Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Nizara ireo Finoana Mahatsikaiky Nandritra Ny Fahazazany Ireo Afrikana Tatsimo

Varatra latsaka. Mino ireo ankizy sasany ao Afrika fa  ilatsahan'ny varatra izy ireo raha manao akanjo miloko mena . Sary Creative Commons avy amin'ny mpisera  Wikipedia Jessie Eastland.

Nahazo laza tao Afrika Atsimo ny tenirohy mahatsikaiky, #ThingsIBelievedInAsAChild, izay namoahan'ireo olona ny finoanoam-poana maromaro mampihomehy nandritra ny fahazazany .

Ireto misy ampahany vitsivitsy tamin'ireo sioka niseho teo ambanin'ny tenirohy.

Malina be i “Divinity” rehefa mihinana voasary satria:

Hanomboka haniry voasary ao an-kibonao raha mitelina voam-boasary ianao

Nino i “Big Boss” fa amin'ny andro ihany no mahazo misioka  ;

Aza misioka amin'ny alina, fa mitondra vintan-dratsy.

Nihevitra i Levi fa mifandraika amin'ny fandinganana olona ny halavana :

Raha misy olona mandingana anao eo ambany tongony iray, dia tsy mitombo halavana ianao raha tsy miverina manala ny fandinganana nataony izy  😂😂😂

Ahoana ny mampandeha ny fahitalavitra?:

Tena ao anatin'ny fahitalavitra ireo olona ao amin'ny fahitalavitra .

Raha mahita fiara mitondra razana mandalo ianao:

Raha mahita io fiara io ianao dia tsy maintsy mitazona volo iray mandra-pidifiny na 😂😂😂 hafa .

Tsy maintsy manao ny akanjo “tsara indrindra fanaovana alahady ” ianao , eny, rehefa Alahady:

Amin'ny andro alahady ihany no hanaovana ny akanjo vaovao, fa tsy mandritra ny herinandro

Nino i “#Avantgardehipster”:

Tsy mety maty hono ny olona bobo fa manjavona fotsiny .

Tsy mbola nahita filazana manjo momba ny bobo iray aho mandraka ankehitriny 🤔🤔

Nizara ity sary manaraka ity ny mpisera iray tao amin'ny siokany :

Mahasalama sy mampatanjaka ny fihinanan-kanina be loatra .

Ahoana hoy ianao?:

Tena nino tokoa aho fa atody ireo vihin-dahy.

Avy aiza ny zazakely?:

Vidiana ny zazakely fa tsy teraka

Nahoana ny vata fampangatsiahana no mirehitra jiro ho azy ?:

Misy olona kely ao anaty vata fampangatsiahana mampirehitra ny jiro rehefa misokatra izany.

Ahoana no hamantarana ny olona  manan-karena  ?:

Olona manan-karena ianao raha nanana ity ao an-trano 😂😂

Raha tsy te ho banga ridana ianao mandritra ny fiainanao rehetra …:

Tsy hisy solony na oviana na oviana ilay nify raha tsy atsipinao any an-tafotrano rehefa avy manala nify ianao

Nihevitra i “DJASH” hoe:

Antsoina hoe colgate avokoa ny fiborosiana nify rehetra

Jik ny vokatra famotsian-damba rehetra

Antsoina hoe Lux na Sunlight ny savony rehetra !

Vokatra malaza aty Afrika Atsimon'i Sahara ny Jik, Colgate, Lux ary ny Sunlight .

Jereo aloha ny tatitra mikasika ny toetrandro alohan'ny hanaovanao akanjo miloko mena :

Aza mitafy mena raha toa ka misy ny oram-baratra … mety tonga dia hilatsahan'ny varatra avy hatrany ianao.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.