- Global Voices teny Malagasy - https://mg.globalvoices.org -

Mpianatra Mpikatroka Indiana Iray Rahonana ho Faty noho ny Fanoherany ny Elatra Havanana

Sokajy: Azia Atsimo, India, Fahalalahàna miteny, Fanoherana, Hafanàm-po nomerika, Mediam-bahoaka, Politika, Tanora, Zon'olombelona
[1]

Sary: Gurmehar Kaur / Twitter

Ny fandrahonana herisetra, ny kapo-dahy ary ny fanafihana ara-batana no vaovao misongadina ao India, rehefa nanatontosa fihetsiketsehana [2] #StudentsAgainstABV (Mpianatra manohitra ny ABVP ilay mpianatra 20 taona avy ao amin'ny Kolejy Lady Shri Ram ao New Delhi.

Nanomboka ny hetsika i Gurmehar Kaur [3] taorian'ny fifandirana vao haingana [4] teo amin'ireo mpanao fihetsiketsehana sy ny vondrona mpianatra elatra havanana Akhil Bharatiya Vidyarthi Parishad [5] (ABVP), izay manana fifandraisana amin'ny fikambanana nationalista Haindò.

Ny fiandohan-tantara

Tamin'ny 21 Febroary, nomanina hotontosaina ao amin'ny kolejy Ramjas ao Delhi ny valan-dresaka antsoina hoe “Kolontsain'ny Fihetsiketseham-panoherana”. Noheverina hanasongadina ireo fanehoan-kevitra avy amin'ireo mpikatroka antsoina hoe Umar Khalid sy Shehla Rashid, samy fantatra amin'ny fanohanana ny hetsika “Free Kashmir” ny fihetsiketsehana, saingy nahemotra ny valan-dresaka ho setrin'ny fihetsiketsehana lehibe [6] nataon'ireo mpikambana ao amin'ny vondrona mpianatra elatra havanana ABVP, izay namotika ny kolejy ho valifatin'ny fanasana lehilahy iray voampanga ho nanao fikomiana tamin'ny [7] taona 2016 [7].

Taorian'ny fihetsiketsehan'ny ABVP, nikarakara hetsika manohitra izany ny mpianatra, mpampianatra, mpanao gazety sy ny mpikatroka ho fanohanana ny fanasana an'i Khalid and Rashid. Niha-naherisetra ny raharaha rehefa niseho ireo mpikambana ao amin'ny ABVP ary nanomboka niady tamin'ireo mpanao fihetsiketsehana. Araka ny filazan'ny tatitra, mpikatroka maromaro no naratra ary voarahona haolana mihitsy aza ny vehivavy sasany.

Nandritra ny fihetsiketsehana, nandefa sary miaraka amin'ny hafatra toy izao [8] tao amin'ny Facebook tamin'ny 22 Febroary i Gurmehar Kaur :

“I am a student from Delhi University. I am not afraid of ABVP. I am not alone. Every student of India is with me. #StudentsAgainstABVP”

“Mpianatra avy ao amin'ny Oniversiten'i Delhi aho. Tsy matahotra ny ABVP aho. Tsy irery aho. Miaraka amiko ny mpianatra rehetra ao India #StudentsAgainstABVP”

Nanoratra [8] koa izy hoe:

The brutal attack on innocent students by ABVP is very disturbing and should be stopped. It was not an attack on protestors, but an attack on every notion of democracy that is held dear in ever Indian's heart. It is an attack on ideals, morals, freedom and rights of every person born to this nation. The stones that you pelt hit our bodies, but fail to bruise our ideas.
This profile picture is my way of protesting against the tyranny of fear. If you are a student in any Indian university, in any Indian state and you wish to protest against ABVP then take a similar selfie and make it your profile picture. Use the hashtag #StudentsAgainstABVP and copy paste this message along with it.

It's time for every student of India to unite! Jai Hind! Jai Democracy!

Manakorontan-javatra tanteraka ny fanafihana feno herisetra nihatra tamin'ireo mpianatra tsy manan-tsiny ary tokony hatsahatra. Tsy fanafihana mpanao fihetsiketsehana izany, fa fanafihana ny endrika demokrasia rehetra izay zava-dehibe amin'ny Indiana. Fanafihana foto-kevitra, fitondran-tena, fahalalahana sy ny zon'ny olona tsirairay teraka tao amin'ity firenena ity izany. Mahatratra ny vatanay ny vato nitorahanareo, saingy tsy nahavita nandrava ny hevitray.
Fomba hanoherako ny fangejan'ny tahotra ity sary famantarana ahy ity. Raha mpianatra ao amin'izay oniversite Indiana ianao, ao amin'izay fanjakana Indiana ka maniry hanohitra ny ABVP ary haka selfie mitovy amin'izany sy manao izany ho sary famantarana anao. Ampiasao ny tenirohy #StudentsAgainstABVP ary apetaho miaraka aminy ity hafatra ity.

Fotoana izao hitambaran'ny mpianatra rehetra eto India! Jai Hind! Jai Democracy!

Tamin'izany, nijanona ny hetsika #StudentsAgainstABVP [9]. Avy eo nanomboka nanova ny sarintavany [10]tao amin'ny media sosialy ny mpianatra manerana an'i India mba hanoherana ny herisetra.

