[Lahatsoratra voalohany tamin'ny teny Espaniola, nivoaka ny 3 Oktobra] Tato anatin'ny herinandro maromaro dia hita ho nihazakazaka ny olana anatiny tao amin'ny Antoko Sosialistin'ny Mpiasa Espaniola (PSOE), efa nisoko nandritry ny volana maro. Ny fihitsohan'ny fiainana politika tao Espaina sy ny vokatra ratsy azon'ny PSOE tamin'ireo fifidianana tamin'ity taona farany ity no niteraka ny fivakisana tanteraka teo amin'ny antoko, izay misy ampahany iray manohitra, ilay fironana tena fatra-pifikitra amin'ny nentin-drazana, manome ny fisoloan-toerana ho an'ny sekretera jeneraly, Pedro Sánchez.

Ireo fifidianana natao ny lohataona, 25 Septambra, tao amin'ny Firenena Basque sy Galice, izay nanamafy ny  fitontongan'ny PSOE, no tsy isalasalàna fa singam-bolo nandavo ny vositra ho an'ireo mpanohitra. Nambaran'ireto farany fa ny fandàvan'i Pedro Sánchez hanamora ny fanokanana an'i Mariano Rajoy ary ny fananganana governemanta firaisam-pirenena ataon'ny Antokom-Bahoaka (PP) no anton'ny fanomezan-damosina nataon'ny mpifidy.

Ny Alarobia 28 Septambra, nisy andiany iray mpanohitra notarihan'ilay mpitarika manan-tantara, Felipe González sy Ramatoa filohan'ny Andalousie Susana Díaz, nanapaka hevitra tampoka ny hametraka fialàna amin'ny toerany tao amin'ny Kaomity Mpanatanteraka Foiben'ny antoko, mba hanerena ny fandravàna ny rantsana mpitantana sy ny sekretera jeneraliny. Raha tany am-piandohana, nifikitra tamin'ny heviny ilay vondrona mpiaradia amin'i Pedro Sánchez, nandritra ny kaomity federaly natao ny Sabotsy 1 Oktobra kosa nametraka ny heviny ireo mpanohitra, izay niafara tamin'ny fametrahana fialàna nataon'ny sekretera jeneraly sy fametrahana rafitra vonjimaika natao hitantana ny antoko mandra-pisian'ny fivorian-dehibe tsy ara-potoana hifidy ireo ho mpitantana vaovao.

Amin'io lohahevitra io, manana ny ambarany ny Espaniola rehetra, fa tsy ireo mpitolon'ny PSOE ihany akory, ary ny voalohany naneho ny heviny dia ireo mpisera amin'ny aterineto, izay nahatonga io resaka io ho ny nanehoana hevitra be indrindra nandritra ny herinandro nanaraka. Azo lazaina anefa hoe faharendrehan'ilay antoko izay manana ny tantarany efa ho an-jato taona ilay izy, ary ny mety hisian'ny « pasokización », entina hanondroana ny fanjavonan'ny antoko sosialista grika (PASOK) tamin'ny 2015.

Misavasava ravina ny mety hitrangan'io i Aldros, bilaogera milaza tena ho « liberaly, mpifikitra amin'ny nentin-drazana ary mpandàla fiainana», ao anatin'ny lahatsorany «¿Y si desapareciera el PSOE? » [Ka raha manjavona moa ny PSOE?] :

Raha manjavona ny PSOE, tsy hisy na inona na inona hitranga. Tsy misy. Fitaovana daholo ny antoko, ilaina mandritra ny androm-pisiany. Izay monja. Tsy miteny aho hoe tsaratsara kokoa raha foana izy, na ny mifanohitra amin'izany. Fa hoe raha tsy eo intsony izy, tsy misy na inona na inona hitranga ankoatra izay. Ary hisy antoko iray na maro hafa ho teraka… Tsy rantsana iray mitoboka akory ny fiarahamonna. Ireo olona mandrafitra azy no mampivoatra azy. Raha tsy mampifanaraka ny momba azy amin'izany ny antoko, dia maty. Izay fotsiny.

Lorenzo Silva, mpanoratra, ao anatin'ny pejy voalohan'ny gazety El Español nitondra ny lohateny hoe El fusible dia mitanisa « ny hamafin'ilay fanenjehana, ny fahaverezan'ny fomba fitondrantena sy ny famelàna ireo fomba faran'izay kely indrindra amin'ny fomba fanao», talohan'ny namarànany hoe :

Izay vitan'ity herinandro ity nosimbàna, ary haharitra fotoana ela, dia ny fahatokisana ny antoko izay noraisina ho toy ny fakan-tàhaka avy amin'ny elatra havia Espaniola.

