Balafomanga Epsilon 2 an'i JAXA, nialoha kely monja ny fandefasana azy tamin'ny 20 Desambra 2016. Dikasary avy amin'ny Fantsona YouTube odisialin'ny JAXA.

Noho ny fotoana amin'ny alina sy ny hatsaran'ny toetrandro, nahazoana sary maro tsara dia tsara nifampizarana tao amin'ny media sosialy ny fandefasan'ny Sampandraharahan'ny Famakivakiana Habakabaka ao Japan (JAXA) zanabolana tamin'ny 20 Desambra lasa teo.

Nahomby ny fandefasan'i JAXA ny balafomanga Epsilon mivaingan'akoran'afo avy amin'ny Foiben'Habakabak'i Uchinoura tao atsimo andrefan'i Japan miaraka amin'ny fahafahana mandefa zanabolana izay hanadihady ireo faritra tratran'ny fanelarana [fr:radiation] eto an-tany. Ao anatin'ny programan'ny balafomanga Epsilon an'ny JAXA ihany koa ny fikasana hanafaingana sy hampihena ny fandaniana amin'ny fandefasana zanabolana mankany an'habakabaka.

イプシロンロケット2号機。
打上げ成功‼️
写真も成功‼️
おめでとうございます٩(^‿^)۶#イプシロン#ロケット#内之浦宇宙空間観測所 pic.twitter.com/Z3jSoGox1B

— 鮫島雄也 (@yuya_sameshima) December 20, 2016

Balafomanga Epsilon 2:

LASA ny fandefasana!!
LASA ihany koa ny sary!!

Arahabaina ny rehetra! (^‿^) #epsilon #balafomanga #foiben'habakabaka uchiura

【夜空に美しい光跡】打ち上げが成功したイプシロン２号機を地上や上空から撮影した写真をアップしています。機体が見えなくなったあとの星と煙の夜空も美しい。　#イプシロン　#Epsilon　https://t.co/Wuhvsr2GcN pic.twitter.com/iSD9BFwQ3j

— 朝日新聞デジタル天文部 (@asahi_tenmon) December 20, 2016

“Famirapiratana mahafinaritra eny amin'ny habakabaka mivolon'alina.” namoaka ny sary avy eny an'habakabaka sy avy eto an-tany amin'ny fahombiazan'ny fandefasana ny Epsilon 2 ny Asahi Shimbun Digital. Rehefa tsy takamaso tamin'ny alina ilay balafomanga, dia nahafinaritra ny volomboron'ilay balafomanga sy ireo kintana eny amin'ny lanitra amin'ny alina.

Azon'ny mpitazana rehetra avy ao Kyushu atsimo, nosy iray lehibe ao andrefan'i Japan, ihany koa ny fandefasana. Ny sasany aza naka ny toerana voalohany tao Kimotsuki, ilay tanàna kely misy ireo fotodrafitrasam-pandefasana balafomangan'ny JAXA.

「感動してうるっとました」。初飛行を成功させてから約３年３カ月。イプシロン２号機打ち上げに１千人超のロケットファンが集まりました。　#イプシロン　#Epsilon　https://t.co/PUxEM4SKmE pic.twitter.com/In8ojz2fMV

— 朝日新聞デジタル天文部 (@asahi_tenmon) December 20, 2016

“Tena mahavalalanina.” Tokotokony ho telo taona sy telo volana taorian'ny fandefasana nahomby ny Epsilon voalohany izany. Tamin'ity indray mitoraka ity, mpisitraka ny balafomanga mihoatra ny arivo no nivory hijery ny fandefasana ny Epsilon 2.

内之浦漁港からのイプシロン#イプシロン2号機 pic.twitter.com/vp6GYa21bc

— ゆういちろう (@yuuitirou528) December 20, 2016

Talaky mason'ny seranan'ny mpanjono ao Uchinoura [tokony ho roa kilaometatra] avy eo amin'ny toeram-pandefasana ny Epsilon 2.

Na izany aza, azo nojerena tao an-tanànan'i Kagoshima, tokony ho 50 kilaometatra avaratra atsinanan'ny toerana ilay fandefasana

#イプシロン ちょいズレてる笑 pic.twitter.com/AEKCw49Tm2

— はらさきやま (@bigmakers) December 20, 2016

Lavidavitry ny fandefasana ihany no misy anay, tpt.

一応イプシロン撮れたけど、、、
仕事終わって打ち上げまで時間なくて、ロケハンすらしてなかったから、こんなんしか撮れんかったよｗｗｗ#イプシロン#内之浦 pic.twitter.com/G0wcnHKppK

— ウルフ99 (@WolfRXM2) December 20, 2016

Ny fiezahako tamin'ny sarin'ny fandefasana ny Epsilon…

Tsy nanam-potoana betsaka aho rehefa avy niasa hitady toerana hakana ny sarin'ny fandefasana, ka io izany no hany azoko nopihana, tpt.

Mbola maro ny sary sy lahatsarin'ny fandefasana azo jerena amin'ny famakivakiana ny tenirohy #イプシロン (Epsilon), #ロケット (balafomanga) ary #内之浦 (Uchinoura).