Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Maika Loatra Nanohana ny Daroka Baomba ao Syria Ilay Mpitari-Dalan'ny Runet, Ka Miatrika Sazy An-tranomaizina Ankehitriny

Anton Nessik. Source: Valerij Ledenev, Flickr, CC 2.0

Anton Nossik. Sary: Valerij Ledenev, Flickr, CC 2.0

Tamin'ny Alatsinainy, nampanantsoin'ny mpampanoa lalànan'ny fanjakana Rosiana ilay bilaogera sady mpanohitra malaza Anton mba hosaziana roa taona any amin'ny toby fanasaziana manokana noho ny famoahana “fanambarana mahery fihetsika” an-tserasera. Voampanga tamin'ny volana Febroary i Nossik, iray amin’ ireo “ray mpamorona” ny aterineto Rosiana noho ny famoahana lahatsoratra bilaogy tao amin'ny kaontiny Live Journal izay mitondra ny lohateny hoe “Fafao Tsy ho Ety Ambonin'ny tany i Syria.”

Nilaza ireo mpampanoa lalàna fa nanitsakitsaka ny andininy faha-282 ao amin'ny Fehezan-dalàna Famaizana Heloka Bevava Rosiana i Nossik, “fitarihana fankahalana na fifandirana, ary koa fanambaniana ny Fahamendrehana maha olombelona”, izay mitarika sazy farany ambony indrindra hatramin'ny 4 taona an-tranomaizina.

Mbola hita ao amin'ny kaonty Live Jounal an'i Nossik ny lahatsoratra nahatonga ny fiampangana izay nivoaka tamin'ny 1 Oktobra 2015, herinandro vitsy monja talohan'ny nanombohan'i Rosia ny hetsika daroka baomba ho fanohanana ny filoha Syriana Bashar al-Assad. Toa nanohitra an'i Kremlin ity mpitoraka blaogy ity tamin'ny alalan'ny fanehoana fanoherana misokatra sy sahisahy tamin'ny fitondran'i Assad. Tao amin'ny lahatsoratra, miantso ny fanapoahana baomba ao amin'ny faritra fehezin'ny governemanta Syriana, izay nampitahaina teo aloha tamin'ny Alemaina Nazi i Nossik, olom-pirenena Israeliana:

За последние 70 лет Ближний Восток не видел от Сирии ничего, кроме агрессии, войн, людоедства, разрухи и горя. До 2011 года они весь этот ужас экспортировали в сопредельные государства, с 2011 года сами жнут ими же посеянную бурю. Так им и надо, и ни разу не жалко. Осталось только все выходы заминировать, чтобы не экспортировали джихад в Европу.

Nandritra ny 70 taona farany, tsy nahita na inona na inona avy ao Syria ny Atsinanana Akaiki[-n'i Eoropa] afa-tsy ny herisetra, ady, fihinana olona, faharavana, ary fitomaniana. Hatramin'ny taona 2011, nanondrana izany horohoro rehetra izany tao amin'ny firenena manodidina izy ireo, saingy tamin'ny 2011, nanomboka nijinja ny voa nafafiny izy ireo. Tsara ho azy ireo izany ary tsy miala tsiny aho. Ny sisa tavela dia ny fandravana azy ireo, amin'izay tsy aondrana any Eoropa ny Jihad.

Miziriziry hatrany i Nossik fa tsy manan-tsiny izy, saingy nilaza tamin'ny Alatsinainy fa vonona hisazy ary manantenana hisarika ny saina manoloana ‘ny fomba fanaon'ny governemanta Rosiana amin'ny “fiampangana olona noho ny hevitr'izy ireo.” Namoaka tsanganana amin'ny fitakian'ny mpampanoa lalàna amin'ny Facebook i Nossik tamin'ny Alatsinainy saingy tsy naneho hevitra fanampiny.

Toa lasa lavitra loatra tamin'ny fanehoana ny finoany tao amin'ny Akon'i Moskoa, radio liberaly lehibe ao Rosia i Nossik, tamin'ny andro namoahany tsanganana tao amin'ny bilaoginy. Nilaza izy fa nanambara taminy ny mpiara-miasa aminy ao amin'ny Akon'i Moskoa fa nanao fahadisoana izy tamin'ny “fampifangaroana ny aterineto amin'ny onjam-peo,” maneho fa hentitra kokoa ny famerana ny fahalalaham-pitenena ao amin'ny radio noho ny amin'ny aterineto. Niaro tena i Nossik tamin'ny fanamarihana fa niditra tao amin'ny fandaharana “Hevitra Manokana” tao amin'ny radio izy, izay nolazainy fa natao ho an'ny olona manana fomba fijery hafa amin'ny “fiampitàna ny tsipika [tsy azo ihoarana].”

Niteny tamin'ny anaran'i Nossik nandritra ny fotoam-pitsarana azy ny Lehiben'ny Rabbi an'i Rosia sy ny mpampianatra avy ao amin'ny Oniversitem-panjakan'i Moskoa. Nandritra izany, nijoro vavolombelona ny manam-pahaizana amin'ny haiteny avy ao amin'ny Ivontoerana Fanadihadiana Heloka Bevava ao amin'ny Sampam-piarovana Federaly (FSB) fa nahitana “fanambarana eksitiremista” ny lahatsoratr'i Nossik.

Mpikambana ao amin'ny fanoherana ao Rosia i Nossik ary matetika niteny momba ny famoretan'i Kremlin amin'ny fahalalahan'ny aterineto. Iray amin'ireo bilaogera voalohany malaza ao Rosia, nanangana ny Gazeta.ru sy Lenta.ru, roa amin'ireo tranonkala malaza indrindra ao amin'ny firenena izy.

Fantara fa hivoaka amin'ny 3 Oktobra ny didim-pitsarana an'i Nossik.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.