Roapolo ora taorian'ny nanombohan'ny afo, mbola niredareda ny afo tao amin'ny orinasa HTI raha jerena avy ety ivelan'ny vavahadin'ny foibem-pamokarana. Sary tao amin'ny pejy Facebook-n'i Iohsad Phils

Mpiasa miisa ho 120 eo ho eo no naratra taorian'ny fahamaizan'ny orinasa Housing Technology Industries (HTI) ao amin'ny Faritra fanondranan'entana ara-toekarena Cavite (CEPZ), ao atsimon'ny renivohitr'i Filipina, Manila. Mety ho ambony kokoa ny isan'ny niharam-boina satria mbola hamoaka tarehimarika feno tamin’ ireo mpiasa an-jatony voalaza fa tafahitsoka tao anatin'ny orinasa nandritra ny fahamaizana ny manampahefana.

Nanomboka tamin'ny 6:20 hariva ny fahamaizana tamin'ny 1 Febroary teo taorian'ny fipoahana re tao amin'ny rihana voalohany izay itehirizana ireo vokatra simika ampiasain'ny mpiasan'ny orinasa. 12 ora taty aoriana, mbola miady mafy mamono ny afo ireo mpamono afo.

Mamokatra trano vita mialoha ho an'ny fanondranana ny HTI. Ao amin'ny CEPZ no misy azy, foibem-panorenana izay voaràra ao ny sendikàn'ny mpiasa sy ny fanaovana fitokonana.

Nandefa sary sy lahatsary misy ny fitrangan'ny fahamaizana ireo namana sy ny havan'ireo mpiasan'ny orinasa, ny mponina teo akaiky sy ny mpisera media sosialy hafa. Nivezivezy antserasera ihany koa ny antso ho fanavotana ireo niharam-boina sy ny fianakavian'izy ireo ary koa ny famoahana feno ny anaran'ireo rehetra niharan-doza. Nampitahaina tamin'ny loza nahamaizan'ny orinasa Kentex tao Manila izay nitarika fahafatesana mpiasa 72 tamin'ny taona 2015 ny loza.

Sary tao amin'ny Facebook-n'i Ghie Nedo.

Mpanao gazety Kenneth Guda nametraka fanontaniana lalindalina vitsivitsy:

HTI, along with its sister company HRD, makes prefabricated houses with technologically advanced insulation and energy efficient technology. Although HRD is a Singaporean company, it exports primarily to Japan and to subsidiaries in the US and Australia (possibly others). Under what conditions are these houses made, in that factory in Cavite Economic Zone? Under what conditions were it possible to make make a safe, environmentally friendly house and yet expose those who make it to dangers like, say, a fire erupting from a foam used for the houses’ insulation?

Manamboatra trano vita mialoha ahitana teknolojia mandroso momba ny hazavana sy ny teknolojian'ny angovo mahomby ny HTI, miaraka amin'ny orinasa HRD iray rantsana aminy. Na dia orinasa Singaporeana aza ny HRD, manondrana any Japana izy voalohany indrindra ary any amin'ireo sampan'orinasa any Etazonia sy Aostralia (sy ny hafa koa angamba). Fepetra manao ahoana no nanamboarana ireto trano, ao anatin'ity orinasa ao amin'ny Faritra Ara-toekarena ao Cavite ity? Fepetra manao ahoana no nahafahana nanao trano azo antoka, sy manaja ny tontolo iainana kanefa mampidi-doza ireo izay manamboatra azy, tahaka ny hoe afo mipoitra avy amin'ny karazana kidoro ampiasaina amin'ny famonoan-tabataba ao an-trano:

Nanasongadina ny fahanginan'ny manampahefana manoloana ny loza ny vondron'ny mpiasa:

We are angered by the continuous silence of the officials of the Department of Labor and Philippine Economic Zone Authority on the deadly fire that occured in House Technology Industries, a factory located in Cavite EPZA yesterday. Media reports have monitored more than a hundred injured workers rushed in various hospitals in the area. There are also ground reports that hundreds of workers were trapped dead inside the factory.

Tezitra izahay noho ny fahanginan'ny manampahefana ao amin'ny Departemantan'ny Asa sy ny Fahefan'ny Faritra Ara-toekarena ao Filipina manoloana ny fahamaizana namoizana ain'olona omaly niseho tao amin'ny House Technology Industries, orinasa ao amin'ny EPZA Cavite. Nahita ny tatitry ny fampahalalam-baovao fa mpiasa naratra an-jatony no nirohotra tany amin'ny hopitaly maro ao amin'ny faritra. Misy ihany koa tatitra teny ifotony fa mpiasa an-jatony no maty tafahitsoka tao anatin'ny orinasa.

Vondrona mpiasa tahaka ny Kilusang Mayo Uno ihany koa no nanameloka ny antsoin'izy ireo ho fanitsakitsahana ny fenitra ara-pahasalamana sy ara-piarovana eny amin'ny toeram-piasàna izay nahatonga ny loza;

Our hearts are crying out for justice for the workers of HTI. Not a single worker should die in the workplace, even when a fire breaks out. The estimated number of workers who perished is a clear indicator of occupational health and safety standards violations. We hold the capitalists of HTI, the Philippine Export Processing Authority (PEZA) and the Department of Labor and Employment (DOLE) accountable for the criminal neglect that caused another workplace tragedy.

Mitabataba ny rariny ho an'ireo mpiasan'ny HTI ny fonay. Tsy misy na dia mpiasa iray aza tokony ho faty ao amin'ny toeram-piasàna, na dia misy aza ny fahamaizana. Fanehoana mazava ny fanitsakitsahana ny fenitra ara-pahasalamana sy ara-piarovana eny amin'ny toeram-piasàna ny tombatomban'isan'ireo mpiasa namoy ny ainy. Raisinay ho tompon'andraikitra ny HTI, ny Fahefana Mpandrindra ny Fanondranana Entana ao Filipina (PEZA) sy ny Departemantan'ny Mpiasa sy ny Asa (DOLE) noho ny tsy firaharahiana miharihary izay toe-javatra niteraka ny loza any amin'ny toeram-piasana hafa.

Vondrona mpikatroka nanao grevy tao amin'ny foiben'ny Fahefana Mpandrindra ny Fanondranana Entana ao Filipina (Philippine Export Processing Authority) (PEZA) ao Manila mba hitaky ny rariny ho an'ireo niharam-boina tamin'ny fahamaizan'ny orinasa HTI CEPZA. Sary: College Editors Guild of the Philippines