Manameloka tanteraka ny fanafihana ny adihevitry ny oniversite ny @NSUIJMI [11] ary mijoro hiray hina amin'ny #DU [12] (Oniversitén'i Delhi)

Mila filaminana sy firaisankina ao amin'ny tobim-pianarana ny mpianatra manerana ny firenena. Andeha hialàna ny eksitiremisma ary arahina ny lalan'i Gandhi ji

Mifahatra miaraka amin'i @mehartweets [3] izahay ary manameloka ny habibiana mahamenatra ataon'ny ABVP.#StudentsAgainstABVP [13]

Mpianatr'i #DelhiUniversity [20] aho ary tsy mila jiolahimboto ao amin'ny tobim-pianaranay izahay. Manohana ny @MeharTweets [3] aho

Nidera ny fisantarana andraikitr'i Kaur ireo mpanohana:

Mahery fo ny #GurmeharKaur [22] miady amin'ny jiolahy #ABVP [23]! mampalahelo ny mahita olona tahaka ny sehwag & hooda tsy miraharaha ny zava-misy!

Tsy nahazo ny fon'ny rehetra i Kaur, mazava ho azy, ary misy ireo mpiserasera aterineto sasany nanao ny tenirohiny mba hampiseho ny mifanohitra amin'ny hafatra:

Ry namana AISA, tsy maintsy ho fantatra foana ny marina!
Nanomboka nampiaka-peo ny mpianatra tsy mitanila ao amin'ny DU (Oniversiten'i Delhi)

Eto ambany no ahitanao ny lahatsarin'i Gurmehar Kaur [28] “miresaka” momba ny fandriampahalemana eo amin'i Pakistan sy India. Namoy ny ainy tamin'ny Ady India-Pakistana [29] ny rainy.

Niteraka fientanam-po ny filazan'i Kaur tao anatin'ny lahatsary hoe: «Nihazona ahy ny reniko ary nampahafantatra ahy fa tsy namono ny raiko i Pakistan, fa novonoin'ny ady izy.”

Niaro azy tamin'ny antsoin'izy ireo hoe fandotoan-drindrina kosa ireo mpiserasera tahaka an'i Anand Ranganathan:

Ity ny lahatsoratra feno mikasika izay nolazan'i @mehartweets [3] tamin'ity lahatsary ity. Ny hita miloko mena no fehezan-teny farany nalaina mba handotoana azy

Fihetsiketsehana tsotra nivadika politika

Ny minisitry ny Atitany Indiana Kiren Rijiju no farany nanatevin-daharana ny adihevitra, manontany ao amin'ny Twitter momba an'i Kaur, “Iza no mandoto ny sain'ity tovovavy ity?”

Iza no mandoto ny sain'ity tovovavy ity? Misoroka ady ny Tafika matanjaka. Tsy mbola nanafika na iza na iza i India saingy tratran'ny fananiham-bohitra hatrany i India fony marefo

Mpanao lalàna hafa avy amin'ny antoko BJP, Pratap Simha, nampitaha an'i Kaur tamin'ilay mpampihorohoro Dawood Ibrahim.

Nilaza ireo mpanohana an'i Kaur fa manan-jo haneho hevitra an-kalalahana izy, zo haneho hevitra izay nolazain'izy ireo fa “simba” tato ho ato ao India, noho ireo manampahefam-panjakana sy mpikatroka ny elatra havavana lazain'izy ireo fa mailaka loatra mametaka anarana hoe “mpikomy” amin'ireo mpanohitra politika.

Ka tonga nandrefy ny fahombiazan'ny hafatrao ampahibemaso ao anatin'ireo hafatra feno fankalahala i @mehartweets [3].Mikoropaka ireo mpampijaly ny kely noho izy rehefa ifanandrinana

Aza antsoina hoe zanakavavin'ny martiora aho raha manelingelina anao. Tsy nitaky na inona na inona aho na dia izany aza. Azonareo antsoina hoe Gurmehar aho.

Mipao-tsatroka amin'ny fijoroanao, @mehartweets [3]. Manome fanantenana ho an'ny hoavin'i India ny tovovavy mahery tahaka anao

Tsy mahagaga ny “nasionalista” raha mamazivazy an'i  @mehartweets [3] amin'ny sary iray amin'ny andian-tantara manontolo . Voafetran'ny fankahalahan'izy ireo araka ny mahazatra ny fomba fijerin'izy ireo

Nahazo fandrahonana Betsaka i Kaur

Nahazo fandrahonana fanolanana sy fahafatesana [42] avy amin'ireo olona miantso azy hoe mpitsikilo “anti-firenena” tao amin'ny media sosialy i Kaur. Nametraka fitarainana [43] tao amin'ny Vaomieran'ny Vehivavy Delhi izy tamin'ny 27 Feb, noho ireo kaonty Twitter [44] marobe nandrahona azy.

Nahoana ireo “nasionalista” ireo no zatra mandrahona fanolanana foana rehefa ifanandrinana?

Aakar Patel, lehiben'ny Amnesty International India, nilaza tamin'ny fanambarana iray manao hoe [47]:

The events at Ramjas College are a shameful reminder of how intimidation and threats continue to restrict free speech on university campuses.

Fampahatsiahivana mahamenatra ny fomba fitohizan'ny fanindriana sy fandrahonana hametra ny fahalalahana maneho hevitra ao amin'ny tobin'ny oniversite ny zava-nitranga tao amin'ny Kolejy Ramjas.