mpanoratra ao amin'ny tranonkala Se lo explico con plastilina (Hanazava azy amin'ny tanimanga fanao volavola aho) ny tantaran'ilay nieren-doza.
#FuerzaPeru #Evangelina #LimaenEmergencia Evangelina Chamorro, todo un ejemplo de lucha y coraje pic.twitter.com/TrANbEmx4n
— alter eddie (@altereddie) 17 de marzo de 2017
Tanjaka ho an'i Però. Evangelina. Lima anaty hamehana. Evangelina Chamorro, endrey izany ohatry ny tolona sy ny herimpo.
Koa satria miatrika fanamby mampivarahontsana ny firenena tamin'ity volana ity, dia lasa tarigetram-pirenena ilay fehezanteny malaza iray, vita sokitr'ilay mpahay tantara Jorge Basadre, manao hoe : “Mbola lehibe noho ny olany i Però.”
