Sisan'ny Md. Paoly, fiangonana naorin'ny Portiogey tamin'ny taona 1565 tao Macao. Saripika: Jakub Hałub/Wikimedia. Lisansa GNU.

Nanambara ny Lehiben'ny Mpanatanteraka ao amin'ny Fari-Pitantanana Manokan'i Macao, Fernando Chui Sai On, nandritra ny fitsidihana tao Lisboa, amin'ny fananganana foibe iray hikendrena hampiroboroboana ireo fandraisana an-tanana isan-karazany misy eo amin'i Shina sy ny firenena ao amin'ny fikambanana mpiteny paortiogey CPLP, ho antsoina hoe Macauhub, vavahadim-baovaon'i Macao. Araka ny nolazain'io loharanom-baovao io ihany:

O centro ficará instalado num único edifício e juntará interesses em áreas económicas-comerciais, oferta de serviços para empresas, organização de feiras, reuniões e exposições culturais e formação de profissionais.

Hapetraka amin'ny trano fanorenana tokana ny foibe ary hampiroborobo ny sehatra ara-barotra sy toekarena, hanolotra servisy ho an'ny orinasa, mpanao foara, fivoriana sy fampirantiana ara-kolontsaina ary fampiofanana ireo matihanina

Ny fampianarana teny paortiogey ao Macao

Iray amin'ny teny ofisialin'ny Fari-Pitantanana Manokan'i Macao (RAEM) ny fiteny paortiogey ary tian'ny Shinoa mpitantana ny faritra aza ny hanamafisana ny fampianarana izany fiteny izany. Nandritra ny fitsidihana nataony tao Lisboa, dia nihaona tamin'ireo mpianatra avy ao Macao mianatra ao Paortiogaly i Chui Sai On. Araka ny nolazain'ny vavahadim-baovao Ponto Final, nitaraina tamin'ny Lehiben'ny Mpanatanteraka amin'ny tsy fahampian'ny mpampianatra Lalàna ao Macao ny mpianatra ary izany dia noho ny tsy fahafehezana ny Fiteny Portiogey, ary eken'i Chui Sai On fa fitaovana lehibe ahafahana mianatra Lalàna ao Macao ny “fifehezana ny teny portiogey” :

Durante a visita a Portugal, Chui Sai On comprometeu-se a reforçar o ensino do português em Macau e reafirmou a sua vontade de tornar a cidade um centro de difusão da língua portuguesa na China.

Nampanantena Atoa Chui Sai On nandritra ny fitsidihana nataony tao Paortiogaly fa hohamafisina ao Macao ny fianarana teny portiogey, ary nanamafy indray izy fa faniriany ny hametraka ny tanàna ho foibem-pampielezana ny teny paortiogey ao Shina.

Navoaka ao Shina ny Boky Fianarana teny Portiogey

Fikambanan'ny Firenena Miteny Paortiogey. Saripika: CPLP

Namoaka boky fianarana “Paortiogey Manerantany” izay haely ao Shina “noho ny fifanarahana voalohany nifanaovana tamin'ny toeram-pamoaham-boky iray ao Beijing” ny Ivontoerana Politeknika ao Macao (IPM), hoy ny sampam-baovao Lusa.

Natao ho an'ny Shinoa ny boky ary [hoy ny] Foibe Pedagôjika sy Siantifikan'ny Fiteny Paortiogey avy ao amin'ny IPM:

Prepara-se para lançar, até ao final do ano, pelo menos quatro livros, na área da escrita ou fonética, e o quarto volume do “Português Global.

Farafahakeliny boky efatra no hivoaka mandrapahatonga ny faran'ny taona, eo amin'ny sehatry ny fanoratana sy ny feo, ary ny fahaefatra dia hiompana amin'ny “Paortiogey Manerantany”

“Miakadanja” hatrany ny fampianarana teny portiogey ao Shina. Nilaza ny mpandrindra ny Foibe Pedagôjika sy Siantifikan'ny IPM, Carlos André, fa misy “33 ny oniversite shinoa no mampianatra teny paortiogey, ny 23 amin'ireo dia hahazoana lisansa, saingy hita avy ao fa misy ny olona: ny tsy fahampian'ny fiomanan'ny mpampianatra sy ny tsy fisian'ny fitaovana”:

Eles falam muito bem português porque se formaram em boas escolas, quase todas na China, muitas vezes com um ano passado em Portugal — às vezes mais — muitos deles até têm mestrado, (…) mas aprenderam português, não a ensinar português”, explicou Carlos André.

Miteny paortiogey tsara dia tsara ry zareo satria novolavolaina tany amin'ny sekoly tsara, ny ankamaroan'ny tao Shina, ary matetika nankany Paortiogaly tamin'ny taom-pianarany farany — na mihoatra noho izany aza — ary misy ny manana hatramin'ny Master, (…) saingy nianatra teny paortiogey, fa tsy nampianatra teny paortiogey”, hoy ny fanazavan'i Carlos André.