Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Masaki C. Matsumoto: Miteny Anglisy , LGBT, Hafa Fitiavana Ary Feminista Ao Japana

Queer Eikawa

Sary avy amin'i Masaki Matsumoto tao amin'ny Pejy Facebook Queer Eikawa .

Nampifandray an'i Japana tamin'ny sisa amin'izao tontolo izao ilay mpikatroka hafa fitiavana sady feminista Masaki C. Matsumoto, ary afaka niresaka momba ny olan'ny LGTBQ + tamin'ny teny Anglisy avy amin'ny fomba fijery Japoney.

Ny bilaogy Gimme a Queer Eye an'i Masaki dia efa ela no niasa fa efa hatramin'ny taona 2004 izany, ary nahitana lohahevitra  isan-karazany amin'ny teny Anglisy, anisan'izany ny fiovan-tsatan'ireo LGBT  ao Japana -sy ny rohy mankany amin'ny tetikasa mitovy fijery toy ny Rad-queers Speaking English For You na Rad-hafa fitiavana Miteny anglisy Ho Hianao, izay nanaovan'i Masaki teny fampidirana hoe:

Ever felt sick of English-language LGBT journalism that, no matter how many times we radical queers around the world denounce it, continues to portray and represent queers in non-English-speaking regions in often racist, ethnocentric, colonial, progressivist, and quite shallow ways with a hint of Messiah Complex? I have.

Mbola tsy nahatsapa ho leon'ny fanaovan-gazety amin'ny teny anglisy LGBT toy izany aho, na dia tahaka ny ahoana aza no iampanganay voahikiliklika noho ny fironam-pitiavana anananay manerana izao tontolo izao, amin'ny fanohizany ny famariparitany ireo voahikiliklika noho ny fironam-pitiavana ananany avy amin'ny faritra tsy miteny anglisy amin'ny fomba fijery matetika mpanavakavam-bolokoditra, mpanandratra olona mitovy fiaviana aminy, mpanjanaka, miseho ho liam-pandrosoana, ary tena marivo fomba fijery amin'ny fananana ny aretina ara-tsaina te-ho Mesia? Leo aho.

Mampiseho hatrany ny fahadisoam-panantenana amin'ny fandokoan'ny fampitam-baovao ivelan'ny firenena amin'ny politikan'ny LGBTQ+ ao Japana i Masaki ary nanazava fa:

The most (stereo)typical, all-too-common article written in English never fails to make the following clear:

>>Japan lags behind the West. There’s nothing legal about gay partnerships, and people there are afraid to come out.

>>But things are changing. And such changes are welcomed with enthusiasm by all LGBTs in Japan.

Ny (fiheveran)-diso mahazatra indrindra, fahita amin'ny lahatsoratra rehetra amin'ny teny anglisy dia tsy maintsy manao izao manaraka izao ho mazava tsara:

>> Tara aorian'ny Tandrefana i Japana . Tsy misy na inona na inona ara-dalàna momba ny fiarahan'ny pelaka, ary matahotra ny haneho izany ny olona.

>> Saingy andalam-piovana ny zava-misy. Ary raisin'ny LGBT rehetra ao Japana miaraka amin'ny hafanam-po ny fiovana toy izany.

Nanampy tamin'ny fanadiovana ny fifanjevoana i Masaki tamin'ny alalan'ny vilaogy nalefa tao amin'ny YouTube, antsoina hoe Masaki's QueerESL. “Raha nahatsapa ho somary diso fanantenana tamin'ny lahatsoratra ho fitaovana/endrika fampitam-baovao amin'ny vahoaka,” hoy i Masaki tao amin'ny teny fanolorana ny fantsona “Nanomboka nanao lahatsary miompana amin'ny LGBT, sy ireo voahilikilika noho ny fironam-pitiavana tsy mahazatra, sy ny feminista aho !”

Iray amin'ireo lahatsary bilaogin'i Masaki farany ny ” Zavatra 5 tsy Fantatrao Momba ny LGBTQ ao Japana”:

Nandefa lahatsoratra tao amin'ny tranonkala mifandraika amin'ny antsafa vao haingana nataon'i Matsumoto niaraka tamin'ny Anime Feminist, tranonkala manadihady ny Sarimiaina Japoney sy manga amin'ny alàlan'ny maso feminista i Sokka shot first, mpikambana iray ao amin'ny vondrom-piarahamonina an-tserasera MetaFilter any Etazonia. Efa nomarihina tao amin'ny MetaFilter fa “ho raisina an-tanandroa amin'ny fanolorana tsikera japoney ankoatra ny fomba fijery tandrefana ananan-dry zareo manokana” ny Anime Feminist; tsy nandiso fanantenana i Masaki , tamin'ny fanomezana ny antsafa tamin'ny dikanteny Anglisy sy Japoney.

