- Global Voices teny Malagasy - https://mg.globalvoices.org -

Filipiana Tantsaha Sy Mafana Fo Nanao Diabe Ho An'ny Rariny sy ny ‘Fa Fa Fanavaozana Ny Fananantany’

Sokajy: Azia Atsinanana, Filipina, Fanoherana, Mediam-bahoaka, Politika, Zon'olombelona
Hundreds of farmers and their supporters marched near the presidential palace to demand justice and land reform. One of the leaders in front of the rally is the government's incumbent land reform minister. Photo from the Facebook page of Agrarian Reform Secretary Rafael Mariano [1]

Anjatony ireo mpamboly sy ny mpanohana azy nanao diabe teny akaikin'ny lapam-panjakana ho fitakiana ny rariny sy ny fanavaozana ny fananantany. Iray amin'ireo mpitarika eto aloha amin'ny famoriambahoaka ny ministry ny governemanta amperinasa, misahana ny fanavaozana ny fananantany. Sary avy amin'ny pejy Facebook-n'ny Sekreteran'ny Fanavaozana ny Fananantany, Rafael Mariano

Tamin'ny 1987, tantsaha 13 mpanao hetsi-panoherana no namoy ny ainy teo akaikin'ny lapam-panjakana Filipiana. Antsoina amin'ny anaram-bosotra hoe ‘Mendiola Massacre’, lasa mariky ny herisetran'ny fanjakana ary fanindrian'ny tompontany amin'ny politikan'ny firenena izany.

Telopolo taona tatỳ aoriana, an-jatony ny tantsaha sy mafana fo niverina [2]tany amin'ny toerana nitrangàn'ilay fandripahana mba hitaky ny rariny [3]sy hanery ny fampiharana ny “tena” fandaharanasa momba ny fanavaozana ny fananantany.

Nolazain'ny tantsaha fa diso sady manome vàhana ireo tompontany ilay fandaharanasan'ny governemanta momba ny fanavaozana ny fananantany. Tian'izy ireo hosoloina aminà fandaharanasa vaovao izay hanome fahafahana ny fizaràna maimaimpoana ny tany ho an'ny tantsaha madinika izany. Tian'izy ireo kendrena manokana ireo toerana midadasika be fambolen'ny orinasa vahiny sy ny foko matanjaka ara-politika.

Iray amin'ireo namonjy ny diabe fahatsiarovana tamin'ny 20 Janoary ny ministry ny fanavaozana ny fananantany ao amin'ny governemanta amin'izao fotoana izao. Misy miteny izany ho rariny an-tononkalo [4] satria izy dia iray tamin'ireo tantsaha izay sisampaty tamin'ny Vonomoka Mendiola tamin'ny 1987.

Nametraka olana maromaro koa ireo vondrona tantsaha nandritra ny atrikasa, toy ny fepetra iainana mitovy amin'ny an'ny andevo any amin'ire toerana midadasika fambolena, ny fampiasan'ny tompontany sasany ny tafika tsy miankina mba hanilika ireo tantsaha, ny famonoana ireo mafàna fo sy ireo mpitarika manohana ny fanentanana ho an'ny fanavaozana ny fananantany, ary ny toetra taraiky any afara ananan'ny fambolena any Filipina.

Philippine agriculture remains backward while farmers belong to the poorest sector in society. Photo from the Facebook page of the National Federation of Sugar Workers in Negros. [5]

Mbola mitoetra ho any afara ny fambolena Filipiana, raha ny sehatra faran'izay mahantra indrindra ao amin'ny fiarahamonina no misy ny tantsaha. Sary avy amin'ny pejy Facebook-n'ny Federasiona Nasionalin'ny Mpiasa mpanao siramamy any Negros

Nanamarika koa ny vondrona fa nihamafy ny fifandonana misy eo amin'ny tantsaha sy ny tompontany tato anatin'ny taona vitsy satria ireto farany dia mbola mandositra ny lalàna mametraka ny fizaràna ireo tany midadasika amin'ireo tantsaha madinika.

“Intruders will be shot, survivors will be shot again.” A plantation owner posted this sign to drive away tenants despite a government order awarding the land to small farmers. Photo from Unyon ng mga Manggagawa sa Agrikultura. [6]

“Izay miditra tsy nahazo alalana dia ho voatifitra, izay tsy maty dia mbola ho tifirina ihany.” Tompon'ny toeram-pambolena iray no nametraka ity fampitandremana ity mba handroaka ireo nipetraka teo amin'ny tany na eo aza ny didy navoakan'ny governemanta hanome ny tany ho an'ny tantssha madinika. Sary avy amin'ny Unyon ng mga Manggagawa sa Agrikultura

Misy amin'ireo mpikatroka naneho fanohanana ny fanentanana ny tantsaha tamin'ny alalan'ny fikarakarana hetsika mozikaly antsoina hoe ‘La La Land Reform Now! Fa Fa Fanavaozana ny fananantany izao ankehitriny izao!‘ izay manana peta-drindrina notakarina avy tamin'ny sarimihetsika Hollywood ‘La La Land':

Fa Fa Fa Fanavaozana ny fananantany amin'izao fotoana izao : Fety ho an'ny tantsaha, miaraka amin'ny fandehanana mizotra ho any @kmp_phl [7] sy  @AnakpawisPL [8]. pic.twitter.com/OeMu40JggO [9]

Ireto ambany ireto misy sary sasany tamin'ny diabe tamin'ny 20 Janoary:

Women farmers joined the march near the presidential palace. They hold placards demanding the implementation of land reform and the cessation of violence in rural communities. Photo from the Facebook page of the Unyon ng mga Manggagawa sa Agrikultura [11]

Vehivavy tantsaha nanatevina ny diabe teo akaikin'ny lapam-panjakana. Nitàna takelaka mitaky ny hametrahana ny fanavaozana ny fananantany sy ny fampitsaharana ny herisetra any anatin'ny vondrom-piarahamonina any ambanivohitra izy ireo. Sary avy amin'ny pejy Facebook-n'ny Unyon ng mga Manggagawa sa Agrikultura.

 

A mural depicting the struggle of Filipino farmers for land and justice. Photo from the Facebook page of Carl Philip Ong Leyson [12]

Sary an-drindrina mampiseho ny ady nataon'ny tantsaha Filipiana ho an'ny tany sy ny rariny. Sary avy amin'ny pejy Facebook-n'i Carl Philip Ong Leyson

Activists commemorated the 30th anniversary of the 'Mendiola Massacre' by calling for the passage of a 'genuine agrarian reform bill'. Photo from the Facebook page of Carl Philip Ong Leyson

Mpikatroka mankalaza ny tsingerintaona faha 30-n'ny “Fandripahana Mendiola’ amin'ny fitakiana ny fametrahana ny ‘tena lalàna fanavaozana ny fananantany’. Sary avy amin'ny pejy Facebook-n'i Carl Philip Ong Leyson

'Stop killing peasants who feed the nation.' Farmers decry the killing of an activist leader in Negros Island. Photo emailed by Unyon ng mga Manggagawa sa Agrikultura

‘Atsaharo ny famonoana ny tambanivohitra izay mamelona ny firenena.’ Tantsaha miampanga ny famonoana mpitarika iray mafana fo tany amin'ny nosy Negros. Sary nalefan'ny Unyon ng mga Manggagawa sa Agrikultura imailaka