Tanàna iray tsizarizary ao Afrika Atsimo. Ireo olana toy ny fanatsaràna ny fiainan'ny olompirenena no tian'ireo Afrikàna atsimo mba hifantohan'ny fanjakana. Loharanon-tsary: http://tokolosstencils.tumblr.com/. Fampiasàna nahazoana alàlana

Nanafintohina sy nahatezitra ireo mpampiasa media sosialy nanerana ny firenena tao Afrika Atsimo ny Minisi-panjakana misahana ny Fiarovana, David Mahlobo, taorian'ny nilazàny fa mihevitra ny handrindra ny media sosialy ny fanjakàna mba hanoherana ireo fitantaràna diso sy fiparitahan'ny faikam-baovao.

Ny zavatra maneso, nisy tantara ratsy isankarazany tamin'ity taona ity izay nampifandray ny antoko eo amin'ny fitondrana misy an'i Mahlobo, ny African National Congress (ANC) aminà faikan-tranonkalam-baovao manely vaovao tsara momba ny governemanta, botnets fampielezankevitra nampiasaina mba hamily ny saina tsy ho any amin'ireo resabe momba ny governemanta, ary “black ops”, fampielezankevitra momba ny fifidianana ao an-toerana mikendry ny hanamavo ny fampielezankevitr'ireo antoko mpanohitra sy hanosika hanome hery ny fandaharanasa iray mpomba ny ANC ao amin'ny media sosialy.

Ny 5 Martsa 2017, nandritry ny tafa ho an'ny mpanao gazety, nampian'ny Minisitra Mahlobo hoe lasa habaka iray isian'ny fanehoankevitra miiba sy tsy marina ny media sosialy, ary nampiany fa ireo demaokrasia tsara indrindra dia mandrindra ny media sosialy.

Tao amin'ny Twitter, avy hatrany dia naneho hevitra momba ilay fanambaràny ireo AfrikànaTatsimo, tamin'ny tampiasàna ny tenifototra #HandsOffSocialMedia. Nampangain-dry zareo ny Minisitra Mahlobo, ny Filoha Zuma ary ny ANC antoko eo amin'ny fitondràna ho niezaka ny hifehy ny fanehoana hevitra an-kalalahana sy ny adihevitra eo amin'ny firenena.

#FakeNews by private corporations & gov regulation of social media has the same purpose: controlling social discourse #HandsOffSocialMedia

— Elliott (@ElliottTheElite) March 6, 2017

ZZZZZZTanjona iraisana ny an'ny #Faikambaovao avy amin'ireo orinasa mahaleotena & ny fandrindràn'ny gov ny media sosialy: fifehezana ny adihevitra sosialy

Tao anatin'ny tatitra farany navoakany tamin'ny 2016, isa “malalaka” henjana noho ny “Satan'ny Fahalalahana Anaty Aterineto” ananany no azon'i Afrika Atsimo tamin'ny Freedom House, fikambanana mahaleotena mpitily akaiky ny resaka fahalalahana erantany, saingy “fahalalahana amin'ny ampahany” no nomeny ho an'ny asa fanaovana gazetin‘io firenena io. Nibahana toerana tamin'ny tontolo politika tao Afrika Atsimo ny ANC, nanomboka tany amin'ny fifidianana voalohany indrindra nandraisan'ny foko rehetra anjara, taorian'ny ‘apartheid’, tamin'ny 1994.

We have 99 thousand problems and social media ain't one #handsoffsocialmedia

— ZS NEL (@fana_lemane) March 6, 2017

ZZZZZAn'aliny maro ny olantsika ary tsy iray amin'ireny ny media sosialy

If it were up to Zuma South Africa would be offline by now … #HandsOffSocialMedia pic.twitter.com/bMgHlWkiFV

— Swing Voter (@NosiphoKhulu) March 6, 2017

ZZZZZZRaha ny sitrapon'i Zuma dia efa tsy hita tao anaty aterineto intsony i Afrika Atsimo

#HandsOffSocialMedia They want to dictate us what to think. They want to control our minds by controlling what info we have access to.

— Nhlanhla (@NbizaroNhlanhla) March 6, 2017

ZZZZZTian-dry zareo hanoratra izay tononiny fotsiny isika. Tiany hofehezina ny saintsika, amin'ny alàlan'ny fifehezana izay vaovao azontsika idirana

Miss.V, vahinin'ny fampielezampeo Afrikana Tatsimo ary mpampiasa Twitter nibitsika hoe :

Freedom of Expression…Check the Constitution if you have forgotten… #HandsOffSocialMedia

— Miss.V (@azolav) March 6, 2017

ZZZZFahalalahana maneho hevitra. Jereo ny Lalàm-panorenana raha toa adinonareo

Ny fahalalahana maneho hevitra dia arovan'ny andininy faha-16 ao amin'ny toko faharoan'ny Lalàm-panorenan'i Afrika Atsimo, izay milaza amin'ny ampahany fa “manana zo ny tsirairay haneho hevitra an-kalalahana, ka tafiditra amin'izany ny fahalalahan'ny fanaovana gazety sy ireo media hafa; ny fahalalahana mahazo na mampita vaovao na hevitra; ny fahalalahana mamorona zavakanto; ary ny fahalalahana manao fikarohana akademika sy siantifika.”

