Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fandrarana ny Fivoahana Ivelan'ny Firenena no Amoretan'ny Manampahefana Ejipsiana ireo Mpikatroky ny Zon'olombelona

photo shared on twitter by: @whrdmena. Link: https://twitter.com/whrdmena/status/753559358580162560

Sary nozarain'ny Fiaraha-mitantana ara-paritra ho an'ny Mpiaro ny Zon'ny Vehivavy ao Afovoany Atsinanana Afrika Avaratra tao amin'ny Twitter. Rohy

Ny fandraràna ireo mpanao politika sy mpiaro ny zon'olombelona tsy hivoaka any ivelany no iray amin'ireo fanitsakitsahana ny zon'olombelona marobe ataon'ny manampahefana Ejipsiana tao anatin'ny taona vitsivitsy, ary niteraka fifantohana tamin'ny raharaha ny fisongadinan'izany tamin'ny volana Novambra.

Iray amin'ireo olona maro voaràra tsy mahazo mandao ny firenena tsy misy filazana mialoha i Aida Seif El-Dawla, Ejiptiana mpikatroka malaza sady mpiara-manorina ny Foibe Fanarenana ireo Lasibatry ny Herisetra, Al-Nadeem Center. Tamin'ny faran'ny volana Novambra, tsy navela nankany Tonizia izy raha niditra tao anaty ny fiaramanidina saika hanatrika ny fihaonambe momba ny fanarenana ireo lasibatry ny herisetra ao Afrika Avaratra, araka ny filazan'ny Mada Masr, gazety Ejipsiana iray tsy miankina.

Nampandre azy ny manam-pahefana fa voarohirohy amin'ny raharaha tsy voafaritra izy ary tsy nanome antsipiriany bebe kokoa. Tao amin'ny Twitter, nilaza mivantana ny antony fandraràna azy tsy hivoaka ny firenena ilay mpanao gazety Ejiptiana malaza Hani Shukrallah:

#Raràn'ny manampahefana Ejyptiana tsy hivoaka any ivelany ilay psykiatra noho ny tolony naharitra 23 taona iadiana amin'ny herisetra sy ho fanomezan-kasina indray ireo lasibatry ny fampijaliana

Tamin'ny fanambarany tao amin'ny Mada Masr, nilaza i  Seif al-Dawla tenany hoe:

هذه الخطوة تأتي في سياق الهجمة على الجمعيات، خاصة لو تم تمرير قانون الجمعيات الأهلية المزمع إصداره. يريدون إحكام الخناق علينا وعلى الناس جميعًا.

Mifanojo amin'ny famoretana ireo fikambanana ara-piarahamonina sy ny lalàna mifehy ny fikambanana tsy miankina (ONG) tian'ny parlemanta ankatoavina ity dingana ity. Te hanafoana antsika rehetra izy ireo.

Tamin'ny Septambra 2016, nolazain'ny Mada Masr fa nankatoavin'ny governemanta ny volavolan-dalàna vaovao mifehy ny fikambanana tsy miankina [ONG] izay “mametraka ireo sampana misahana ny fiarovana an'i Ejipta ho lohalaharana amin'ny fanaraha-maso ny asan'ny ONG, amin'ny alalan'ny fametrahana azy ireo ho ao anatin'ny komitin'ny fandrindrana”. Nankatoavin'ny parlemanta tamin'ny faran'ny volana Novambra ny lalàna hifehy ny fikambanana vahiny tsy miankina sy mametraka sampana hanara-maso ny famatsiam-bola vahiny.

Negad al-Borai, mpisolovava momba ny zon'olombelona sy filohan'ny vondrona ara-dalàna ao amin'ny orinasa United Group (Vondrona Mitambatra) nilaza tamin'ny Mada Masr hoe:

The government has been working for the last two years on restructuring the legislative system to violate the constitution. Even in the time of Mubarak we didn’t see this.

Nandritra ny roa taona farany ny governemanta no niasa nandrafitra ny rafi-dalàna hanitsakitsahana ny lalàm-panorenana. Tsy mba nahita izany izahay na dia tamin'ny fotoana nitondran'i Mubarak aza.

Nahazo ny tendrony ny fandraharana hivoaka ny firenena hatramin'ny nanonganana ny filoha Morsi

Anisan'ny ezaka goavana hangejana ny fiarahamonim-pirenena sy ny hetsika ara-tsosialy ny fandraràna hivezivezy.

Tamin'ny Febroary, nanadihady ireo raharaha malaza miisa 554 momba ny fandraràna tsy mahazo mivoaka sy miditra sy ny fisamborana tao amin'ny seranam-piaramanidina Ejyptiana teo anelanelan'ny 11 -20 Febroary 2016 noho ny fikatrohana ara-politika, ny zon'olombelona, ny asa fanaovan-gazety, ny zavakanto sy ny kolontsaina, na hetsika ara-tsosialy ny fampahalalam-baovao tsy miankina Daftar Ahwal.

