[1]Ny tora-pasika Ramlet El Bayda tamin'ny Asabotsy 12 Nov 2016. Sary: Firas BouZeineddine / Facebook
Tohina ny mponina ao Beirota ny asabotsy 12 Novambra lasa teo rehefa nanomboka nivezivezy tao amin'ny media sosialy ny sary mampiseho ny morondranomasina sisa farany ho an'ny daholobe, Ramlet El Bayda [2] izay ravain'ny fitaovam-panorenana goavana.
Nalain [3]‘i Joumana Talhouk, ilay mpikatroka Libaney ny lahatsary voalohany ary nalefany tao amin'ny Facebook:
Nivoaka voalohany tamin'ny lohatenim-baovao teo aloha tamin'ny 2012 [4] ny adihevitra momba ny tompon'ny Ramlet El Bayda, ary nanomboka tamin'izay nifandritahan'ireo mpikatroka, taty ankilany, sy ny mpandrafitra rindranasan'ny tany aman-trano miaraka amin'ny manam-pahefana, tetsy andaniny.
Tamin'ny Jona 2016 [5], nandà ny sahoan-dresaka mikasika ny fanakatonana ny tora-pasika hanaovana fananganan-trano ireo manam-pahefana taorian'ny nandravan'ireo fiarabe mpandavaka ny toerana.
Nilaza [5] i Ziad Chebib, governora ao Beirota hoe :
The Ramlet El Bayda public beach will not be closed and any form of restricting citizens from accessing the shores, be it for constructional purposes or by erecting fences to close off the area is strictly prohibited.
Tsy hakatona ny tora-pasika ho an'ny daholobe Ramlet El Bayda, ary voarara tanteraka ny famerana amin'ny endriny rehetra ny olom-pirenena amin'ny fidirana ny morontsiraka, na izany noho ny fanorenana na fananganana fefy hanakatonana ny faritra.
Amin'ity tranga ity, mirona mankany amin'ny mpikatroka ny lalàna. Eny tokoa, milaza ny “Andininy faha-2 amin'ny Fehezan-dalàna faha 144,” mifehy [6] ny fananana amorontsiraka [6] ao Libanona nanomboka tamin'ny 1925, fa heverina ho fananam-bahoaka ny morondranomasina hatrany amin'ny faritra lavitra tongan'ny onja mandritra ny ririnina sy ny morontsiraka fasika sy vatoina .
Na dia teo aza izany lalàna izany, nahatonga fivoarana bebe kokoa amin'ny morontsiraka Libaney ny fiovan'ny didim-panjakana sy ny fahabangana eo amin'ny lalàna [7].
Tsy vao voalohany tamin'ny fanavaozana ny morontsiraka any Libanona atao amin'ny fananam-bahoaka ity tranga ity. Vao haingana, nanao hetsi-panoherana [8] ireo mpikatroka manohitra ny drafitry ny governemanta hanova ny morondranomasina vatoina [9] ao Kfarabida any amin'ny distrikan'i Batroun any Avaratr'i Libanona ho lasa Yacht Club hafa (fiantsonan-tsambon'ny mpanana) .
Niteraka adihevitra be ihany koa ny maha ara-dalàna ity tetikasa ity satria didy maro no nanalana ary nampiasaina ny didy hitsivolan'ny minisitera mba hahazoana ny fankatoavana ny tetikasa . Enim-bolana talohan'izay, noresahan'ny fampitam-baovao ao an-toerana ny olan'ny tora-pasika Adloun [10] ao Atsimon'i Libanona. Notaterina ary fa noravana ny morontsiraka voajanahary ka hosoloina seranan-tsambo mitentina 26,6 tapitrisa Dolara Amerikana [11] ary horavana ao anatin'ny dingana ny seranan-tsambo Fenisianina izay manana dikany ara-kolontsaina ambony sy sarobidy ara-tantara. Nanomboka tsy nisy vinavina ny mety ho vokatra aterak'izany eo amin'ny tontolo iainana ny fandavahana izay nahatonga ny fifandirana teo amin'ny Minisiteran'ny Asa Vaventy sy ny Ministeran'ny Tontolo iainana sy ny Kolontsaina.
Ramlet El Bayda: Ilay Lasibatra Farany Tamin'ny Kolikoli-panjakana :
Ao anatin'ity lohahevitra ity no tokony ahitantsika ny raharahan'ny Ramlet El Bayda.
Antsoina hoe Achour Development [12] ny orinasam-pananganana trano voatendry hikarakara ny tetikasa Naorina tamin'ny taona 1991, hampivelatra “Toerana Fialan-tsasatra Eden Rock ” ao amin'ny morondranomasina Ramlet El Bayda ny Achour Development. Nanangana tetikasa manerana ny Beirota toy ny trano fonenana sy indostria goavana ny orinasa. Eo “an-dalam-panorenana” ny Toerana Fialan-tsasatra Eden Rock [13] amin'izao fotoana izao ary anilan'ny tora-pasika avokoa ny trano fialofana 110 sy ny tranokely 53 , araka ny fitantaran'ny tranonkalan'ny orinasa.
