Sainam-pirenen'i Zeorzia. Creative commons.

Henjana ny toe-pon'ny vahoaka ao Zeorzia ary indrindra indrindra ny ao an-drenivohitra Tbilissi satria manomana hamoaka ny didim-pitsarana farany ho an'ny Rustavi 2, fantsona lehibe indrindra miara miasa amin'ny antokon'ny mpanohitra UNM manohana ny filoha teo aloha Mikheil Saakashvili ny fitsarana tampony ao amin'ny firenena.

Tao anatin'ny taona vitsivitsy, noho ny UNM tsy ao anatin'ny governemanta, dia loharanon'ny tatitra mitsikera momba ireo mpifanandrina amin'ny UNM ao anatin'ny governemanta iaraha-mitantana Nofinofy Zeorziana, tohanan'ny olona manankarena indrindra ao Zeorzia antsoina hoe Bidzina Ivanishvili ny Rustavi 2.

Hita taratra tamin'ny tarehimarika goavana izany – olona teo amin'ny 10.000 teo araka ny fanisana sasany – no nitangorona tao afovoan'i Tbilissi tamin'ny faran'ny herinandro mba hanohitra izay mety ho famindrana ny Rustavi 2 amin'ny tompony vaovao.

Тысячи людей в Тбилиси?? пришли на митинг в защиту оппозиционного телеканала “Rustavi 2″. pic.twitter.com/C2Jh5GGAhb

— Alexander (@avaza1972) February 19, 2017

An'arivony ireo tonga nivorivory hanohana ny fantsona fahitalavitry ny mpanohitra Rustavi 2.

Efa hatrany amin'ny faramparan'ny taona 2015 fara fahakeliny ny disadisa tamin'ny Rustavi 2 ary tonga amin'ny famaranana ankehitriny.

Araka ny filazan'ny mpanara maso ao Tbilisi DF Watch:

The Supreme Court is to decide a private lawsuit against Rustavi 2 filed by one of the company’s former owners, Kibar Khalvashi, who claims he was forced to give up his ownership of the TV company during the Saakashvili presidency. He won in Tbilisi City Court and also in Appeals Court.

If the businessman wins the case in the Supreme Court, which is the final recourse in the country’s judiciary, he will take over the company and put in place a new management.

Khalvashi has been accused of acting on the orders from and being backed by the authorities; winning the lawsuit might therefore mean that Rustavi 2 loses its editorial independence, according to UNM and some analysts.
Rustavi 2 is a strongly supportive of Saakashvili’s party and a critical voice against the government.

Hanapa-kevitra amin'ny raharaha manokana hanoherana ny Rustavi 2 ny fitsarana fara tampony, fitoriana napetraky ny iray tamin'ireo tompon'ny orinasa taloha, Kibar Khalvashi, izay nilaza fa noterena hiala tsy ho tompon'ny orinasa fahitalavitra izy nandritra ny fiadidian'i Saakashvili. Efa nandresy tamin'ny Fitsarana tao An-tanàna izy sy tao amin'ny Fitsarana Ambony.

Raha mandresy amin'ny raharaha ao amin'ny Fitsarana Tampony ity mpandraharaha ity, izay fitsarana farany amin'ny rafi-pitsaran'ny firenena, handray ny fitantanana ny orinasa izy ary hametraka fitantanana vaovao.

Nampangaina i i Khalvashi ho nanatanteraka ny baiko avy amin'ny manampahefana sy mahazo fanohanana avy amin'izy ireo; ny fandresena amin'ny raharaham-pitsarana dia mety midika fa tsy manana ny fahaleovantenany amin'ny famoahan-dahatsoratra intsony ny Rustavi 2, araka ny filazan'ny UNM sy ny mpanadihady sasany.

Mpanohana mafy ny antokon'i Saakashvili sy ny feo mitsikera ny fanjakana ny Rustavi 2.

Hita ho fitsapana lehibe ho an'ny andrim-panjakana ara-pitsarana ao Zeorzia ny fanapahan-kevitra. Ny firenena Kaokazy Atsimo no demaokratika indrindra ao amin'ny faritra saingy mananontanona amin'ny politikam-pirenena ny fomba fanao taloha nitarazoka indrindra amin'ny didy jadona endrika Sovietika.

Fate of Rustavi 2 will undoubtedly determine future of Georgia, democracy can't survive without freedom of speech!

— eka tkeshelashvili (@tkesho3) February 19, 2017

Azo antoka fa hamaritra ny ho avin'i Zeorzia izay hahazo an'ny Rustavi 2, tsy afaka mivelona ny demaokrasia raha tsy misy ny fahalalaham-pitenenana

Tsy ireo mpanohana ny UNM ihany no miahiahy momba ny mety ho fahasimban'ny fantsona.

#Media is a natural ally of society. It can show flaws! …And never make mistakes, which already made by your opponents. Support #Rustavi2

— Giorgi Koberidze (@GiorgiKob) February 19, 2017

Ny #Media no mpiara-dia voajanahary amin'ny fiarahamonina. Mety ahitana lesoka izy!…Ary aza mba manao fahadisoana mihitsy, izay efa nataon'ny mpifanandrina taminareo. Tohano ny #Rustavi2

Major hit on #Georgia‘s free media; the gov't about to hand over Rustavi2 to its loyalists. https://t.co/gkkVDsoXrc pic.twitter.com/CQctAi2Vfk

— Devi Dumbadze (@ilikilar) February 18, 2017

Olana lehibe ho amin'ny fahalalahan'ny media tao  #Georgia, hanolotra ny Rustavi2 hotantanin'ireo mpomba azy ny fanjakana

Araka ny nomarihana tamin'ny sioka teo ambony, nitsahatra tsy nandefa fandaharana intsony ny Rustavi 2 nandritra ny herinandro mba hanoherana ny disadisa ara-pitsarana ankehitriny sy ny voalaza fa teritery ataon'ny fanjakana ao amin'ny Fitsarana Tampony. Efa nanomboka niasa izy taorian'izany.

#Rustavi2 has returned to broadcasting. #Protest at #Rustaveliave #freedomofpeech #Tbilisi pic.twitter.com/poX4v7Lfrw

— Anna Makharadze (@Makharadzeana1) February 19, 2017

Niverina nandefa fandaharana ny #Rustavi2. #Protest fihetsiketsehana ao #Rustaveliave #freedomofpeech #Tbilisi

Mbola tsy fantatra izay fotoana hamoahan'ny fitsarana faratampony ny didiny.