Namoaka ny isan'ireo fandraràna tsy hivoaka nataon'ny mpitondra nifandimby tao Ejypta nanomboka tamin'ny revolisiona Ejyptiana 2011, izay nanongana an'i Hosni Mubarak, filoha naharitra ela, ihany koa ny tatitra. Mampiseho an'i Adly Mansour, lehiben'ny Fitsaran-Dalàmpanorenena sady filoha nanomboka Jolay 2013 ka hatramin'ny Jiona 2014, sy ny filoha ankehitriny  Abdel Fatah Al Sisi, izay nandray ny fahefana tamin'ny Jiona 2014, ho lohandohany amin'ny fanenjehana ny tatitra, izay nitatitra fisian'ny raharaha miisa 279 ho an'ilay voatonona voalohany ary 218 kosa ho an'ilay voatonona faharoa.

Narahin'ny Filan-kevitry Ambonin'ny Tafika (SCAF), izay nitondra nanomboka ny Febroary 2011 ka hatramin'ny Jiona 2012, sy ny filoha Morsi, nitondra nanomboka ny Jiona 2012 ka hatramin'ny Jolay 2013, izay nahitana tranga 36 tamin'ilay voatonona voalohany ary 21 tamin'ilay voatonona faharoa.

Infographic from Daftar Ahwal, republished under a Creative Commons license.

Haisary avy amin'i Daftar Ahwal, navoaka indray araka ny lisansa Creative Commons

“Lisitra mihalava an'ireo mpiaro ny zon'olombelona voarara tsy hahazo hivoaka ny firenena”

Nahitàna tranga fandraràna fivezivezena tsy misy filazana mialoha ho an'ireo mpikatroky ny zon'olombelona marobe ny tamin'ny Novambra 2016 lasa teo. Nampahafantarina tao amin'ny seranam-piaramanidina i Ahmed Raghed, mpisolovava sady mpanorina ny Fiarahamonim-Pirenena misahana ny Zon'olombelona sy ny Lalàna fa tsy mahazo mihazo an'i Maraoka hamonjy ny Fihaonamben'ny Firenena Mikambana momba ny Fikorontanan'ny Toetr'andro andiany faha-22, araka ny filazan'ny Front Line Defenders [Mpiaro Lohalaharana].

Voaràra tsy nahazo nankany Jordania i Azza Soliman, mpanorina sy filohan'ny birao foibe Fanampiana Ara-pitsarana ny Vehivavy (CEWLA) tamin'ny 19 Novambra mba hampiofana momba ny zon'ny vehivavy ao amin'ny [finoana] islamo. Nogiazana ihany koa ny fananany sy ny orinasany filàna hevitra ara-pitsarana.

Nanoratra tao amin'ny Facebook i Nadeem AbdelGawad, zanakalahin'i Soliman sady mpianatra ao amin'ny Sekoly Miompana amin'ny fahadihadiana ny Tatsinanana sy Afrikanina ao amin'ny Oniversiten'i Londra, tamin'ny 19 Novambra:

Today, Egyptian authorities have banned lawyer and women's rights’ defender Azza Soliman, who I am proud to call my mother, from traveling. It appears that my mother's name is the latest update to a continousely growing list of travel bans against human rights’ defenders. She was informed at the airport that she is banned from traveling because she has a case against her although there have been no official charges or pending cases, leaving her in a status of legal uncertainty. People like my mother have already been through a lot and they have managed to survive. This too shall pass.

Ankehitriny, noraràn'ny manampahefana Ejipsiana i Azzra Soliman, ilay mpisolovava sady mpiaro ny zon'ny vehivavy, ary ireharehako ny miantso azy hoe reniko, tsy hivoaka ivelan'ny firenena. Hita fa tafiditra farany ao anaty lisitra lavabe tsy mitsaha-mitombo mahazo ireo fandraràna tsy hahazo hivoaka ny firenena mihatra amin'ireo mpiaro ny zon'olombelona  ny anaran-dreniko. Tao amin'ny seranam-piaramanidina  no nampahafantarina azy fa voaràra tsy hahazo hivoaka ny firenena izy satria manana raharaha hanenjehana azy na dia mbola tsy misy aza ny fiampangana ofisialy na raharaha iandrasana didim-pitsarana momba azy, ka tsy fantatra ny sata misy azy. Efa nandalo zava-tsarotra marobe ny reniko ary afaka tamin'izany hatrany. Tokony ho tafavoaka amin'ity ihany koa izy.

Tamin'ny 7 Desambra 2016, nanambara tao amin'ny Facebook i AbdelGawad fa nosamborina i Soliman

Police came to our house with an arrest warrant for my mother Azza Soliman. We are on our way to Masr Elgedida police station.

Tonga tao an-tranonay ny polisy miaraka amin'ny didy fampisamborana ny reniko Azza Soliman. Andeha ho eny amin'ny tobin'ny polisy ao Elgedida izahay.

