Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arahaba Nahatratra ny Fetin'ny Lainga, Hoy ny Masoivoho Rosiana

Pikantsary tao amin'ny YouTube.

Fetin'ny Lainga omaly—”Andro Fanalana Azy”, ho an'ny tontolo mpiteny Rosiana—ary nanararaotra iny andro iny ny Minisiteran'ny Raharaham-bahiny Rosiana (MFA) mba hanomezana fahafaham-po amin'ny alàlan'ny fanesoana jeopolitika, tamin'ny famazivaziana ny malaza ho fitsabahan'i Rosia tamin'ny fifidianana filoham-pirenena Amerikana taona 2016.

Namoaka lahatsary vazivazy iray tao amin'ny fandraketana ny famelan-kafatry ny Masoivoho Rosiana tao amin'ny pejiny Facebook tamin'ny marainan'ny voalohany avrily ny MFA ary nahitana soratra hoe: ” Namolavola fandraketam-peo famelan-kafatra feno ho an'ny iraka diplomatika Rosiana rehetra any ivelany ny Minisiteran'ny Raharaham-bahiny Rosiana”.

Добрый день! Вы позвонили в посольстве России. Если Вы хотите заказать звонок российского дипломата Вашем политическим конкурентам, нажмите 1. Чтобы воспользоваться услугами русских хакеров, нажмите 2. По вопросам вмешательства в выборы, нажмите 3 и ждите начала избирательной кампании. В целях повышения качества услуг все разговоры записываются.

“Miarahaba! Tonga eto amin'ny Masoivoho Rosiana ianao. Tena zava-dehibe ho anay ny antsonao. Raha te-hahazo antso ifanaovan'ny diplaomaty Rosiana amin'ny fahavalonao ara-politika, dia tsindrio ny 1. Raha hampiasa ny tolotry ny mpisovoka Rosiana, tsindrio ny 2. Raha hangataka ny fitsabahana amin'ny fifidianana , tsindrio ny 3 ary miandrasa mandra-pahatongan'ny fampielezan-kevitry ny fifidianana manaraka. Mariho tsara fa hanaovana fanaraha-maso ny antso rehetra ho fanatsarana ny kalitaon'ny tolotra  .”

Henoy eto izany (hanomboka amin'ny 0:29 ora ny famelan-kafatra amin'ny teny anglisy) :

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.