Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Sarimiaina Manazava Ny Fahefan'ny Fitsarana Afrikana Amin'ny Zon'ny Vahoaka sy ny Olombelona

A screenshot of the animation video.

Pikantsarin'ny sarimiaina.

Namokatra sarimiaina YouTube momba ny Fitsarana Afrikana misahana ny Zon'ny Vahoaka sy ny Olombelona ny Firenena Mikambana misahana ny Fanabeazana, Siansa sy ny Kolontsaina (UNESCO), ny Orinasa Federaly Alemaina mankamin'ny Fiarahamiasa Iraisampirenena ary ny fikambanana mpiaro ny zon'olombelona Britanika Andininy faha-19.

Miorina ao Arusha, Tanzania, fitsarana kaontinantaly napetraky ny firenena Afrikana ny Fitsarana Afrikana misahana ny Zon'ny Vahoaka sy ny Olombelona mba hiantoka ny fiarovana ny zo ao Afrika. Mameno ny Vaomiera Afrikana misahana ny Zon'ny Olombelona sy ny Vahoaka ny Fitsarana. Raha manome tolo-kevitra fotsiny ny Vaomiera Afrikana, tsy maintsy ilaina kosa ny fanapahan-kevitry ny Fitsarana.

Natsangana teo ambanin'ny Arofenitry ny Sata Afrikana momba ny Zon'ny Olombelona sy ny Vahoaka ao amin'ny Toeran'ny Fitsarana Afrikana misahana ny Zon'ny Olombelona sy ny Vahoaka ny fitsarana. Araka ny hita amin'ny lahatsary, raha ny tamin'ny Septambra 2016, firenena 30 ihany no nanasonia ny Arofenitra.

Milaza ny lahatsary fa efa nandray fanapahan-kevitra roa lehibe momba ny fahalalahana miteny any Afrika ny Fitsarana. Tamin'ny 2014, nanapa-kevitra ny Fitsarana fa manitsakitsaka ny fahalalahana maneho hevitra ny fampidirana am-ponja noho ny fanalam-baraka. Tamin'io taona io ihany, nanome baiko ny fisokafan'ny fanadihadiana indray momba ny famonoana an'i Norbert Zongo, Burkinabe mpanao gazety mpanao fanadihadiana sady mpamoaka lahatsoratra ny Fitsarana.

Venezoeliana antsoina hoe Juan Carlos Hernández Ramirez no mpanakanto nanatontosa ny sarimiaina.

Hita amin'ny teny Frantsay sy Arabo ihany koa ny lahatsary.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.