Naneho ny fanohanany an'i Soliman tao amin'ny kaonty Twittern'izy ireo ny CIVICUS, tambajotran'ny fikambanana fiarahamonim-pirenena sy ny mpikatroka manerantany :

Miatrika fandraràna fivezivezena sy fanangiazana fananana ataon'ny fanjakana ao Ejypta i @AzzaSoliman noho ny asany amin'ny fanatsarana ny zon'ny vehivavy. Mitaky ny rariny ho an'i Azza!

Nanoratra momba ny nanjò an'i Soliman tao amin'ny Open Democracy, tranonkalam-baovao tsy miankina misandrahaka manerantany i Mozn Hassan, mpanorina sady tale mpanatanteraka ao amin'ny vondrom-behivavy Ejipsiana Nazra misahana ny Fikarohana Feminista. Nilaza izy fa na dia tsy voampanga amin'ny fomba ofisialy na nampanantsoina atao famotorana aza i Soliman sy izay mpikambana ao amin'ny CEWLA, dia “azo raisina fa mifandraika mivantana amin'ny raharaha laharana faha-173 nivoaka tamin'ny taona 2011 tao amin'ny Fitsarana Ambony fanaovana Famotorana ao Cairo ireo fepetra ireo” izay nanaovana famotorana momba ny famatsiam-bola vahiny azon'ireo mpiaro ny zon'olombelona sy ny filohan'ny fikambanana fiarahamonim-pirenena.

Nanjary lasibatra i Hassan tenany tamin'ny volana Jiona raha tsy navela hanatrika ny fivorian'ny Komity Mpanatanteraky ny Fikambanan'ny Vehivavy Mpiaro ny Zon'olombelona (WHRD) ao amin'ny Afovoany Atsinanana sy Afrika Avaratra izay notontosaina tao Beirut.

#LetThemTravel

Nandritra ny taona 2016, marobe ireo hafa noraràna tsy hivoaka ny firenena ihany koa, anisan'izany i Hossam Bahgat, filohan'ny Fisantaran'andraikitra misahana ny Zon'olombelona teo aloha, sy i Gamal Eid, filohan'ny Tambajotra Arabo misahana ny Zon'olombelona, ary i Mohamed Zarea, filohan'ny Ivon-toerana misahana ny Fikarohana momba ny Zon'olombelona ao Kairo.

Ho setrin'ny lalàna vaovao mifehy ny fikambanana tsy miankina amin'ny fanjakana, namoaka fanambarana ireo fikambanana tsy miankina miisa 22 sy antoko politika miisa enina tamin'ny 24 Novambra, manameloka ny volavolan-dalàna “satria manafoana tokoa ny fiarahamonim-pirenena izany ary manome ny fitantanana azy ho an'ny sampan-draharahan'ny governemanta sy ny mpiasan'ny fiarovam-pirenena.”Hoy ny fivakin'ny sombiny amin'izany:

لقد قطعت الدولة شوطًا بعيدًا في خطتها الهادفة لاستئصال المنظمات الحقوقية الدولية والمصرية، من خلال القضية 173 لسنة 2011 والمعروفة إعلاميًا بقضية التمويل الأجنبي، والتي على خلفيتها تم إغلاق مقار عدد من المنظمات الدولية، ومنعت بعض المنظمات المصرية ومديريها الحالين والسابقين من السفر ومن التصرف في أموالهم، إلا أن مشروع القانون المقترح من “نواب الشعب” سيمهد الطريق للقضاء على العمل الأهلي التنموي والخيري والخدمي، وسيصبح وجود جمعيات التنمية المحلية المنتشرة في القرى والنجوع و التي تقدم خدماتها لسكان تلك المناطق أمر شبه مستحيل.

Efa nandray dingana hanafoanana ireo fikambanana fiarahamonim-pirenena Ejipsiana ny fanjakana amin'ny alalan'ny fanenjehana ny raharaha laharana faha-173/2011 momba ny famatsiam-bola vahiny, ary voaràra amin'ny fahazoana mivoaka ivelan'ny firenena ny tale talen'ny fikambanana maro teo aloha sy amperinasa ary nongiazana ny vola miasan'izy ireo. Na izany aza, hanome lalalan amin'ny fandringanana karazana hetsika sivika rehetra miteraka fampandrosoana, asa soa, ary servisy isan-karazany ny lalàna vaovao. Efa tsy mety tanterahina intsony ny asam-pampandrosoana ireo fikambanana eny ifotony manerana ireo tanàna sy vohitra Ejipsiana,  izay manome servisy ho an'ny mponina ao an-toerana.

Nalaza tao anatin'ny andro vitsivitsy ny tenirohy #LetThemTravel (Avelao izy ireo Hivezivezy) mba hisarihana ny sain'ny iraisampirenena manoloana ny olana. Nanatevin-daharana ny ezaka ny Human Rights Watch [Mpanara-maso ny Zon'olombelona] sy ny Amnesty International, namorona lahatsary manontany hoe, “Nahoana ny governemantan'i Ejypta no matahotra ireo olona ireo?”

Antso miaraka avy amin'ny @HRW sy ny @amnesty mba hanaisotra ny fandraràna fivezivezena eo amin'ireo mpiaro ny zon'olombelona ao Ejypta.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.