Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ny Endriky ny Fanoherana: Mihaino ve Ianareo? Rakipeo

Mety hieritreritra ianao, andraso iray minitra aloha. Noheveriko ity Rakipeo ity ho antsoina hoe Ny Herinandro Teto Amin'ny Global Voices. Marina ny anao.  Efa navaozinay ny anarany ho Mihaino ve Ianareo?, karazana pimaso amin'ilay teny namantarana ny Global Voices hatry ny ela hoe ‘Miteny izao Tontolo izao, mihaino ve ianareo?’ Saingy aza manahy. Hijery hatrany ny sasany amin'ireo tantara izay nitranga vao haingana tao amin'ny efitrano famoahambaovaon'ny Global Voices izy io.

Ary ao anatin'ity andiany ity ianareo dia hoentina ho any India, Japàna, Aostralia, Meksika ary Trinidad sy Tobago mba hampidirana aminareo ny Endriky ny Fanoherana ao anatin'ny tontolo iray miaina ny fanontoloana.

Alalininay manokana ny tantaran'ireo volo dokodoko malazan'i Printsesa Leia ary hohazavaina ny antony nifamorian'ireo vehivavy tany amin'ireo tanàndehibe indiana maherin'ny 30; ambaranay aminareo ny momba ny dokambarotra iray tao Aostralia izay manontany hoe, “moa tsy olona avy any an-tsambo daholo va isika rehetra?” ary ho arosonay ho anareo ny Afghana iray monina ao Okinawa, Japàna, izay voafandrika taminà lalao maloton'ny vaovao diso sy ny fahatahorana “Miozolmana”. Hofonosinay miaraka amin'ny andrana manokana nosoratan'i Georgia Popplewell, tale mpitantana anay, monina ao Trinidad, izay mitantara ny fomba fidirana manafintohina sy sarotra raha ho any Etazonia amin'ny maha-vahiny anao.

Ao anatin'ity andiany ity, nasongadinay ireo tantara avy amin'i Vishal Manve, Nevin Thompson, Gabriela Garcia sy Kevin Rennie, ary ireo mozika nampiasàna ny lisansa Creative Commons tao amin'ny Free Music Archive, ahitàna ny Please Listen Carefully an'i Jahzaar; Anniversary Song an'i  Blanket Music; Day Bird an'i Broke For Free;Parody 3 ary Chords an'i David Szesztay; We Always Thought the Future Would Be Kind of Fun an'i Chris Zabriskie; sy ny  Perceptible Shift an'i  Andy G. Cohen

Ny sary nasongadina ao anatin'ity tantara ity dia endrika nasiana fanovàna avy amin'ny sary iray an'ilay mpampiasa Flickr, Marx Dixon, nopihany tao Washington DC, nandritry ny Diaben'ny Vehivavy tamin'ny 21 Janoary 2017, CC BY 2.0.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.