Ity no sarin'ny tora-pasika tamin'ny taona 2011:
Sary: Le Coeur A Droite [14]
Ary tahaka izao ny endriky ny toerana rehefa vita:
Pikantsary avy amin'ny tranonkalan'ny Fampandrosoana Achoura [15]
Tsy ilaina akory ny milaza fa maro no tsy faly amin'ireto fivoarana farany ireto.
Nisy hetsi-panoherana nokasaina hatao [16] ny Alahady 13 Nov 2016 teo. Mivaky toy izao ny famaritana ao amin'ny pejin'ny hetsika:
لأن الشط ملك عام للناس، رح نركض بكرا لنطالب بوقف الأعمال في شط الرملة البيضاء. رح ننتشر على طول الخط البحري (المنارة للروشة) ونتوجّه لموقع الجريمة بعد مرور العدائين. اذا ما ركضنا لإنقاذ آخر شط في بيروت، ما رح يبقالنا بيروت لنركض فيها.
Satria fananan'ny besinimaro ny morontsiraka, hihazakazaka isika rahampitso hitaky ny fampitsaharana ny asa fanorenana eo amin'ny Ramlet El Baida. Hijoro manemitra ny morontsiraka isika ( miala eo Manara hatrany Raoucheh ) ary hizotra mankany amin'ny toerana itrangàn'ny heloka bevava aorian'ny fandalovan'ny mpihazakazaka [misy ny Marathon fanao isan-taona ao Beirota]. Raha tsy mihazakazaka hamonjy ilay sisa farany amin'ny morondranomasina ao Beirota isika, dia tsy manana Beirota hihazakazahana intsony.
Mandritra izany fotoana izany, maro ny Libaney nisafidy ny media sosialy mba hanehoany ny hatezerana.
Teny an-toerana tamin'ny alahady maraina ireo mpikatroka Libaney roa, Firas Bouzeineddine sy Whard Sleiman, raha mbola nifantoka tamin'ny Marathon Beirota ny sain'ny fampitam-baovao .
Nanoratra i Kareem Chehayeb, Libaney mpikaroka sady mpikatroka hoe:
Beirut is officially a coastal city without a public beach. Ramlet el Bayda is gone. Video by @joumanatalhouk [17] https://t.co/H1SAiDHTPz [18]
— Kareem Chehayeb (@chehayebk) 12 November 2016 [19]
Tanàndehibe amorondranomasina amin'ny fomba ofisialy tsy misy tora-pasika ho an'ny daholobe i Beirota. Tsy eo intsony i Ramlet El Bayda . Lahatsary avy amin'ny @joumanatalhouk [17] https://t.co/H1SAiDHTPz [18]
Nanoratra i Ziad Nabulsi ao amin'ny bilaogy Mouwaten [20] hoe:
Good-bye Ramlet el Bayda, the last remaining public beach in #Beirut [21]. https://t.co/mrSJNaFpxv [22]
— Ziad (@Mowaten_LB) 12 November 2016 [23]
Veloma i Ramlet El Bayda, ilay tora-pasika ho an'ny daholobe sisa tavela ao #Beirut [21]. https://t.co/mrSJNaFpxv [22]
Nanamafy ilay mpikaroka Libaney sady toniandahatsoratry ny vaovao Al Akhbar teo aloha Lara Bitar fa i Beirota no ho voalohany amin'ny tanàndehibe Mediteraneana tsy misy morontsiraka raha tsy misy na inona na inona atao, sy ny hoe ahoana no mety ho fiantraikan'izany eo amin'ireo tena mahantra:
With the assault on Ramlet el-Bayda, Beirut on its way to becoming the first Mediterranean city without a seafront https://t.co/aaodNDWuan [24]
— Lara Bitar (@LarsBit) 25 October 2016 [25]
Noho ny herisetra atao amin'ny Ramlet El-Bayda, eo an-dàlana mba ho lasa voalohany amin'ny tanàndehibe Mediteraneana tsy misy morontsiraka i Beirota https://t.co/ [24]/aaodNDWuan [24]
Naneho hatezerana ihany koa ny Dr. Tarabay Rima, Libaney mpikaroka :
This is what is happening in #Lebanon [26] destroying our coast! public beach! #beirut [27] where is the state? @LBpresidency [28] @saadhariri [29] https://t.co/HmnR6YnPmZ [30]
— Dr.Tarabay Rima (@RimaTarabay) 12 November 2016 [31]
Izany no zava-mitranga eto #Libanona [26] fandravana ny moron-dranomasina ! tora-pasika ho an'ny daholobe! #beirut [27] aiza ny fanjakana? @LBpresidency [28] @saadhariri [29] https://t.co/HmnR6YnPmZ [30]
Nanoratra ity sata ity [32] tao amin'ny Facebook i Ibrahim Youssef, Libaney mpianatra sady mpikatroka :
I can't describe how furious this makes me. The last public beach in Beirut is becoming privatized. Here we see our constitutional right to freely access the coast be tossed aside. Instead, we get a nice posh beach resort where only a fraction of the population can afford to go. As with everything in the country, things of value are routinely tossed out the window while shallow gaudy structures erase anything that the city was or could have been.
