Tontolon'ny Walt Disney, Florida. Sary: Flickr / CC 2.0

Tsy faly mikasika ilay famerenana mamokatra arahana hetsika mivantana ilay sarimihetsika Disney ”Ilay Vehivavy Tsara Tarehy Sy Ilay Bibidia’‘ ireo vondrona ara-pinoana sy ny fanjakana mpanao sivana ao Singapaoro sy Malezia.

Any Singapaoro, ireo mpitarika kristiana dia nanoro hevitra ireo mpino mba ”hiaro” ireo zanany amin'ilay heverina ho ”fandaharana manohana ny LGBT” an'ilay sarimihetsika, taorian'ireo tatitra fisianà ”fotoana pelaka” tao anatin'ilay sarimihetsika. Tany Malezia, nanaiky ny fampijerena ny vahoaka ilay sarimihetsika ny mpanao sivana ny sarimihetsika, fa nasiana ”fanapahana vitsy.”

Tantaram-pitiavana misy eo aminà vehivavy tanora sy lehilahy voaozona hiaina toy ny biby ao anaty lapa ilay tantara Vehivavy tsara tarehy sy ilay Bibidia. Nilaza tamin'ny haino aman-jery sosialy ireo mpamokatra ilay sarimihetsika fa manasongadina pelaka mpilalao ilay famerenana-famokarana.

Ny Filankevitra Nasionalin'ny Fiangonana ao Singapaoro dia naneho ny hatezerana hoe ”manary” ny ”fahadiovana manontolon'ilay” sarimihetsika Disney tamin'ny 1991 ilay sarimihetsika vaovao, tamin'ny fiampangàna ilay pelaka mpilalao, nolalaovin'ny mpilalao sarimihetsika, Josh Gad, ho toy ny ”tena tsy misy ilàna azy.” Namoaka fanambarana ofisialy ilay filankevitra mampitandrina ny vahoaka amin'ny fikasan'ny Walt Disney ”hanazatra amin'ny endri-piainana pelaka”:

Ireo mpitarika Kristiana sasany eto no tena manahy mafy mikasika ilay fanehoana LGBT ao anatin'ity sarimihetsika vaovao Disney ity. Toy ny fikasàna hitaona ny ankizy tanora no fahitàn'izy ireo izany, sy hifanerasera amin'izy ireo dieny mbola kely taona hanana fisainana hoe tsy olana ny fomba fiainana pelaka.

Namoaka fanambarana fohy ny Fiangonana Katolika ao Singapaoro mandrisika ny ray aman-dreny hahay hanavaka rehefa eo am-pijerena ilay sarimihetsika:

Miaraka amin'ny tatitra mivelatra kokoa nataon'ny haino aman-jery sosialy momba ilay heverina ho ‘fotoana pelaka’ ao anatin'ity sarimihetsika ity, mino izahay fa tokony hanavaka tsara ireo ray aman-dreny ary hieritreritra miaraka amin'ireo zanany ny fanontaniana hoe  mifanaraka amin'ny fampianaran'i Kristia ve ilay fomba fiaina aseho. Tokony hohazavain'izy ireo ny fiantraikany sy ny vokatry ny fomba fiaina toy izany eo amin'izy ireo tenany sy ny fiarahamonina.

Any Singapaoro, voaheloka ny fihetsika pelaka eo amin'ny samy lehilahy.

Mandràra ny sodomia ihany koa i Malezia, ary ny Biraon'ny Sivana ao amin'ny firenena dia efa nanemotra amin'ny fotoana tsy voafetra ny fandefasana ilay sarimihetsika Vehivavy Tsara Tarehy sy ilay Bibidia, ampian'ireo ahiahy maharitra, eny fa na dia ireo dika an-tsoratra aza. Milaza ny Orinasa Walt Disney fa mampanao ”fandinihana anaty” izy mba hahafantarana bebe kokoa mikasika ny fipetrak'ilay sarimihetsika any Malezia.

Nandiso fanantenana maro tany Malezia mpankafy Disney ny fahamailoan'ny fanjakana manoloana ny fitarihana mamoafadin'ny Hollywood, izay nanelezan'ny minisitry ny kolontsaina ny ahiahin'izy ireo momba ny sivana tsy rariny.

Eny amin'ny tambajotra sosialy, naneho ny fahasorenany mikasika ny fanakànana ilay sarimihetsika ireo Maleziana, raha toa ka ny sasany hafa nankahatra ny Biraon'ny Sivana mba hanazava ny antony hanakanana ilay Vehivavy Tsara Tarehy sy ilay Bibidia tsy ho azo alefa any amin'ireo trano fijerena sarimihetsika, nefa sady mandray aminà lovia volafotsy sy mandefa amin'ny fahitalavitra izao karazana  fialamboly misy herisetra rehetra izao.

No words for the situation occuring for Beauty and the Beast.
Just utterly disappointed that Malaysia could be THAT sensitive.

— Nadzrin Nadzer (@NadzrinIqbal) 13 Martsa 2017

Tsy misy teny ho an'ny toe-draharaha miseho ho an'ilay Vehivavy Tsara Tarehy sy ilay Bibidia:
Tena diso fanantenana fotsiny fa hay dia mora tohina TOY IZANY i Malezia.

“beauty and the beast banned in malaysia because of the gay scene between the clock and the candle.”
i love my country

— y v o n n e (@yvnnexy) 13 Martsa 2017

”voasakana any malezia ilay vehivavy tsara tarehy sy ilay bibyiia noho ny fisehoan-javatra pelaka misy eo amin'ilay famantaranora sy ilay labozia.”

tiako ny fireneko

Malaysia has so many things to improve on but we choose to look at the petty stupid stuff like banning Beauty and the Beast. How disgusting.

— Priyanka Laxmi (@priyankalaxmii) 13 Martsa 2017

Be zavatra tokony havaozina i Malezia nefa misafidy ny hijery ny zavatra kely kidaladàla toy ny fanakanana ilay Vehivavy Tsara Tarehy sy ilay Biby Dia isika. Maharikoriko tahaky ny inona.

Malaysia, the land of possibilities.

Beauty and the Beast banned while WWE airing on the tv. Apparently our country promote war, not love.

— FranFeyn (@ravingcowmaniac) 13 Martsa 2017

Malezia, ilay tanin'izay mety hisy.

Voasakana ilay Vehivavy Tsara Tarehy sy ilay Bibidia raha toa ka mandeha amin'ny fahitalavitra ny WWE. Raha ny fahitàna azy dia mampiroborobo ny ady ny firenentsika, fa tsy ny fitiavana.