Haingam-pitombo ny fampiasàna media sosialy eny anivon'ireo vahoaka 55 tapitrisa ao Afrika Atsimo. Araka ny lazain'ny tatitra Tontolon'ny Media Sosialt 2016 avy amin'ny World Wide Worx, misy 13 tapitrisa ireo mpampiasa Facebook ao Afrika Atsimo, 7.4 tapitrisa ny mpampiasa Twitter, 8.28 tapitrisa ny YouTube ary 2.68 tapitrisa ny Instagram. Ary tsy mitsahatra ny fitomboan'ny fampiasàna ireo sehatry ny media sosialy ho toy ny fitaovana malaza hanaovana fanehoankevitra na adihevitra politika. Ny tenifototra, ohatra, dia lasa iray amin'ireo fomba malaza indrindra fikarakaràna hetsi-panoherana, fananganana hetsika sy fanehoana hatezerana momba ireo fanapahankevitra politika ao amin'ny firenena.

#HandsOffSocialMedia social media is a means for citizens of SA to keep government accountable for their actions. Can't sweep under carpet

— Mario (@marioigrec) March 6, 2017

ZZZZZFitaovana ho an'ireo olompirenena eto Afrika Atsimo ny media sosialy mba hitazonana ny fanjakana ho tomponandraikitra amin'ny asa ataony. Tsy azo ahilika ho any ambany tsihy

Dear Mahlobo. Regulate corruption and crime first before even thinking about laying into our social media accounts #HandsOffSocialMedia

— Yolandi Serfontein (@TheRealYolandi) March 6, 2017

ZZZZZZAtoa Mahlobo..Voalohany indrindra, sakano aloha ny kolikoly sy ny heloka bevava alohan'ny hiheverana hikitikitika ny kaontinay aty amin'ny media sosialy

Tamin'ny 2014, nodidian'ny fitsaràna ny Filoha Zuma hamerina ny 16 tapitrisa dolara nalainy tamin'ny volan'ny mpandoa hetra ary nolaniany tamin'ny tranony manokana. 542.000 dolara no naloany tamin'ny 2016. Nandoto ny fotoam-pitondran'i Zuma io tantara ratsy io ary niteraka fitsipahana fitokisana marobe tsy nety tafitan'ny mpanohitra.

WHEN IS THIS BEING REGULATED? @MYANC #HandsOffSocialMedia pic.twitter.com/DDGGLdGU86

— TweetGuru (@JustKholii_) March 6, 2017

ZZZZRAHOVIANA ITY NO HO VOARINDRA?

Nandà ho tsy nandray tsolotra i Zuma, ary nanao fampakarana ny didy nivoaka. Nizara ity fanehoankevitra ity ihany koa i Tweet Guru, mipetraka ao Cape Town, milaza ny tenany ho  henoin-teny ao amin'ny media sosialy:

#HandsOffSocialMedia in a nutshell. pic.twitter.com/I4qwFUphGX

— TweetGuru (@JustKholii_) March 6, 2017

ZZZZNy #AzaMikitikitikaMediaSosialy raha atao amin'ny teny fohy

Thato Lephole nampahatsiahy an'ireo Afrikana Tatsimo :

The public has the power to regulate government aswell, it's called voting.

Two way street. #HandsOffSocialMedia

— IG: thato_lephole (@thatolephole) March 6, 2017

ZZZZAnanan'ny vahoaka ny fahefàna handrindra ny governemanta, fifidianana no fiantso azy.

Voalahatra ho amin'ny 2019 ny fifidianana manaraka. Hiatrika antoko roa ny ANC, izay nitarika ny tolona nifanaovana tamin'ireo fotsy vitsy an'isa – ny Fiombonana Demaokratika sy ny Mpiady ho an'ny Fahalalahana Ara-toekarena. Nizaka faharesena ara-tantara nanoloana azy ireo ny ANC tamin'ny fifidianana ben'ny tanàna sy mpanolotsaina, ny fahavaratra farany teo.

Misy fironana misonga ataon'ny governemanta ao Afrika momba ny faneriterena ny fahalalahana mahazo vaovao sy maneho hevitra, indrindra fa rehefa fotoana fifidianana na savorovoro sivily. Manoratra ho an'ny Quartz Africa, Abdi Latif Dahir nanamarika fa ireo governemanta Afrikana dia tsy mitsahatra ny manapatapaka ny fifandraisana aterineto mba hifehezana ny fikorinan'ny vaovao sy “hametrahana hisatra amin'ny hatezerana mangotrangotraka eny an-kianja”. Lazain'ny lahatsoratra fa ireo fahatapahan'ny aterineto nobaikoin'ny governemanta dia lasa fenitra fa tsy mba zava-maningana tao amin'ny tanibe tamin'iny 2016 iny.

Ireo firenena nanapaka aterineto nandritry ny fifidianana na savorovoro sivily tao Afrika dia ahitàna an'i Oganda, Borondi, Gabona, Kamerona, Repoblika Demaokratikan'i Kongò, Gambia, Zimbaboe ary Etiopia.