Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tsy Nahazo Medaily Ny Atleta Timorey Nandray Anjara Lalao Olaimpika Fa Mbola Nanentanentana Ny Fireneny Izy Ireo

The Timor Leste delegation during the opening ceremonies of the 2016 Olympics in Rio de Janeiro. Photo from Francelina Cabral

Delegasionan'i Timor Leste nandritra ny lanonana fanokafana ny Lalao Olaimpika 2016 tao Rio de Janeiro. Sary avy amin'i Francelina Cabral

Tsy nahazo medaily tamin'ny Lalao Olaimpika 2016 tany Rio de Janeiro i Timor Leste saingy mbola nahavita nizara hafatra manentana ho an'ireo mpanohana azy sy ireo Timorey mpiray tanindrazana ireo atleta.

Nandray anjara tamin'ny atletisma ho an'ny vehivavy sy ny lehilahy i Timor-Leste, ao koa ny fitaingenana bisikileta an-tendrombohitra manerana ny firenena ho an'ny vehivavy.

Rehefa nahazo fahaleovantena tamin'i Indonezia tamin'ny 2002, dia nandray anjara voalohany tamin'ny lalao Olaimpika i Timor Leste, firenena ahitana mponina latsaky ny 1,5 tapitrisa, tamin'ny taona 2004.

Nelia Martins, atleta 18-taona, no solontena zandriny indrindra avy ao Timor-Leste nandray anjara tamin'ny lalao tany Rio de Janeiro.

Tamin'ny 2014, nifaninana izy ary nahazo laharana fahefatra tamin'ny atletisma vehivavy 5000m Lalaon'ny mpiteny Portiogey tao India. Tamin'ny 2015, nifaninana tamin'ny Lalao Azia Atsimo Atsinanana tao Singapaoro i Nelia. Tamin'ity taona ity, nahazo laharana faha-13 tamin'ny hazakazaka atletisma vehivavy 1500m tao Rio de Janeiro izy.

Nizara ny fihetseham-pony tamin'ny Global Voices i Nelia  taorian'ny fiafaran'ny lalao:

Hau Sente kontente wainhra hau evento boot iha brasil primeira vez tuir olimpiade iha Rio De Janeiro (…) hau nudar atleta hau Sente kontenti wainhra hau representa hw nia Bandeira RDTL representa hau povu TIMOR LESTE no mos hau nia federation hau Sente kontenti wainhra ho idade 18 anos bele represents hau nia Bandeira Timor leste ba mundo tomak. Hau liafuan mk dt. Obrigada Timor!

Mahatsiaro faly aho sambany tonga eto Brezila mba hifaninana amin'ny Lalao Olaimpika eto Rio de Janeiro (…) amin'ny maha atleta ahy, voninahitra ho ahy ny misolo tena ny sainam-pirenena RDTL “Repoblika Demôkratikan'i Timor-Leste”, misolo tena ny vahoaka Timorey sy ny Federasiona. Tena mahatsiaro faly aho satria na dia vao 18-taona monja aza, dia afaka misolo tena ny sainan'ny firenena amin'ny Lalao Olaimpika. Izay no tiako ambara. Misaotra Anao Timor!

Augusto Soares at the 2016 Olympics in Rio de Janeiro. Photo from the Facebook page of Francelina Cabral

Augusto Soares tamin'ny lalao olaimpika 2016 tao Rio de Janeiro. Sary tao amin'ny pejy Facebook-n'i Francelina Cabral

Augusto Soares no atleta zokiny indrindra tamin'ny delegasionan'i Timor tamin'ny Lalao Olaimpika.

Tamin'ny 2007, nifaninana tamin'ny Lalao Aziatika Anaty trano 3000m tao Makaô izy. Tamin'ny 2009, nandray anjara tamin'ny fifaninanana hazakazaka fifaninanana tamin'ny lalao Aziatika Atsimo Atsinanana tao Vientiane, Laos izy. Tamin'ny 2010, nandray anjara tamin'ny Hazakazaka Atsasaka Marathon tao Dili Timor Atsinanana izy. Ary tamin'ny 2011 izy nifaninana tamin'ny Tompon-daka Aziatika 5000m tany Kobe, Japana. Nandray anjara tamin'ny lalao olaimpikan'ity taona ity tao Rio de Janeiro, Athletisma sokajy lehilahy 1500m, fifaninanana dingana voalohany izy, ary tonga faha-12 i Augusto.

