Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Sarin'ireo Mpisera Instagram Mampiseho Ny Zavon-tsetroka Mandrakotra an'i Khabarovsk

Source: Instagram. Catherine Afanasyeva (@kazhetsyatak)

Sary: Instagram. Catherine Afanasyeva (@kazhetsyatak)

Nihidy tao an-trano na nanao saron-tava ny mponin'i Khabarovsk ao amin'ny Farany Atsinanana ao Rosia rehefa mivoaka ny trano satria nandrakotra ny tanàna ny zavon-tsetroka tamin'ny Talata. Araka ny vaovao notaterin'ny tranonkala 2×2.su (eny, .su no sehatra lehibe indrindra ao amin'ny Firaisana Sovietika), nilaza ny mponina fa miaraka amin'ny fofona may ny zavon-tsetroka ary nihamafy nandritra ny roa andro lasa satria namely mafy tao Khabarovsk sy ny faritra manodidina ny afo. Manaramaso ny haavon'ny mônôksidan'ny karbôna ny manampahefana Rosiana, izay efa nitombo in-1,5 hatramin'ny nivezivezen'ny zavon-tsetroka.

Nanomboka nidina tao Khabarovsk ny setroka, tapa-bolana lasa izay, ary toa avy ao amin'ny sisin-tanin'i Shina, faritanin'i Heilongjiang sy ny Repoblika Jiosy Mizakatena, faritra Rosiana akaikin'i Khabarovsk no niavian'izany. Nilaza ireo manampahefana ao Khabarovsk fa ny lelafo tao Heilongjiang no niavian'ny setroka, ary nandefa taratasy tany amin'ny Departemantan'ny Fiarovana ny Tontolo Iainana Heilongjiang izy ireo, manangataka amin'ny manampahefan'ny faritany mba hanara-maso ny toe-javatra ary handray fepetra vaovao hisorohana ny afo amin'ny ho avy. Nandà ny filazan'ny manampahefana Rosiana ny manampahefana ao Heilongjiang, nilaza tamin'ny Global Times androany fa mbola tsy nanomboka nioty vokatra na nandoro mololo ny tantsaha ao amin'ny faritany- ary tsy hanomboka hanao izany mandra-pahatongan'ny volana Novambra noho ny orambe vao haingana.

Araka ny asehon'ny sary zanabolana avy amin'ny “Fire Map,” (tranonkala Rosiana mampiseho ny toerana misy doro ala manerantany amin'izao fotoana izao), rehefa nanomboka nandrakotra an'i Khabarovsk ny setroka roa herinandro lasa izay, tao Heilongjiang sy ny Repoblika Jiosy Mizakatena no tena nisy ny afo :

Source: http://fires.kosmosnimki.ru/.

Sary zanabolana, ahitana ny afo tamin'ny 14 Oktobra. Sary: http://fires.kosmosnimki.ru/.

Tamin'ny fotoana namalian'ny manampahefan'i Heilongjiang androany, na izany aza, saika avy ao avaratra sy andrefan'i Khabarovsk avokoa ny afo:

Sarin'ny afo avy amin'ny zanabolana, 27 Oktobra. Sary: http://fires.kosmosnimki.ru/.

Raha niaka-nidina ny governemanta isam-paritra, namazivazy kosa ilay mpisera Instagram unimat093 fa nahita izy hoe iza no tena tompon'andraikitra tamin'ny afo, nandefa sarin'ny setroka nivoaka avy amin'ny trano kely fivoahan-tsetroka ao Khabarovsk.

A photo posted by @unimat093 on

Nandritra ny roa herinandro farany, nitantara momba an'i Khabarovsk ireo mpisera Instagram satria misy lasa dia m isy tonga ny setroka; noraisina tamin'ny ankapobeny, ahitana karazana tati-baovao Instagram momba ny toe-javatra ny sary navoakan'izy ireo.

Sary nalefan'i Aleksеi Belyaevskii (@aleksei_80) 25

Sary nalefan'i Таня Никифорова (@belayanik) tamin'ny 24

Sary nalefan'i Халикова Юля (@yulia_khalikova_a) tamin'ny 14

Sary nalefan'i Catherine Afanasyeva (@kazhetsyatak) tamin'ny 14

Sary nalefan'i Juliya Samokhvalova (@ptiz_siniz) tamin'ny 15

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.