Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Diaben'ny Vehivavy Manerana An'i India Mba Ho Afa-Mivoaka ny Trano Am-pilaminana

Screenshot from Youtube Video

Pikantsary avy amin'ny Youtube

Nivory tamin'ny Asabotsy teo ny vehivavy an'arivony  manerana an'i India, avy any Delhi sy Mumbai ka hatrany Puducherry, nitondra sora-baventy mivaky hoe: “Hivoaka aho,” ao anatin'ny fanentanana mba hitakiana ny zony ho afa-mivoaka ankalamanjana tsy misy tahotra ny ho voasetrasetra.

Nivory  an-tserasera ireo mpikatroka tamin'ny alàlan'ny fampiasana ny tenirohy #HivoakaAho, ary namorona vondrona manerana ny firenena, taorian'ny raharaha  fikasikasiham-behivavy faobe mahatsiravina tao Bangalore, izay niteraka ny adihevitra mikasika ny fanilikilihana ny vehivavy amin'ny fiainam-bahoaka.

Nokasaina hatomboka amin'ny 5 ora hariva IST any amin'ny tanàndehibe Indiana miisa 30 mahery ny diaben'ny Asabotsy, miaraka amin'ny fikambanana miasa amin'ny alalan'ny vondrona isan-karazany mba hampiroboroboana ny zon'ny vehivavy.

Ny peta-drindrina ofisialy ho an'ny #HivoakaAho. Amin'ny Asabotsy 21 Jan amin'ny 5 ora hariva, ry vehivavy #alaivoindraynyalina. (Miampy tanàndehibe maromaro amin'ny fotoana itenenana!)

Hatramin'ny zava-nitranga tamin'ny fankalazana ny alin'ny faran'ny taona tao Bangalore, dia nahitana hetsi-panoherana tamin'ny endriny maro tao an-tanàndehibe, anisan'izany ny tohivakan'olombelona , ny fanentanana an-tserasera, ary ny fivoriana teny amin'ny zaridaina.

Toy izao ny fomba nanambaran'ny vondrona ny momba azy tao amin'ny Facebook:

#IWillGoOut is a nationwide gathering on 21st January in solidarity against sexual harassment and misogyny, and to reclaim women's rights to safe public spaces. We're a collective of individuals and organisations across various cities in India.

Famoriam-bahoaka manerana ny firenena ny #HivoakaAho amin'ny 21 Janoary ho fanehoana firaisankina iadiana amin'ny herisetra ara-nofo sy ny fankahalana vehivavy, ary hamerina ny zon'ny vehivavy ho afa-mandeha ankalamanjana am-pilaminana. Fikambanan'olon-tsotra sy fikambanana  manerana ny tanàndehibe isan-karazany ao India izahay.

Nifanandrify tamin'ny diaben'ny vehivavy manerantany nanana ny foibeny tao Washington DC, entina hanoherana ny fankahalana vehivavy, ny fahaterentsaina ary ny fankahalana mpitsikera izay lazaina ho misy ao amin'i Donald Trump, izay lasa filohan'i Etazonia faha 45 tamin'ny zoma lasa teo, ny fihetsiketsehana tamin'ny asabotsy.

Nipoaka tany amin'ny renivohitra ao Eoropa ihany koa ny fihetsiketsehana toy izany, vehivavy an'arivony no nidina an-dalambe mba hanatevin-daharana ny diaben'ny rahavavy tany Azia sy Etazonia, manohitra ny fanokanana an'i Trump ho filoha. Araka ny tatitra,  natao tao Berlin, Paris, Roma, Vienne, Genève, sy Amsterdam ny diabe.

Nisy fihetsiketsehana nitranga ihany koa tany Nairobi, Kenya, miaraka amin'ny hafatra fanampiny ho an'ny governemanta hoe:

Here in Kenya we will march to demand reproductive rights, women's land and inheritance rights, and the implementation of the 2/3 rule. We will march to end sexual harassment and assault, female genital mutilation, and the trafficking of women and children; and to end discrimination against LGBTQ people, sex workers, disabled women, HIV positive women, refugee women, women in the informal sector and other marginalized groups.

Eto Kenya ,manao diabe izahay mba hitaky ny zo ara-pananahana, ny zon'ny vehivavy amin'ny fananan-tany sy ny fandovana, ary ny fampiharana ny fitsipika 2/3 .Manao diabe izahay mba hampitsaharana ny herisetra ara-nofo sy ny herisetra, ny famorana vehivavy sy ny fanondranana vehivavy sy ankizy; ary mba hamaranana ny fanavakavahana ireo olona LGBTQ, ireo vehivavy mpivaro-tena , ireo vehivavy manana filàna manokana, ireo vehivavy mitondra ny tsimok'aretina VIH, ireo vehivavy mpitsoa-ponenana , ireo vehivavy eo amin'ny sehatra tsy ara-dalana sy ny vondrona voahilikilika hafa.

Nahasarika vehivavy an'arivony manerana ny firenena ny hetsi-panoherana tao India , ary nofenoin'ny mpandray anjara tamin'ny hetsika ny sary sy ny lahatsariny ny media sosialy:

Milaza ireo vehivavy rehetra  ankehitriny fa antsika na ny andro na ny alina. #HivoakaAho

Ao Delhi:

Ao Jantar Mantar.

