Miarahaba Anareo Nahatratra Ny Andro Iraisampirenena Ho An'ny Vehivavy Izahay Goverinoran'ny Federasiona Rosiana

Sary: YouTube

Araka ny loharanom-baovao ao Kremlin,  avy any amin'ny farany an-tampony ny baiko: hankalaza ny Andro Iraisam-pirenena ho an'ny Vehivavy “amin'ny fomba hafakely” ireo goverinora Rosiana .

Tamin'ny 7 Martsa, nitatitra ny gazety Kommersant fa nanome torohevitra ny lehiben'ny faritra  sy ny repoblika ao Rosia ny Fitantanan-draharahan'ny Filoham-pirenena mba hankalaza ny 8 Martsa amin'ny fomba hafakely, nandà ny tatitra anefa ny mpitondrantenin'ny Kremlin  Dmitry Peskov ary governora vitsivitsy no efa nanatanteraka ny didy: kanefa  naka lahatsary somary tsotra ihany ny ankamaroan'ireo lehiben'ny faritra nirary ireo mpifidy azy hankalaza am-pifaliana ny Andro Iraisampirenena ho an'ny Vehivavy, na nanome lahateny tao amin'ny fankalazana tao an-toerana,  somary nananihany kokoa tamin'ny fisian'ny tsahon'ny didim-panjakana ny goverinora sasany.

Naka ny lahatsarin'ny “mannequin challenge” i Valery Shantsev, goverinoran'ny Faritra Nizhny Novgorod mba hanehoana ny fankasitrahany ireo vehivavy. Na raha tsy izany, nilaza i Shantsev tany amin'ny faran'ny lahatsary fa ” misitery sy zava-miafina ao ambadiky ny fitombokase fito” ny vehivavy, kanefa  “vonona ny hanampy anao isan'andro” ny lehilahy. Nofintininy tamin'ny hoe: “Mamirapirata! Mifalia! Mazotoa! Arahaba Tratry ny Andro Iraisampirenena ho an'ny Vehivavy! “

Nanana hafatra somary mampahery bebe kokoa i Alexander Levinthal,  goverinoran'ny Repoblika Mizakatena Jiosy , tao amin'ny firariantsoa noraketiny , izay nanasongadina ny felam-boninkazo misidina sy ny fandraisana gitara .

Дорогие женщины! Вы способны творить чудеса. Вы покоряете горные вершины и опускаетесь на морское дно. Вы сочиняете прекрасные симфонии и ставите мировые рекорды. Вы строите дома и разрушаете все преграды. Вы пишите гениальные романы и совершаете научные открытие. Вы для нас неиссякаемый источник вдохновения. И только ради вас мы становимся отважными героями и неисправимыми романтиками…

Ry vehivavy! Afaka manao fahagagana ianareo. Miakatra ny tendrombohitra ianareo ary miroboka any ambanin'ny ranomasina. Mamorona feonkira mahafinaritra ianareo ka manao firaketana eto amin'izao tontolo izao . Manorina trano ianareo sady mandrava ny vato misakana rehetra. Manoratra tantara mamirapiratra ianareo sy mahavita fahitana ara-tsiansa. Ianareo no loharano tsy mety ritran'ny aingam-panahy. Noho ny aminareo ihany no mahatonga anay ho maherifo be herim-po sy be fitiavana tsy azo laizina…

Na izany aza, azo inoana fa tsy dia hafakely loatra ny nataon'ny manampahefana iray mba hanarahana ny baikon'ny filoham-pirenena : nangala-tahaka tononkalo izay nolazainy fa nosoratany momba ny vehivavy tany amin'ny faritaniny i Igor Vasilev,  goverinoran'i Kirov. Mivaky toy izao ny andininy farany tamin'ny nosoratan'i Vasilev :

У нас и снег белее всех снегов
И я могу сказать вам без оглядки
В России все красивее всего
Но всех красивей женщины на Вятке!

Manana ny oram-panala fotsy indrindra isika
Ary sahy milaza aminao aho tsy misy tsiny
Ao Rosia,  tsara tarehy indrindra ny zava-drehetra
Fa mbola tsara tarehy kokoa ny vehivavy ao Vyatke!

Nahatsikaritra ny tranonkala kirov-portal.ru, na izany aza, fa dikan-tononkalon'i Aleksandr Vulykh  somary novaina kely io tononkalo io, izay nozarain'i Vasilev tao amin'ny pejy VKontakte tamin'ny taona 2014 .

Mivaky toy izao ny tononkalon'i Vulykh  ôrizinaly :

У нас и снег белее всех снегов,
У нас и дождь сильнее всех по силе.
В России все красивее всего,
Но всех красивей женщины в России!

Manana ny oram-panala fotsy indrindra isika
Manana ny orana mivatravatra indrindra
Ao Rosia,  tsara tarehy indrindra ny zava-drehetra
Fa mbola tsara tarehy kokoa ny vehivavy ao Rosia!

Fa tsy ireo goverinora ihany no nankalaza izany tamin'ny fomba hafa kely: nandray anjara tamin'ny hetsika ihany koa na dia i Putin aza, nitanisa ny tononkalo nosoratan'i Konstantin Balmont tao amin'ny fanambarana nataony androany :

Женщина – с нами, когда мы рождаемся,
Женщина – с нами в последний наш час.
Женщина – знамя, когда мы сражаемся,
Женщина – радость раскрывшихся глаз.

Ny vehivavy – miaraka amintsika rehefa teraka isika
Ny vehivavy – miaraka  amintsika amin'ny ora farany,
Ny vehivavy – ny fanevantsika rehefa miady
Ny vehivavy – ny fifalian'ny maso mibaliaka.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.