Tao amin'ny antsafa, ankoatra ny firesahana momba ny tantarany teo aloha (nipetraka tany Etazonia sy tany Nouvelle-Zélande izy, ary ankehitriny nanokatra toeram-pisotroana (bar) any amin'ny faritra ambanivohitra ivelan'i Tokyo), dia nanao fanamarihana vitsivitsy momba ny karazana vondrom-piarahamonina LGBTQ+ sy ny fifandraisana misy ao Japana i Masaki, nizara ny fihetseham-pony ihany koa izy raha toa ka manana endrika tsara ao amin'ny kolontsaina pop Japoney ny olona LGBTQ+ (nanolotra lahatsoratra amin'ny teny Japoney sy Anglisy i Masaki tamin'ny antsafa Anime Feminist):

ちなみに、実は私は、正確な表象なんていうものがあるとは思っていません。私たちはとても多様なため、LGBTQ+のうちどの小グループを取り出しても、それを正確に描き出すなんてことは不可能です。しかしそれは、偏見に基づいて描いてもいいということにはなりません。そんなのムカつくし、そもそも作り手の創造性の欠如です。

Amin'ny lafiny iray,  tsy mino ny fomba fijery tena marina aho. Samihafa avokoa isika rehetra ary sarotra ny amariparitana ireo rantsana tsirairay ao amin'ny vondrona LGBTQ + ka milaza marina [momba azy ireo]. Kanefa, tsy midika izany fa afaka mamariparitra anay amin'ireo fomba fijery mahazatra ianareo. Manorisory izany, ary tsy mampivoatra ihany koa.

Nilaza i Masaki rehefa nanontaniana momba ny fahatsapany ny sarimiaina yaoi/BL sy manga, izay maneho ny fiarahan'ny lehilahy tia lahy mikendry vehivavy mirona kokoa amin'ny fitiavan-dahy hoe:

やおい/BLは大好きなんです。多くの男性同性愛者と男性異性愛者がやおい/BLを嫌悪していることは知っていますが、やおい/BLは素晴らしいということを言わねばなりません。[…] それでも私にとってやおい/BLは自分のアイデンティティの基礎になっています。やおい/BLがあったことで、自分が両性愛者であることを受け入れることがだいぶ楽になったと思います。その点で、私はやおい/BLのクリエイターの皆さんに感謝しています。

Manaiky aho fa tia azy ireo. Mahafantatra lehilahy pelaka maro sy lehilahy mankahala ny yaoi / BL aho, kanefa tsy maintsy lazaiko fa mahafinaritra ry zareo  […] Yaoi / BL no mbola fototry ny mari-panondroana ahy, izay nanampy ahy hanaiky ny fitiavako lahy sy vavy. Feno fankasitrahana ny mpamorona yaoi / BL rehetra aho noho izany.

Raha ny momba ny fahasamihafan'ny fiainana andavanandro ho an'ny olona LGBTQ + any Japana raha oharina amin'ny any Etazonia na Nouvelle-Zélande, dia nilaza i Masaki fa:

差別的な人間として振舞うことが「楽しい」一方で、受け入れることは「つまらない」ことなのです。実際にあなたが心の中でどれだけ支援していようが、どれだけ差別的なことを考えていようが、関係ありません。ただ差別者のように振舞うのです。「オカマはキモい」と言うのです。罰ゲームとして男同士にキスをさせるのです。他にも何でもいいです。それは「面白い」ことで、誰も文句なんて言わないんです。だって文句を言ったら「つまらない」人になってしまうから。メディアすら、自分たちの作ったコンテンツに含まれる同性愛嫌悪やトランス嫌悪に文句がついても、ろくに真剣に受け取ったりしません。

[Ao Japana] ‘mahafinaritra’ ny mihetsika tahaka ny tery saina. ‘Mankaleo’ ny ankasitrahana. Tsy olana ny fahateren-tsaina na mpiara-dia mety ho ao ambany ao. Manaova tahaka ny tery saina fotsiny, lazao hoe: ‘ Kimoi [maharikoriko] ny pelaka ‘, mifanoroha ny lehilahy samy lehilahy hanaovana ny lalao batsu. ‘ Mahafinaritra’ izany ary tsy misy ny mitaraina, satria ‘mankaleo’ ianao raha mitaraina . Na ny orinasa fampitam-baovao aza tsy misy mandray izany ho matotra rehefa maharay fitarainana fisian'ny fankahalana pelaka sy/na trans (nanova taovam-pananahana) amin'ny fandaharan'izy ireo.

Midadasika ny antsafa rehetra, ary nanazava tamin'ny fomba maro ny fomba fijerin'i Masaki manokana momba ny LGBTQ + kolontsaina any Japana.

Nanamarika mazava foana i Masaki nandritra ny antsafa, sy tao amin'ny bilaoginy sy ny vilaoginy,  fa azy samirery ny fanamarihany momba ny Japana , ary “miteny ho an'ny tenany manokana izy, fa tsy ho an'ny Japoney (+ vondron'olona) LGBTQ .”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.