Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ndeha Hamantatra an'i ‘VKgoeswild,’ Mpitendry Piano Klasika Tao Okraina Lasa Mpiangaly Rock

Loharano: YouTube.

Fony izy mbola tany amin'ny akaninjaza dia efa fantatr‘ireo ray sy reniny fa manana talenta vitsy mpanana i Viktoriya Yermolyeva. Tamin'ny fanekena ny talenta safatsiroa nananany sy ny fahafehezany ny piano, nosoratan-dry zareo hanaraka fianarana manokana izy mba hahazo fiofanana ho mpitendry klasika ary nampandrisin'izy ireo anjara taminà fifaninanana sy kaonseritra tsy tambo ho isaina.

Saingy rehefa nandeha ny fotoana, niova ny fitiavan'ilay mpitendry piano teraka tao Kiev; na teo aza ny nahazoany loka marobe taminà fifaninanana piano tamin'ny sehatra iraisampirenena, ny filalaovana irery tany amin'ireo efitrano faran'izay malaza tao Eoropa Atsinanana, ary ny fiofanana niaraka tamin'ny sasany amin'ireo anarana goavan'ny mozika klasika amin'izao fotoana, nanapaka hevitra i Yermolyeva fa tiany ny hilalao karazana gadona mozika iray hafa: rock.

Raha sady mbola miakatra sehatra amin'ny maha mpitendry  piano klasika azy, tamin'ny 2007, nanokatra kaonty iray tao amin'ny Youtube izy nandefasany ireo lahatsary ahitàna ny fandrindràna mozika mavesatra nataony (rock metal)— tamin'ny fampiasàna azy io ho karazana fisindàna amin'ireo tahiry klasikany. Vetivety foana ny  “VKgoeswild,”  ny alter ego an'i Yermolyeva, dia nisidina ambony, niaraka tamin'ny filalaovany ny “Toxicity”  an'ny System of A Down sy ny “Sweet Child o’ Mine” an'ny Guns N’ Roses , ny “Bohemian Rhapsody” an'i  Queen's  ary hira maro hafa efa samy nahazo mpijery an-tapitrisany avy.

Na efa ho ampolo taona lasa aza no nanokafany ny kaontiny voalohany, tohizan'i Yermolyeva ny famoahana tsy tapaka ireo filalavaony hiran'olona, ary manana mpanaraka efa ho antsasaka tapitrisa amin'izao fotoana izao ao amin'ny YouTube. Mampakatra ny naoty narindrany ho ao amin'ny tranonkala FlowKey ity mpiangaly rock 39 taona ity ; Azo trohana  ihany koa amin'ny sandany mora izy ireny —fandrindràna maherin'ny 300  ny fitambarany.

Tato ho ato, lalaovin'i Yermolyeva eny an'arabe ny hirany rock, matetika miaraka amin'ny amponga, eny amin'ireo lalambe mamakivaky an'i Eoropa.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.