Iray amin'ireo mpitantana maneran-tany tian'i Afrika tena tiana indrindra Fidel Castro, ilay Kiobàna mpitarika revôlisiônera izay maty ny zoma 25 Novambra tamin'ny faha-90 taonany.

Noho ny fitondran'i Kiobà ny anjara birikiny nandritra ny ady nanoherana ny fanjanahantany sy ny fanavakavahana tany amin'ireo firenena Afrikana, toa an'i Afrika Atsimo, Namibia, Angolà, Mozambika ary Guine Bisao, no tena anton'izany. Ho fanampin'izany, nanofana dokotera Afrikana maro i Kiobà ary nandefa ireo dokoterany tany amin'ireo firenena Afrikana. Ny ohatra vao haingana indrindra tamin'ny fanampian'ireo dokotera Kiobàna an'i Afrika izao ny nandritra ny kirizin'ny Ebola, raha nandefa dokotera teo amin'ny 300 isa teo ilay firenena.

Teo noho eo taorian'ny fanambaràna ofisialy ny fahafatesany, nankao amin'ny Twitter mba hanome voninahitra an'ilay olo-malaza kaominista ireo mpitondra Afrikana sy olon-tsotra maro.

Nanoratra izao ny filohan'i Nizeria, Muhammadu Buhari:

Fidel Castro was a great friend to Africa, to countries in the Global South and to the Non-Aligned Movement. His place in history is assured

— Muhammadu Buhari (@MBuhari) November 26, 2016

Namana be an'i Afrika, an'ireo firenena any Atsimo rehetra ary ny Hetsika Tsy Miandany amin'ny Atsy na ny Aroa, i Fidel Castro. Azo antoka ny toerany ao anatin'ny tantara

Nanamarika izao ny filoha Keniana, Uhuru Kenyatta:

Castro also demonstrated to the world that sovereign equality is a paramount idea that must prevail at all times.

— Uhuru Kenyatta (@UKenyatta) November 26, 2016

Nampiseho tamin'ny tany tontolo ihany koa i Castro fa hevitra tena lehibe indrindra tsy maintsy ampanjakaina amin'ny fotoana rehetra ny fanaovana ho ambony indrindra ny fitoviana manam-piandrianana.

Nibitsika izao i Issa Shivji, Tanzaniana profesora mpampianatra lalàna, raha niresaka ny fampanantenan'i Castro hoe “hanafaka ahy ny tantara“:

History has abundantly absolved him. A small nation withstood the might of the most vicious military power on earth. pic.twitter.com/Asg7LWIYvE

— Issa Shivji (@IssaShivji) November 26, 2016

hanafaka be dia be azy tokoa ny tantara. Firenena kely nijoro nifanandrina tamin'ny hery miaramila ratsy toetra indrindra teto an-tany.

Nanamarika ny zava-niseho i Prince Maphosa hoe maty ny Zoma Mainty izy, fotoana izay manamarika ny fiantombohan'ny fotoanan'ny fiantsenana amin'ny vanimpotoana Krisimasy.

2016 could not get
any more ironic, Fidel Castro died on Black
Friday, the most capitalist day there is.#MHSRIP

— Prince.M. Maphosa (@Mfumbesi83) November 26, 2016

Tsy nanjary ny 2016
tsy misy maneso toy izany, maty ny andro Zomà Mainty i Fidel Castro, ny andro faran'izay tena kapitalista indrindra. #MHSRIP

I Luka koa gaga hoe hay mbola velona ihany izy:

Imwe Fidel Castro was alive this whole time? eh.

— Luka (@LukaMwango) November 26, 2016

“Imwe” hay mbola velona foana i Fidel Castro hatrizay? eh.

