Voaloton'ny fiampangana tsy fanarahan-dalàna ny fifidianana parlemantera tao Montenegro tamin'ny 16 Oktobra 2016, hoy ny tatitra tamin'ny tambajotra sosialy, ary voaràra nandritra ny fotoana tsy dia maharitra ny WhatsApp, Viber sy ny fampiharana fandefasan-kafatra sahala amin'izany.

Nandidy ireo mpandraharahan'ny fifandraisan-davitra hanakana ny fampiasa fandefasan-kafatra ny Sampan-draharaha Mpandrindra ny Tolo-pifandraisana Elekitronika sy Paositra. Nilaza ny Sampana fa natao hiarovana ny mpiserasera tsy hahazo “fifandraisana tsy ilaina”, fanondroana ofisialy ny spam izay mety mihatra amin'ny hafatra faobe nalefa amin'ny anaran'ireo kandida manokana na antoko ara-politika no anton'ny fandraràna.

Tsy nety namaly ny fanontaniana avy amin'ny gazety Vijesti momba ny anton'ity fanapahan-kevitra ity i Zorana Sekulić, tale mpanatanteraka ao amin'ny Sampan-draharaha. Tamin'ny tatitra taty aoriana navoakan'ny Vijesti, namariparitra ny antso an-tariby nataon'izy ireo tamin'i Sekulić izy:

“Ko je vama dao pravo da me zovete. Zovite me sjutra u 8 sati. Ko vam je dao pravo da me uznemiravate”, poručio je Sekulić. Ni nakon ponovljenog poziva, Sekulić nije htio da objasni građanima odluku Agencije i kazao je da “ne daje izjave “Vijestima””.

“Iza no nanome zo anareo hiantso ahy? Antsoy aho rahampitso amin'ny 8 maraina. Iza no nanome zo anareo hanorisory ahy,” hoy i Sekulić. Taorian'ny antso faharoa, mbola tsy nety nanazava ny fanapahan-kevitry ny Sampan-draharaha izy ary nilaza fa “tsy manome fanambarana ho an'ny Vijesti” izy.

Nisy nanafika nandritra ny androm-pifidianana ny tranonkalan'ny Foiben'ny Tetezamita Demaokratika (CDT), Fikambanana tsy miankina lehibe mpanaramaso ny fifidianana ao Montenegro, ka tsy azo nidirana nandritra ny atoandro sy hariva.

Nitranga tao amin'ny media sosialy ny adihevitra momba ny fifidianana, ka nizara vaovao momba ny fifidianana tamin'ny fiteny Slavy ao an-toerana tamin'ny alalan'ny tenirohy  #IzboriCG (Fifidianana Montenegro) sy ny anaran'ny firenena #CrnaGora, ary koa tamin'ny teny Anglisy tamin'ny tenirohy mitovy aminy #ElectionsMNE sy #Montenegro ny mpiserasera aterineto.

Ny fandraràna ny fampiharana fandefasan-kafatra

Lohahevitra voalohany tamin'ny resa-pifidianana tao amin'ny haino aman-jery sosialy ny fanakatonana ny fampiharana fandefasan-kafatra. Raha tsy namoaka vaovao momba ny fanapahan-keviny tamin'ny tranonkala kosa ny Sampan-draharana, nandefa andiana sioka (1,2,3) manazava ny baiko fandraràna ny mpandraharaha eo an-toerana Telenor. Hoy ny vakiny raha fintinina:

EKIP je naložila svim telekomunikacionim operatorima da isključe mogućnost korišćenja aplikacija Viber, WhatsApp i sl. servisa, koji su danas upotrijebljeni za neželjenu komunikaciju sa korisnicima. Mogućnost korišćenja ovih servisa biće isključena dok Agencija posebnim nalogom ne odredi da se takva zabrana suspenduje.

Nanome baiko ireo mpandraharahan'ny fifaindraisan-davitra ny Sampan-draharahan'ny Tolo-pifandraisandavitra Elektronika sy ny Paositra mba hanakatona ny safidy hampiasa fampiharana Viber, WhatsApp sy ny toy izany, izay nampiasaina androany nanaovana fifandraisana tsy notadiavina tamin'ny mpiserasera. Hakatona ny fahafahana mampiasa ireo tolotra ireo mandra-pilazan'ny Sampan-draharaha ny fiafaran'ny fandraràna avy amin'ny filazana manokana .

We condemn decision of the Agency to block Viber and WhatsApp and thus limit communication and share of information #electionsMNE

— CDT Montenegro (@CDT_Montenegro) October 16, 2016

Melohinay ny fanapahan-kevitry ny Sampan-draharaha hanakana ny Viber sy ny WhatsApp izay mametra ny fifandraisana sy fizaram-baovao.

We ask all our TW and FB followers to share published information and assist us to accurately and objectively inform citizens #electionsMNE

— CDT Montenegro (@CDT_Montenegro) October 16, 2016

Mangataka amin'ireo mpanjohy anay rehetra ao amin'ny TW sy FB  izahay mba hizara vaovao sy hanampy anay hampahafantatra ny olom-pirenena araka ny marina sy tsy mitanila.

Serba manam-pahaizan'ny haivarotra an'aterineto, Nemanja Živkovic nampitaha ny fandraràna tao Montenegro tamin'ny fandraràna ny Twitter niainany tao Torkia.

What is the aim of blocking Social Media when it is so easy to overcome it? Those who deal with it in the Government think that by banning one Social Media they can prevent or silent the flow of information. Seriously!? Isn't there anyone who will tell them that this is nonsense and that it'll come back to them like a boomerang, multiplied? Apparently not. Obviously, they are [not] following examples from the past when other countries tried to do that.