Ao amin'ny Twitter, ireo onjam-panehoankevitra dia manao ny « PSOE », « Ferraz » (foibe nasionalin'ilay antoko), « Pedro Sánchez », « Susana Díaz » sy ireo tenifototra toy ny #VonjeoNyPSOE ho ny fironana ao anatin'ireo malaza be indrindra nandritry ny herinandro tany anaty tambajotra sosialy. Noriatan'ireo sasany mpandefa bitsika ny noheverin-dry zareo ho toy ny famadihana nataon'ìreo mpanohitra tao amin'ny antoko :

“Lo mas triste de la Traición es que nunca proviene de tus enemigos”#ARVCrisisPSOEpic.twitter.com/iIxA1YfcoT

— no_pasaran# (@fermont1965) September 28, 2016

“Ny tena mampalahelo indrindra ao anatin'ilay Famadihana dia tsy mba avy any amin'ny fahavalony ilay izy”

#salvaralpsoe #PedroSanchez pic.twitter.com/tk9V5gD2Jr

— Francisco Amador  (@franamadorjimen) September 28, 2016

No sé si ponerme un capítulo de Juego de Tronos o seguir a los Lannister de la cal viva en #ARVcrisisPsoepic.twitter.com/pDHSVtHbY4

— Mónica Martínez (@Monica_Margo) September 28, 2016

Tsy haiko na hanaraka andiany amin'ny tantara ‘Trône de Fer’ aho na hanaraka ny ‘Les Lannister de la chaux vive’ ao anatin'ity #TsimbalivalinàOlanaPsoeARV izao

Ny hafa nanipika ny tombontsoa ho azon'ireo hery politika hafa avy amin'izao tsy fahamarinan-toeran'ny PSOE izao:

Humor | ¡Gracias, PSOE!
Por @BezerradasNhttps://t.co/YEaukq9i6c#SalvaralPSOE#FelizJuevespic.twitter.com/1ofAiuyqDm

— Nueva Revolución (@NuevaRevoluci0n) September 29, 2016

Hanihany| Misaotra, ry PSOE !

Por los aires. Nueva viñeta en @Republica_com:https://t.co/lVfOoNA27g#PSOE#PSOEenguerraMVT#SusanaDíaz#LNPSOEpic.twitter.com/G97D9EHoWP

— Ferran Martín (@ferranmartin) September 29, 2016

Nanjavona! [ Ciudadanos : “pop-corn ?” Podemos : “labiera kely ?”]

Na ny kaonty ofisialin'ny « House of Cards », ilay andian-tantara amin'ny fahitalavitra milaza ny fanodinkodinana ara-politika ataon'ny fitondrana aza, dia nanana izay nolazainy ho an'i Pedro Sánchez :

@sanchezcastejon Momentos así requieren que alguien actúe y haga lo desagradable, lo necesario. Si me necesitas, manda DM.

— House of Cards (@HouseofCards) September 29, 2016

Ilàna olona mandray andraikitra ny fotoana tahaka izao, olona maka toeran'ny mpitondra fahasorenana, ary ilaina. Raha mila ahy ianao, mandefasa HM (hafatra manokana) .

Owen Jones, Britanika mpanao gazety, dia nangataka tamin'ireo Espaniola mpibitsika mba hanazava aminy ny zavatra mitranga ao anatin'ny Antoko Sosialista :

Can someone in Spain explain to me exactly what's going on with PSOE?

— Owen Jones (@OwenJones84) September 28, 2016

Misy avy ao Espaina ve afaka manazava amiko ny tena manjo ny PSOE?

Sady maneso no tsy lany laniana ny valintenin'ireo espaniola mpibitsika :

@OwenJones84 it seems there's a difference of opinion between the two main factions in the PSOE. Galaxy-sized difference, more or less.

— Izquierda Unida (@iunida) September 28, 2016

Toa misy tsy fitoviam-pijery eo amin'ireo fironana roa matanjaka ao amin'ny PSOE. Tsy fitoviana manana habe somary midadasika toy ny habakabaka ihany.

@OwenJones84 do you remember Monty Python's Flying Circus? Well, the same circus.

— David B. (@vdevaldivia) September 28, 2016

Tsaroanao ny Cirque Volant nataon-dry Monty Python ? Dia izay, ‘cirque’ mitovy amin'iny.

@OwenJones84 they're making “Julius Caesar's death: the remake”

— Carlos G. Gurpegui ★ (@gur_pegui) September 28, 2016

Havaozin-dry zareo ny « Ny Fahafatesan'i Julio César : famerenana »

Ary, rehefa aravona, misy zavatra manandanja kokoa eo amin'ny fiainana :

La crisis del PSOE no me ha impedido comerme un bocadillo de tortilla con longaniza del tamaño de mi antebrazo.!!!#PSOEenGuerraMVT

— pascual navarro (@pascualnavarroa) September 30, 2016

Tsy nanakana ahy tsy hihinana mofo voasesika atody sy saosisy mitovy halava amin'ny sandriko ny olan'ny PSOE. !!!

Ny fametrahan'i Pedro Sánchez fialàna dia manokatra vanim-potoana iray feno fisalasalàna ho an'n PSOE sy ny elatra havia espaniola. Marobe ireo mpitolona sy ireo mpifidy sosialista no tsy mankasitraka ny toa fikisahana ho amin'ny havanana nataon'ilay antokon-dry zareo, no sady tsy naniry ny hanamorana ny fananganana governemanta mpitahiry ny nentin-drazana tarihan'i Mariano Rajoy, izay raisina ho toy ny zavatra efa vita tsy hay hatao ahoana. Izany no fintinin'ny bitsika iray nalefan'i Alberto Garzón, mpandrindra ankapobeny ny Izquierda Unida [Havia Miray] :

El PP ha ganado la votación en calle Ferraz.

— Alberto Garzón (@agarzon) October 1, 2016

Azon'ny PP ny fandresena tamin'ny fifidianana tao amin'ny làlana Ferraz.