And the best part? People had the chance to elect a municipal government that would have prevented this (and more) from happening. Instead, we voted in the same old garbage that just represents the interests of the country's political elite.
وداعاً رملة البيضا. مبروك يا جماعة.
Tsy voafaritro ny hatezerako avy amin'izany. Lasan'ny orinasa tsy miankina ny tora-pasika farany ao Beirota. Eto isika dia mahita ny zo ara-dalàmpanorenana hiditra malalaka amin'ny morontsiraka. Mahazo tora-pasika mihaja tsara ho an'ny fialan-tsasatra kosa isika etsy andanin'izany izay ny ampahan'ny mponina manam-bola ihany no afaka miditra aminy. Toy ny zava-drehetra ao amin'ny firenena, misy ny fahazarana manipy zava-tsarobidy eny am-baravarankely raha mamafa ny zava-drehetra izay naha izy azy ny tanandehibe na ny tokony ho izy aminy ireo rafitra be rentirenty fotsiny.
Ary ny tsara indrindra? Nanana ny fahafahana hifidy governemanta monisipaly ny mponina izay mety ho nisoroka izany (indrindra ) mba tsy hitranga. Kanefa ry fako efa antitra mpiaro ny tombontsoan'ny sangany ara-politika eto amin'ny firenena ihany no nofidiantsika.
Veloma Ramlet El Bayda. Arahabaina isika rehetra.
Nizara ny lahatsary [33] nalain'i Joumana Talhouk ny fanentanana Beirota Madinati, sady naneho hevitra hoe:
نشهد اليوم استمرار تدمير الشاطئ وبداية مشروع استثماري جديد على تلة #الرملة_البيضا [34]، وهو الشاطئ العام الوحيد ل #بيروت [35]، وذلك بالرغم من كل الاعتراضات والمراجعات.
المشروع ينتهك جميع القوانين والمبادىء التي من شأنها المحافظة على ملكنا العام ومصالحنا الجماعية في المدينة.
لدى محافظ بيروت كامل الصلاحيات لإيقاف مشروع الإيدن روك غير المستوفي شروط تقييم الأثر البيئي والذي يعتدي على املاكنا البحرية.
لا ينبغي السكوت عن هذه الجريمة! #بيروت_بلا_شط [36]، #بيروت_تختنق [37]
#الشط_للكل [38] و #البحر_للناس [39]
Amin'izao fotoana izao, manatrika ny fandringanana ny tora-pasika mitohy sy ny fanombohan'ny tetikasa fampiasam-bola ao amin'ny ramlet El Bayda, ilay tora-pasika ho an'ny daholobe ao Beirota isika, na dia teo aza ny fanoherana sy ny fiovan-kevitra rehetra. Mandika lalàna sy fitsipika rehetra mikasika ny fiarovana ny fananam-bahoaka sy ny tombontsoa ao an-tanàndehibe ny tetikasa. Manana ny fahefana rehetra hampitsaharana ny tetikasa Edena Rock izay tsy manaja ny fepetra ara-tontolo iainana sy mandika ny lalànan'ny fananan-dranomasina ny governora eto Beirota. Tsy tokony hijanona hangina manoloana ity heloka bevava ity isika!
Nanomboka nampiasa ny tenirohy Arabo #بيروت_بلا_شط [40] ny sasany izay midika hoe “Beirota tsy misy morontsiraka”:
مسكينة بيروت فبعد أن سلبوها جمالها ونسيمها العليل ها هم يقضون على شطها الشعبي!متى ستخلع مدينتي ثوب الضحية لتثور على مغتصبيها؟#بيروت_بلا_شط [40]
— hanadi ghanem (@hanadighanem) 12 November 2016 [41]
Ry Beirota mahantra, rehefa nangalarin'izy ireo ny hatsaran-tarehiny sy ny tsio-drivotra vaovaony, eto izy ireo dia manimba ny tora-pasika ho an'ny daholobe! Rahoviana ny tanàndehibe-ko vao tsy ho lasibatra ka hikomy hanohitra ireo mpandika lalàna ?
Naneho hevitra i Steven Salaita ,akademika Palestiniana-Amerikana sady filohan'ny Fianarana Amerikana Edward Said ao amin'ny Oniversite Amerikana ao Beirota hoe:
I hope the developers who just bulldozed Ramlet el Bayda, Beirut's last public beach, swallow the water and get a nice bout of dysentery.
— Steven Salaita (@stevesalaita) 12 November 2016 [42]
Manantena aho fa hitelina ny rano ary hahazo aretim-pivalanana tsara ny mpananga-trano izay vao nandavaka an'i Ramlet El Bayda, tora-pasika ho an'ny daholobe sisa farany eto Beirota .