Miteny mafy sy mirehareha ireo vehivavy tao Delhi tao amin'ny #DiabennyVehivavy omaly. Ary mirehareha aho anisan'izany koa aho #HivoakaAho 👯

Ao kerala:

Ireo rahavavinay ao Thrissur, Kerala! #IHivoakaAho

Ao Mumbai:

#HivoakaAho Toko Mumbai .@mizarcle @Ny_Karishma @hivoakaaho2017 @DonkayFetsy @nahaonanomitavozavoza @FeminismaAoIndia

Tsy misy olona tokony hiafina noho ny tahotra;

#HivoakaAho ‘satria leo miafina ao ambadiky ny varavarana mba tsy ho voafihimpihina.’

Efa eto #jantarmantar izahay ary efa manomboka ho maizina ny andro.

Manerana ny firenena, vonona ny handeha ny olo-marobe. Ary ianao ?

Izy no Kaavya Pillai, mpanao gazety sady feminista, nanazava ny maha zava-dehibe ireo hetsi-panoherana ireo:

Tsy afaka miaina amin'ny fahatahorana toerana isika. Ny maka izany sy hitaky ny alina no fomba tokana.

#HivoakaAho satria lehibe noho ny fetra farany omen'ny patriarika ny faniriako sy ny fanantenako.

Nanantevin-daharana i Bangalore:

Vonona hilaza i Bengaluru hoe #HivoakaAho Andao hiaraka aminay ao an-tanàndehibe ao amin'ny Garan-dalamby sy ny Auto Stand amin'ny 4:30 hariva  anio ka handeha hiaraka aminay ho fiarovana ny vehivavy.

Hyderabad ihany koa:

#HivoakaAho any #Hyderabad

Nanoratra tao amin'ny The Ladies Finger mikasika ny antony maha-zava-dehibe ny resaka  i Shikha Sreenivas  :

Systems of oppression and control work differently in various cultures, they reinvent themselves with the times to find new ways to control women, their bodies, and their movement. But these women are full of hope and energy to fight a mindset that seems undefeatable. The movement is a powerful reminder of sisterhood sans borders. These women reminded me what I had forgotten in my despair — that the streets of this country are ours too.

Tsy mitovy ny asan'ny rafitra fampahoriana sy ny fanaraha-maso ao amin'ny kolontsaina isan-karazany, manao famoronana indray miaraka amin'ny fotoana izy ireo mba hitady fomba vaovao hifehezana ny vehivavy, ny vatany , ary ny fihetsiny. Kanefa feno fanantenana sy hery ireo vehivavy ireo mba hiady amin'ny fomba fisainana heverina fa toa tsy mety resena. Fampahatsiahivana mahery vaika momba ny firahavaviana tsy voasakan-tsisintany ny hetsika. Nampahatsiahy ahy ny zavatra hadinoko tao anatin'ny fahakiviko ireo vehivavy ireo fa anay ihany koa ny lalambe eto amin'ity firenena ity .

Naneho hevitra tao amin'ny tatitry ny The Hindu i S. Sentalir:

The movement questions the traditional notion of public spaces as the domain of men. It challenges the patriarchal culture that raises questions on a woman’s presence outside her home and blames her attitude and clothes for any act of violence or harassment.

Manohitra ny hevitra nentim-paharazana momba ny seha-bahoaka ho natokana ho an'ny lehilahy ny hetsika. Mihaika ny kolontsaina patriarika izany izay manangana ny fanontaniana amin'ny fahitana ny vehivavy ivelan'ny tranony sy manome tsiny ny fihetsiny sy ny akanjony isaky ny misy herisetra sy fandrahonana.

Nanoratra tao amin'ny Feminism in india i Zoya Vallari:

The rally in India was triggered by the appalling incident of mass molestation on New Year’s Eve in the city of Bangalore. This march is aptly called ‘#IWillGoOut’. The ‘I’ in the title asserts a woman’s agency to decide her own actions, behaviour, clothes or timings. The ‘Will’ describes a wilful act of protest in the face of harassment that women experience when they claim their agency. The ‘GoOut’, seemingly straight-forward, stands for multiple things – go out to protest, go out to work, go out to party, go out to question the illegal state actions, go out to contest elections or simply to stare at the sky and loiter in the streets because it is ‘I’ who has the agency to decide what I want to go out for.

Ny zava-nitranga mahatsiravina momba ny fikasikasiham-behivavy faobe tamin'ny fankalazana ny Alin'ny Faran'ny Taona tao an-tanàndehiben'i Bangalore no niteraka ny famoriam-bahoaka  tao India. ‘#IWillGoOut’ [Hivoaka Aho] tokoa no hiantsoana io diabe io. Mamaritra ny  hetsi-panoherana an-tsitrapo manoloana ny fanorisorenana izay hiainan'ny vehivavy rehefa mitaky ny fahafahany ny ‘Hi-‘ . Manamafy  ny fahafahan'ny vehivavy ho tompon'ny fanapahan-kevitra amin'ny fihetsiny, ny fitondran-tenany, ny akanjony sy ny fandaharam-potoanany manokana ny ‘Aho’ ao amin'ny lohateny. Ny ‘Voaka’, toa milaza mivantana fa mijoro amin'ny zavatra maro, mivoaka mba hanao hetsi-panoherana, mivoaka mba hiasa, mivoaka mba hifety, mivoaka mba hanontany ny amin'ny hetsika tsy ara-dalànan'ny fanjakana, mivoaka mba hitaky rariny amin'ny fifidianana, na hibanjina fotsiny ny lanitra sy hirenireny eny an-dalambe , satria izany no ‘Aho’ izay manana ny fahafahana hanapa-kevitra izay tiako hatao any ivelany..

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.