Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ao Anatin'i Chin, Ilay Faritany Tsara Tarehy Nefa Mahantra Indrindra Ao Myanmar

Tedim town amid clouds. Photo and caption: Pyay Kyaw / The Irrawaddy

Tanànan'i Tedim ao anatin'ny rahona. Sary sy soratra: Pyay Kyaw/ The Irrawaddy

Ity lahatsoratra avy amin'i Pyay Kyaw ity dia avy amin'ny The Irrawaddy, tranonkala fampitam-baovao tsy miankina iray ao Myanmar, ary naverina nozaraina tamin'ny Global Voices tao anatina fifanarahana fifampizarana votoaty.

Na eo aza ny hatsaran-tarehiny voajanahary madio mangalahala, sakana lehibe ho an'ny fivoaran'ny firenen'i Chin ny haratsin'ny fitaterana. Na iza na iza efa tany, indrindra mandritra ny fotoanan'ny orana, dia mahafantatra tsara fa marina izany.

Mamely ilay fanjakana mahantra ny fihotsahan'ny tany rehefa tonga ny orana. Matetika misosa amin'ny rano ireo fiara toy ny bibilava manodidina ny lalana maloto ao amin'ilay faritra be tendrombohitra ao avaratra-andrefan'i Myanmar. Voageja miaraka amin'ireo tandavana fiara mandritra ny ora maro mandra-pisavan'ny lalana ireo làlana efa zara raha ampy ho an'ny fiara iray.

Any amin'ny  8.000 feet (2438,5 metatra) ambonin'ny haavon'ny ranomasina, afaka mahita ireo tendrombohitra mahazendana rakotry ny rahona ireo mpandalo nefa koa ilay toerana mampatahotr'ireo kodiarana efatra mitsirara ambony ambany eny ambony arabe mamotaka na havoana taorian'ny loza. Ho an'izay rehetra mandeha amin'ny fiara kely, tsy azo ialàna ny fanosehana na fitarihana ny fiara ao anaty fotaka lalina hatreny an-dohalika.

60 miles (96,5 km) eo ny elanelan'i Kalay sy Tedim, fa mety maharitra ora 12 ny dia noho ny orana, fihotsahan'ny tany ary ireo loza eny an-dàlana. Ny Farihy Reed, malaza, voahodidina  volotara, miendrika fo, dia eo amin'ny manodidina ny 20 miles (32 km) avy any Tedim ary manakaiky ny sisintany manasaraka an'i Birmania sy India. Afaka hita amin'ny fitsanganana eo amina tetezana iray mampifandray ny firenena roa noho ny resaka ara-barotra ny fahasamihafana eo amin'ireo firenena roa. Amin'ny takariva, mirehitra ny Fanjakana Indiana ao Mizoram, raha toa kosa ka ao Rihkhawdar any Myanmar, tsirim-pahazavana kely toy angamenavava ihany no manazava ny alin'izy ireo amin'ny maizina.

The famed heart-shaped Reed Lake. Photo and caption: Pyay Kyaw / The Irrawaddy

Ilay Farihy malaza Voahodidina volotara (Reed Lake), miendrika fo. Sary sy soratra: Pyay Kyaw/The Irrawaddy

A man canoeing on Reed Lake. Photo and caption: Pyay Kyaw / The Irrawaddy

Lehilahy iray mitaingina lakana ao amin'ilay Farihy Voadidina Bararata. Sary sy soratra: Pyay Kyaw / The Irrawaddy

A jeep on its way from Kalay to Tedim. Photo and caption: Pyay Kyaw / The Irrawaddy

Fiara jeep iray eo amin'ny làlany avy any Kalay ho an'ny Tedim. Sary sy soratra: Pyay Kyaw / The Irrawaddy

A truck carrying goods for the border gate on its way to Rihkhawdar, a Burmese border town near India’s Mizoram State. Photo and caption: Pyay Kyaw / The Irrawaddy

Kamiao mitondra entana ho an'ny vavahadin'ny sisintany eo amin'ny lalany ho any Rihkhawdar, tanàna Birmana an-tsisintany manakaiky ny Fanjakana Indiana Mizoram. Sary sy soratra. Pyay Kyaw / The Irrawaddy

An overturned lorry on the way to Reed Lake in Tedim Township. Photo and caption: Pyay Kyaw / The Irrawaddy

Kamiao nivadika teo amin'ny lalana mankany amin'ny Farihy Voadidina Bararata ao amin'ny Faribohitr'i Tedim. Sary sy soratra: Pyay Kyaw / The Irrawaddy

People wait for a clear road on their way to Rihkhawdar, a Burmese border town near India’s Mizoram State. Photo and caption: Pyay Kyaw / The Irrawaddy

Olona miandry ny làlana hisava teny an-dàlany ho any Rihkawdar, tanàna Birmana an-tsisintany manakaiky ny Fanjakana Indiana Mizoram. Sary sy soratra: Pyay Kyaw / The Irrawaddy

Workers push carts carrying goods to Mizoram State in India through the border bridge that links India and Myanmar. Photo and caption: Pyay Kyaw / The Irrawaddy

Mpiasa manosika sarety mitondra entana mamakivaky ny tetezana mampifandray an'i India sy Myanmar. Sary sy soratra: Pyay Kyaw / The Irrawaddy

School children go back to Myanmar across the border bridge before it closes. Photo and caption: Pyay Kyaw / The Irrawaddy

Ankizy mpianatry ny sekoly miverina any Myanmar miampita ny tetezana mialohan'ny hikatonany. Sary sy soratra: Pyay Kyaw / The Irrawaddy

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.