Inona no tanjona amin'ny fanakanana ny media sosialy kanefa mora loatra ny mandresy azy io? Mihevitra ireo izay manatontosa izany ao amin'ny governemanta fa afaka manakana sy manampim-bava ny fivezivezen'ny vaovao izy ireo amin'ny alalan'ny fandraràna ny Media Sosialy iray. Tena matotra!? Tsy misy olona hilaza azy ireo ve fa tsy misy dikany izany fa hitody, imbetsaka, any amin'izy ireo tahaka ny “Boomerang”? Angamba tsia. Mazava ho azy fa tsy manaraka ireo ohatra tamin'ny lasa izy ireo raha niezaka nanao izany ny firenen-kafa.

Niresaka momba ny tsy fahampian'ny fiarovana ny fanehoan-kevitra amin'ny alalan'ny media nomerika ilay Montenegrin mpanolo-kevitra momba ny media, Ana Bogavac.

@tenaprelec recently adopted leg.doesn't say a word about newMedia,leaving this gray area open 4abuse by both opposition and those in power

— Ana Bogavac (@AnaBogavac) October 16, 2016

Vao nandany lalàna vaovao ny @tenaprelec. Tsy milaza na dia kely monja momba ny Media Vaovao, mamela ity faritra manjavozavo ity hisokatra amin'ny fihoaram-pahefana ataon'ny mpanohitra sy ireo eo amin'ny fitondrana

Naverina tamin'ny 7:30 hariva ny fidirana ao amin'ny Viber rehefa nikatona ny birao fandahatsaham-bato. Nanambara izany tamin'ny iray amin'ireo kaontiny Twitter ny CDT:

Naš Viber Chat je proradio! #izboriCG pic.twitter.com/ic9I5kXPXA

— CDT_CrnaGora (@CDT_CrnaGora) October 16, 2016

Nanomboka niverina indray ny Viber karajianay!

Fandresen'ny tsy manova na inona na inona?

Olana maromaro no nipoitra nandritra ny tontolo andro, manomboka amin'ny “olana ara-teknika” ho fanomezan-dalana ny rehetra hiditra, ka hatramin'ny “rivotry ny fanonganam-panjakana”, izay nisy fiantraikany ratsy teo amin'ny fahafahan'ny olom-pirenena, araka ny filazan'ny kandidàn'ny mpanohitra Neđeljko Rudović.

Nedostupno za #OSI, zgrada Elektrodistribucije u Herceg Novom #izboriCG pic.twitter.com/zqJgP314ue

— CDT_CrnaGora (@CDT_CrnaGora) October 16, 2016

Tsy tafiditry ny olona manana fahasembanana ny tranoben'ny orinasam-panjakana Mpaninjara Herinaratra ao Herceg Novi.

Nanohy nanome vaovao avy eny ifotony nifototra tamin'ny asa fanaraha-mason'izy ireo ny Fikambanana Tsy Miankina Mpanaramaso ny Fifidianana CDT sy CeMI .

Voter turnout #electionsMNE pic.twitter.com/d4DNho6fnA

— CDT Montenegro (@CDT_Montenegro) October 16, 2016

Taham-pahavitrihan'ny mpifidy

#infographic #MandatesDistribution #Election2016 pic.twitter.com/IIsxfbFjVl

— CeMI (@CeMI_ME) October 16, 2016

Nanao bilaogy mivantana nandritra ny androm-pifidianana ny vondrona media tsy miankina Balkan Insight. Avy amin'ny valin'ny fitsapan-kevitra no naminavin-dry zareo fa ny Praiminisitra ela nihetezana Milo Đukanović, filohan'ny Antoko Sosialista Demokraty no nahazo ny 36 tamin'ireo seza 81 ao amin'ny parlemantan'i Montenegro. Ahafahany manangana governemanta maro an'isa izany, raha misafidy hiaraka aminy ireo antoko kely.

Rehefa nampifandimbiasiny ny toeran'ny Praiminisitra sy ny Filoha, dia i Đukanović no filoha maharitry ny Antoko Sosialista Demaokraty ao Montenegro, izay nitondra an'i Montenegro hatramin'ny nampidirana ny rafitra ara-politika maro-antoko tamin'ny fiandohan'ny taompolo 1990.

Niforona tamin'ny 1991 toy ny mpandimby ny Ligin'ny Komonista ao Montenegro ny antoko, izay nitondra an'i Montenegro tao anatin'i Yogoslavia hatramin'ny 1945.

Bio sam dječak kad je Milo preuzeo vlast, a vjerovatno ću biti i deda, ako pozivim, kad ode s nje. #izboricg

— Nebojsha Šatara (@FrankoBegbi) October 16, 2016

Mbola zaza aho tamin'i Milo tonga teo amin'ny fahefana. Raha ela velona aho, dia mety efa raibe rehefa mametra-pialàna izy

Niresaka momba ny fifidianana hoavy ao Makedonia, sy ny tolon'ilay lehiben'ny antokon'ny fitondrana hijanonana eo amin'ny fahefana, nampitahain'ilay mpanao gazety Rade Marojevic tamin'ny an'ny Praiminisitra Makedoniana teo aloha Nikola Gruevski ny fitondran'i Đukanović:

Grujevski vata beleske #izbori #Montenegro

— Rade Maroevic (@Maroevic) October 16, 2016

Mandray an-tsoratra i Gruevski.