Niresaka tamin'ny Global Voices ihany koa i Augusto taorian'ny lalao:

Primeiro hw hkrak fo obrigado ba maromk tan buat kmanek tomak mai husi Nia…No Mos ba Familia Treinador nebe uluk hnorin no htudu dalan ida ne mai hau sr Aguida Amaral no mos ba treinador no kolega sra hotu. Ami orgulho tamba ble Lori nasaun no Bandeira RDTL mai participa ih jogos olympico Rio de Janeiro ba dala xxI liu husi evento ne Maske ami la manan buat ruma.
Husu ba maluk joven sira atu hakribi problema husi ita nia an ato fo ita nia an at participa iha mundu Desportivas atu ble desenvolve ita nia an no mos ble fo mos kontribuisaun ba ita nia nasaun hnesan dalan nebe uluk ita asuwain sira htudu nanis ona durante iha sira nia luta…mak ne dt bin Ikus hw la haluhan…VIVA TIMOR LESTE……

Voalohany indrindra, misaotra an'Andriamanitra aho noho ny soa rehetra avy Aminy … ary misaotra koa ny fianakaviana, ny mpanazatrako voalohany izay nitari-dalana ahy tamin'ity lalana ity, Ramatoa Aguida Amaral sy ireo mpanazatra sy mpiara-miasa rehetra. Mirehareha izahay misolo tena ny firenena sy ny saina RDTL amin'ity lalao Lalao Olaimpika ao Rio de Janeiro ity. Na dia tsy nahazo na inona na inona aza izahay, dia nahazo traikefa tamin'ny alalan'ny fifaninanana tamin'ireo atleta hafa ivelan'ny firenentsika. Tamin'ity traikefa azonay ity, ho ampitainay amin'ny tanora izany. Holazainay izy ireo mba hifantoka, hamela ny olana manokana ary hifantoka amin'ny fanatanjahan-tena ihany mba hampivelatra ny tenantsika sy hanampy ny firenentsika. Tahaka izany ny lalana nasehoan'ireo maherifontsika tamin'ny tolon'izy ireo [ho amin'ny fahaleovantena]. Izay ihany. Farany Tsy hohadinoiko … Ho ela velona i Timor-Leste …

Timor Leste's Olympic athletes pose with an athlete from Portugal (second from right). Photo from Francelina Cabral

Delegasionan'i Timor Leste tamin'ny lalao Olaimpika miaraka amin'ireo atleta avy ao Paortiogaly (faharoa avy eo ankavanana). Sary avy amin'i Francelina Cabral

Francelina Cabral no vehivavy Timorey voalohany nifaninana tamin'ny fandehanana am-bisikileta an-tendrombohitra tamin'ny lalao fanatanjahan-tena Olaimpika. Vehivavy matihanina amin'ny hazakazaka am-bisikileta izy izay efa nifaninana tamin'ny faritra maro tao Timor Atsinanana nanomboka tamin'ny 2009.

Tamin'ny tafatafa niarahana tamin'ny Global Voices, namariparitra ny fifaninanana hazakazaka am-bisikileta an-tendrombohitra tamin'ny Lalao Olaimpika ho toy ny “mafy loatra” noho ny fitaingenana bisikileta mahazatra i Cabral:

Ema sira nebe tuir kompetisaun iha evetu ne'e laos ema baibain, maibe ema professional, nebe sira nia serviso mak loroloron ne'e, sira, treinu, han, descansa no treino (…) Hau Mos bele hatene katak afinal Cross Country Agora ne'e, iha Mundo Moderno, ema extreme liu tan.

Matihanina avokoa ireo atleta nifaninana tamin'ny lalao, tahaka izao no nataon'izy ireo, manao fampiharana, misakafo, maka aina ary manao fanazarana indray (…) fantatro ihany koa fa na inona na inona, tena henjana indrindra ny hazakazaka am-bisikileta an-tendrombohitra.

Nofaranan'i Cabral ny resaka tamin'ny filazana fa mahatsiaro nahazo voninahitra izy sambany nisolo tena ny fireneny tamin'ny Lalao Olaimpika. Na dia tsy afaka nitondra medaily nody aza izy, nanolotra medailim-boninahitra symbolika ho an'i Timor-Leste izy.

Nandray anjara tamin'ny Lalao ParaOlaimpika ihany koa i Timor-Leste. Hisolotena amin'izany ireo atleta vehivavy sy lehilahy amin'ny fifaninanana atletisma 400m.

olympic games timor leste team

Sary mampiseho ny sainam-pirenen'i Timor Leste tao amin'ny tranonkala ofisialin'ny Lalao Olaimpikan'i Rio 2016

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.