Ilay mpikatroka Azeri Emin Milli miresaka amin'ny mpanao gazety ao amin'ny Firenena Mikambana ao Geneve, izay nanao fanadihadiana isan-karazany maro momba ny fanitsakitsahana ny zon'olombelona tao amin'ny firenena .

Tamin'ny 3 Martsa 2017, nahazo sazy roa taona tao Baku noho ny fanendrikendrehana i  Mehman Huseynov bilaogeran-dahatsary malaza .

Niantso ny fanapahan-kevitra ho hosoka i Huseynov tao amin'ny fanambarany farany alohan'ny nilazany fa misy olona mankahala ny asany, ary izany no antony nanasaziana azy.

Mpitantana ny pejy Facebook iray malaza i Huseynov izay izarany lahatsary amin'ny lohahevitra maro midadasika miainga any amin'ny fepetran'ny asa mampahonena ka hatrany amin'ny fomba fiainana miliban'ny manampahefana ao amin'ny governemanta sy ny tompon'ny fananana mifaka. Manana mpanjohy maherin'ny 300.000 ny pejiny.

Niantso haingana ny governemanta tsy refesi-mandidy mba hamotsotra ilay tanora bilaogera ireo vondrona mpiaro Zo sy ny mpanara-maso ao Azerbaijan.

Instead of investigating credible allegation of ill-treatment, #Azerbaijan jails outspoken critic #MehmanHuseynov for 2 years. #FreeMehman! pic.twitter.com/Kfe0gadI4A

— Giorgi Gogia (@Giorgi_Gogia) March 3, 2017

Nanagadra 2 taona ilay mpanao tsikera manana fahasahiana miteny #MehmanHuseynov i #Azerbaijan raha tokony hanadihady ny tranga fanamelohana fanararaotana azo tsapai-tànana.

UNACCEPTABLE:#Azerbaijan blogger #MehmanHuseynov sentenced to 2 years on false defamation charges #FreeMehman #media https://t.co/peMpcooWEC pic.twitter.com/RmIDrjbY8G

— Civil Society Forum (@eapcsf) March 3, 2017

TSY AZO EKENA: bilaogera #Azerbaijan #MehmanHuseynov voaheloka higadra 2 taona noho ny fiampangana diso mikasika ny fanalàm-baraka.

You think @presidentaz it’s okay to imprison and punish #HumanRightsDefenders… We say no! Release #MehmanHuseynov #HRC34 https://t.co/wE2J8S4ORg

— Florian Irminger (@FlorianIrminger) March 3, 2017

Mihevitra ve ianao @presidentaz fa mety ny managadra sy manasazy ny #MpiaroZonOlombelona  … Tsia hoy izahay! Avoahy i #MehmanHuseynov

Mety ho tsaratsara kokoa ny nisamborana an'i Huseynov amin'ny fomba fijerin'ny governemanta. Nisioka ny Foiben'ny fikambanana Mpiaro ny Zon'olombelona ao Geneve fa hamaha ny olana izy ireo amin'ny fivorian'ny Firenena Mikambana faha-34 tohanan'ny Vaomieran'ny Zon'olombelona, ary miantso amin'ny famotsorana azy avy hatrany.

We will take the floor at #HRC34 in 45 minutes, calling for immediate & unconditional release of #MehmanHuseynov #Azerbaijan @ForstMichel

— Human Rights Houses (@HRHFoundation) March 3, 2017

Handray fitenenana 45 minitra izahay ao amin'ny #HRC34, hanao antso ho famotsorana avy hatrany tsy misy fepetra an'i  #MehmanHuseynov

Daha bir qurban getdi, hə? Dincəldinizmi? #MehmanHuseynov

— Fuad Həsənli (@fuadhasanli) March 3, 2017

Lasa koa ny vavaka iray hafa. Afa-po ve ianao izao?

Nosamborin'ny vondrona polisy manao akanjo sivily tamin'ny 9 Janoary tao afovoan-tanànan'i Baku renivohitr'i Azerbaijan i Huseynov .

Notànana tsy nahazoana vaovao izy nandritra ny alina, voalaza fa noho ny fandikana ny fitsipiky ny didim-pitondrana. Ny ampitson'iny, nasain'ny fitsarana iray nandoa lamandy 200AZN (mihoatra ny 100$ ) izy noho ny fiampangana fa tsy nankatoa ny polisy (Andininy faha-535,1 araka ny Fehezan-dalàna momba ny Heloka ara-pitantanam-panjakana).

Raha niresaka tamin'ny mpanao gazety taorian'ny fihazonana azy fotoana fohy, nilaza i Huseynov fa nametraka gony teo ambony lohany ny polisy, ary nanao fampiasan-kery nandritra ny fihazonana azy. Tamin'ny 11 Janoary, namoaka ny sarin'i Huseynov mampiseho ny fampijaliana nahazo azy sy ny fitafiany feno rà ny mpisolovavany antsoina hoe Elchin Sadigov .

Raha zava-misy mahazatra ao Azerbaijan ny fisamborana, ny fanapenam-bava, sy ny fandrahonana mpanao gazety, dia i Huseynov no bilaogera voalohany na mpanao gazety nogadrain'ny fitsarana ao Azerbaijan tamin'ny fomba ofisialy noho ny fanendrikendrehana .

Ahitana fiampangana mahazatra toy ny fihazonana zava-mahadomelina (matetika sandoka), fanaovana loham-boto, fanamparam-pahefana, ary tsy fandoavan-ketra ireo raharaham-panamelohana mpanao gazety na bilaogera hafa teo aloha.