Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Filipiana Mpanjono Miady Mafy Ny Helodrano Mba Hiarovana Ny Fonenany Tsy Hiharan'ny Famotehana Sy Fakàna Tany

A fishing village in Patungan Cove. Photo from Pamalakaya

Tanàna Iray Fonenan'ny mpanjono ao amin'ny helodranon'i Patungan. Sary Avy Amin'ny Pamalakaya

Miatrika fandravàna mba hanomezan-dalana ny fizahantany miaro ny tontolo iainana sy ny tetikasa fananganan-trano ireo fianakaviana miisa 353 fara-fahakeliny avy amin'ireo vondrom-piarahamonin'ny mpanjono sy mpamboly, ao anatin'ilay toerana mahafinaritra iray ao amin'ny helodranon'i Patungan ao Maragondon, Cavite, ora roa monja miala any atsimon’i Manilla renivohitr'i Filipina.

Mivondrona mba hiaro ny fiarahamonina ireo mponina ao an-toerana amin'ny fiatrehana ny fisian'ireo miaramila sy polisy marobe izay nalefa mba hantanteraka ny fanalàna azy ireo. Miray hina amin'ny alàlan'ilay Hetsika Vonjeo Izao i Patungan, nametraka sakana ireo mponina mba hibahanana ny fandravàna.

google maps

Miorina ao atsimon'i Manila renivohitr'i Filipina i Patungan.

Tamin'ny 22 sy 23 Aogositra lasa teo, andiana polisy sy tafika mpandrava miisa 1 000 no nanomboka ny famotehana ireo trano efa ho 17 fara-fahakeliny. Baiko iray famotehana nanomboka nanankery tamin'ny 12 Jolay, nosoniavin'ireo tribonaly mba hanatanterahana ny fangatahana nataon'ny Maria Theresa Virata Properties and Holdings Corporation momba ny Helodranon'i Patungan.

Olona maro isankarazany avy amin'ireo fikambanana tarihan'ilay vondrona mpiaro ireo mpanjono, ao Pambansang Lakas ng Kilusang Mamamalakaya ng Pilipinas (Pamalakaya), no nitarika ny Fitadiavana ny Marina sy ny Iraka Firaisankina ao anatin'ilay vondrom-piarahamonina tamin'ny 3 sy 4 Septambra lasa teo. Fernando Hicap, mpitarika ny  Pamalakaya no nizara tao anaty fanambaràna iray ireo sasantsasany tamin'izay hitany, .

Tsy afaka miditra sy mivoaka ny taniny ireo mponina satria voabahana sy rahonan'ireo mpiambina natoby ao; mampiasa lakana kely izy ireo mba hitaterana ny tsirairay na dia somary lafo kokoa noho ny fandehanana an-tongotra aza. Manao fanadihadiana izahay mikasika ny mety hanaovana lalàna-miaramila hanatitokotokoana ny ao Brgy [tanàna] Patungan.

Niteny tamin'ireo solontena mpanatanteraka ny iraka ireo mponina fa entona mandatsa-dranomaso sy tifitra bala tsy tena izy no nampiasain'ny tarika mpanao ny fandravàna tamin'ilay endrika fikasàna tsy tontosany, mba hanaparitahana ny vahoaka sy hanalàna ireo sakana nataon'izy ireo. Ireo polisy sy ireo olona voakarama avy aty ivelany no manohy manao fahirano an'i Patungan hatramin'izao.

Gathering of residents during the National Fact Finding and Solidarity Mission in Patungan last September 3-4. Photo credits: Pamalakaya-Pilipinas.

Famoriana ireo mponina nandritra ny Iraka Fitadavana ny Marina sy Firaisankina ao Patungan tamin'ny 3-4 Septambra lasa teo. Sary: Pamalakaya-Pilipinas.

Empty tear gas canisters and blank bullets used during the demolition. Photo credits: Pamalakaya-Pilipinas.

Tranonà entona mandatsa-dranomaso efa foana sy bala tsy tena izy nampiasaina nandritra ny fandravàna. Sary: Pamalakaya-Pilipinas.

Voamarina fa narindran'ny Manila Southcoast Development Corporation (MSDC), izay an'ny lehilahy mpanankarena iray Filipiana, Henry Sy, ny asa famindràn-toerana atao ao Patungan, izay toerana nisy ny vondrom-piarahamonin'ireo mpanjono nandritra ny taonjato iray mahery.

Nitantara i Susan Agner avy amin'ny Hetsika Vonjeo Izao i Patungan fa:

Ireo razambenay no teto taloha, 150 taona lasa izay. Izy ireo irery no olona voalohany izay nanadio sy namolaka ny faritra mba ho azo onenana. Ankehitriny, tonga tampoka ny “mpanambola” goavana iray sy i Henry Sy ary mitady ny fialànay eto amin'ny tany izay nahalehibe anay, mba hanomezana làlana ireo orinasany mpampidi-bola.

One of the demolished houses. Photo credits: Pamalakaya-Pilipinas.

Iray tamin'ireo trano noravana. Sary: Pamalalaya-Pilipinas.

Residents put up barricades to guard against threats of demolition. Photo credits: Pamalakaya-Pilipinas.

Mametraka sakana ireo mponina ho fiarovana manoloana ireo fandrahonana fandravàna. Sary: Pamalakaya-Pilipinas.

Residents and activists unite in resisting the demolition and land grabbing activities of big corporations. Photo from Pamalakaya Pilipinas

Mponina sy mahery fo miray hina amin'ny fanoherana ny fandravàna sy ireo asa fakàna ankeriny ny tany ataon'ireo tompona orinasa lehibe.Sary avy amin'i Pamalakaya Pilipinas.

Activists swim and protest while holding placards calling the government to stop the demolition of fishing villages in Patungan Cove. Photo from Pamalakaya Pilipinas.

Ireo mpikatroka mafàna fo milomano sy manohitra amin'ny alalan'ny fananganana sora-baventy manainga ny governemanta mba hampiato ny fandravàna ireo tanàn'ny mpanjono ao amin'ny Helodranon'i Patungan. Sary avy amin'i Pamalakaya Pilipinaas.

Ny MSDC no tompon'ny Pico de Loro, toerana fialana sasatra amorom-pasika mifanila amin'ny Hamilo Coast (Morontsirak'i Hamilo). Araka ny voalazan'ireo mponina sasantsasany, ny drafitra fanitarana ataon'ilay orinasa dia mitarika famadihana ny tany mirefy 602 hektara fanjonoana sy fambolen'ny vondrom-piarahamonina ho lasa toerana fialantsasatra mitokana sy fivezivezen'ny fizahantany.  ireo faritra manodidina an'i Patungan dia toeran'ireo fialantsasatra isan-karazany ihany koa, anisan'izany ireo tantanan'ny orinasa vahiny. Ny MSDC dia nandà ny fidirany amin'ny fandravàna ilay vondrom-piarahamonina.

Ho an'ireo mponina ao Patungan, ny raharaha fakàna ankeriny ny taniny ao amin'ny vondrom-piarahamonina misy azy ireo dia fitsapàna iray hahitana raha toa ny governemanta vaovao manaja ny lokalokany mba hampitsahatra ireo baiko fandravàna rehetra izay tsy manome vahaolana famindran-toerana an'ireo mahantra akory.

Panoramic view of Patungan. Photo Credits: Pamalakaya-Pilipinas.

Fijery midadasika an'i Patungan. sary: Pamalakaya-Pilipinas.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.