Nizara fitarainana malaza i Siame:

Haha everyone's going to be a Castro expert now… and the shear number of quotes we'll have to endure https://t.co/trW893xCOM

— Siame (@mr_siame) November 26, 2016

Haha samy lasa manampahaizana manokana momba an'i Castro daholo izany ankehitriny… ary ho maro ny isan'ireo tapatapakà fitanisàna ho alefa tsy maintsy hiaretantsika

Nanamarika izao i Ory Okolloh Mwangi, mpiara-manorina ny Ushahidi, tao aminà bitsika izay hita ho milaza ny fahagagana tamin'ny fahalanian'i Donald Trump ho filoha manaraka ho an'i Etazonia:

Castro waited until it was clear that the Empire has imploded.

— Ory Okolloh Mwangi (@kenyanpundit) November 26, 2016

Niandry mihitsy i Castro nandra-pahamazava tsara hoe nigorodana avy any ivelany ilay Fanjakana lehibe.

Manazava ny zavatra nampianarin'i Castro azy i Mohamed Harith any Kenya:

Fidel Castro defined anti-imperialism to me. He taught me, taking a stand has its price but dignity is by far priceless. RIP Savior

— Mohamed Harith (@almafazy) November 26, 2016

Nohazavain'i Fidel Castro tamiko tsara ny fanoherana ny fanjakazakana. Nampianatra ahy izy hoe, manana ny sarany ny fitsanganana fa tsy voavidim-bola kosa ny fahamendrehana. Mandria am-piadanana ry Mpamonjy

Nanome ireto hevitra manaraka ireto ho an'ireo Afrikana i Betty Waitherero, Kenyana mpikaroka :

While googling who Fidel Castro is find out how Cuba supported Africa's fight against colonialism.
It matters. It matters how you got HERE.

— Betty Waitherero?? (@bettywaitherero) November 26, 2016

Raha mijery amin'ny google hoe iza i Fidel Castro, jereo hoe ahoana ny nanohanan'ny Kiobà ny tolon'i Afrika nanoherana ny fanjanahantany.
Zava-dehibe izany. Zava-dehibe ny nahatongavana ETO.

Toy izao ny fahatsiarovany an'i Castro, avy amin'i Dr. Majak D'Agoot, lefitry ny ministry ny fiarovana teo aloha tao Sodana Atsimo :

Fidel Castro Ruz:
Your imprints are visible in me and in most of the SPLA top Cdrs that you trained. I bid you farewell, mi Commandante!

— Dr. Majak D'Agoot (@Aquaengnoq) November 26, 2016

Fidel Castro Ruz:
Hita maso amiko ireo dian-tànanao, ary amin'ny ankamaroan'ireo Mpitari-tafika ambony ao amin'ny SPLA izay nofaninao. Manao veloma mandrakizay anao aho, ry Commandante-ko!

Adam Habib, Chanchelier lefitra sy Lehiben'ny Anjerimanontolon'ny Witwatersrand any Afrika Atsimo:

An end of an era – Castro has died. He fought imperialism for 50 yrs, survived many assassination attempts, and died peacefully in his bed.

— Adam Habib (@AdHabb) November 26, 2016

Fahataperan'ny vanim-potoana iray – maty i Castro. Nandritry ny 50 taona no nitolomany nanoherana ny fanjakazakana, tafavoaka velona tamin'ireo fikasàna maro hamononaa azy ho faty izy, ary maty am-piadanana teo am-pandriany.

Paul Kagame, filohan'i Roandà, nanoratra izao:

RIP Fidel Castro, tenacious fighter who lived a full liberation life & condolences to the resilient people of Cuba

— Paul Kagame (@PaulKagame) November 26, 2016

Mandria am-piadanana Fidel Castro, mpiady tsy nihemotra mihitsy, izay niaina fiainana afaka tanteraka & fampiononana ho an'ireo vahoakan'i Kiobà nilaozany

Nahamarika izao ny mpampiasa Twitter ao Afrika Atsimo:

We won't forget how #FidelCastro supported fight against apartheid when the ‘civilized’ world didn't. Castro, with his faults, was a leader. pic.twitter.com/NPbtpY9M2e

— Amandla! (@AmandlaMobi) November 26, 2016

Tsy ho hadinonay mihitsy ny fomba nanohanan'i #FidelCastro ny ady nanoherana ny fanavakavahana raha tsy nanao izany kosa ny tany ‘mandroso’. Castro, niaraka tamin'ireo hadisoany, dia tena mpitondra.

Nandefa izao hafatra manaraka izao an'i Castro ilay Ganeana mpihira rap , Ko-Jo Cue:

R.I.P Fidel Castro … Tell Che we love him … Tell Gaddafi we are sorry … Tell Nkrumah to forgive us … Tell Sankara he was right??

— Ko-Jo Cue (@KOJO_Cue) November 26, 2016

Mandria am-piadanana Fidel Castro… Teneno i Che hoe tianay izy… Teneno i Kadhafi hoe miala tsiny izahay… Teneno i Nkrumah mba hamela ny helokay… Teneno i Sankara hoe marina ny anao??

Niaiky ireo fahadisoan'i Castro, nilaza izao i Nii Sarpei Hornsby, Ganeana mpanolotra kaoferansa:

He had his many faults but don't let them tell you Fidel Castro was a bloodthirsty know-nothing dictator.

Don't be lied to.

— Nii Sarpei Hornsby (@nii_sarpei) November 26, 2016

Nanana ny hadisoana maro izy, fa aza avela ireny no hilaza aminareo hoe mpanao jadona sy mpandatsa-drà i Fidel Castro.

Aza avela langainy ianareo.

Nanoratra izao i Miss Hamalwa:

#RIPCastro pass our greetings to #CheGuevara, tell him there is black president in Us, & African leaders are now agents of colonialists.??

— Fidel Castro (@NyanzaJnr) November 26, 2016

#RIPCastro ampitao amin'i #CheGuevara ny fiarahabàna avy amina, teneno izy fa misy filoha mainty any Etazonia, ary ankehitriny, mpiara-miasa amin'ireo mpanjanaka ireo Afrikana mpitondra .??

Kanefa, tsy ireo Afrikana rehetra nampiasa ny Twitter no nampiseho fanindrahindràna an'i Castro. Ohatra, nanoratra izao i  Yasmin Yonis:

My grandfather was ripped out of his home by Castro-backed Ethiopian troops & slaughtered in front of my family. Please have some nuance.

— Yasmin Yonis (@YasminYonis) November 26, 2016

Noesorin'ireo andiany Etiopiana notohanan'i Castro tao an-tranony ny raibeko ary novonoina teo anatrehan'ny fianakaviako. Miangavy asio fahasamihafàny kely.

Avy any Somalia i Yonis, firenena izay nandefasan'i Kiobà andiany mba hiady eo ankilan'ny tafika Etiopiana nandritra ny Ady Etiopiana-Somalinaa tao amin'ny faritra Etiopiana nifandirana ao Ogaden tamin'ny volana Jolay 1977 hatramin'ny Martsa 1978.

Nitondròn'i Oluwasenyi Karimu fampitahàna teo amin'i Castro sy Robert Mugabe, ilay filoha Zimbaboeana 92 taona :

#FidelCastro,#Mugabe & #OyedepoCanaanLand have something in common…their families take over when they die, fact!!!

— oluwaseyi karimu (@seyik) November 27, 2016

#FidelCastro,#Mugabe & #OyedepoCanaanLand , manana zavatra itoviany…nandimby azy ireo ny fianakaviany rehefa maty ry zareo, izay no zava-misy!!!

Raha toa i Peter Kamalingin niantso ny fahafatesan'i Castro ho ny “fahataperan'ny hadisoana”:

The end of an error- #Fidel Castro he just couldn't stand a Trump and decided enough https://t.co/rbj7QgNUUd

— Peter Kamalingin B.L (@kampetero) November 26, 2016

Ny fahataperan'ny hadisoana – #Fidel Castro, tsy vitany ny hizaka an'i Trump ary nanapa-kevitra izy hoe ampy izay