Tsy afaka manao antso amin'ny fampiasana fampiharana fandefasan-kafatra an-tsoratra sy feo, LINE intsony ny mponina ao Arabia Saodita. Notapahan'ny manampahefana ny antso amin'ny LINE tamin'ny faran'ny herinandron'ny 3 Septambra, nampidirana azy tao anatin'ny lisitra lavabe misy ny tolotra VoIP sy ny fampiharana fandefasan-kafatra izay notapahana tanteraka na amin'ny ampahany ao Arabia Saodita.
Nahatezitra ireo mpiserasera Saodiana ny fanapahana ny LINE ka niditra tao amin'ny Twitter izy ireo mba hanohitra ny politika fanivanana aterineto ataon'ny fanjakana mpifikitra amin'ny nentin-drazana. Ny tsy fisian'ny antso LINE tampoka, miaraka amin'ireo tolotra notapahana tahaka ny Skype sy Facetime, no nahatonga an'i Abdelaziz Abdallah, mpiserasera manontany hoe:
#هيئة_الاتصالات_كفاية_حجب [2]
زودن على ضعف الانترنت واسعار المكالمات جميع البرامج محجوبه
^ وش الفايده من تفعيل الانترنت؟ pic.twitter.com/MeU2S3aoG1 [3]— عبدالعزيز بن عبدالله (@a_aA15) September 5, 2016 [4]
Ankoatra ny aterineto miadam-paneha, sy ny vidin'ny antso, notapahana avokoa ny fampiharana rehetra. Inona no dikan'ny fananana aterineto?
Notapahana ny fampiharana tao amin'ny firenena, anisan'izany ny Viber, WhatsApp, Facebook Messenger, Telegrama sy ny Skype araka ny hita ao amin'ny sary eto ambany, izay navoakan'ilay mpiserasera Mohammed Alarfaj tao amin'ny Twitter:
Manazava ny sary fa ireo fampiharana sy tolotra ireo dia nakaton'ny Vaomieran'ny Teknolojiam-pifandraisana sy ny Fampahalalam-baovao (CITC), mpandrindra ny orinasam-pifandraisana ao Arabia Saodita, na mpamatsy tolo-pifandraisana miasa ao amin'ny firenena, ary tsy nisy ny fanambarana ofisialy. Tao amin'ny tranonkalany sy ny sehatra haino aman-jery sosialy hafa hatreto ny CITC dia tsy mbola nandefa fanambarana na filazana mikasika ny fanakatonana ny LINE, izay miasa ho sampana goavan'ny teknolojia Koreana Tatsimo Naver.
Amin'ny fampiasana ny tenirohy amin'ny teny Arabo “ampy izay ny fanakatonana ry vaomieram-pifandraisana” (#هيئة_الاتصالات_كفاية_حجب [2]) “fanapahana ny antso line” (#حجب_مكالمات_اللاين [6]), ary ny “mitaky ny fanatsarana ny [tolotra] aterineto ao Arabia [Saodita] izahay ” ( #نطالب_بتحسين_النت_في_السعوديه [7]), namely tahamaina ny mpandrindra ny orinasam-pifandraisandavitra, ny governemanta, ary ny mpandraharaha amin'ny tsy fanomezan-danja ny zon'ny mpanjifa sy ny tombontsoan'ny mpanjifa ny Saodiana.
#نطالب_بتحسين_النت_في_السعوديه [7]
الاشياء الي جالسة تسويها شركات الاتصال هو تنمر على الشعب بسبب انها الشركات الوحيده بالسعودية والشعب يحتاجها— سلطان (@IsulzzxX) September 6, 2016 [8]
Ny zavatra ataon'ny orinasam-pifandraisana dia ny mampijaly ny olona, satria izy ireo no hany orinasa ao Arabia Saodita ary mila azy ireo ny vahoaka
#حجب_مكالمات_اللاين [6] !!
طريقة رخيصة لزيادة دخل شركات الإتصالات في المملكة !
الحل بعد بضعه أيام ببرامج أخرى منافسة للاين.
— Motaz معتز السليم (@motazAlsolaim) September 4, 2016 [9]
Paikady tsotra mba hampitombo ny tombombarotr'ireo orinasan'ny fifandraisana ao amin'ny fanjakana ny fanapahana ny antso Line. Afaka andro vitsivitsy, hisy ny vahaolana miaraka amin'ny vokatra mifaninana amin'i Line,
Namantana ny resaka any amin'ny CITC, nisioka ny mpandrindra ny indostrian'ny fifandraisana ao Arabia Saodita, Al-Badr Atibi, hoe:
تراعون فقط مصالح شركات الاتصالات والمواطن اخر همكم ،.اغلب الناس يكلم اقاربهم وابناءهم المغتربين عبر هذه التطبيقات #هييه_الاتصالات_كفايه_حجب [10]
— بدر العتيبي (@bbdsbbd) September 5, 2016 [11]
Ny tombontsoan'ny orinasam-pifandraisan-davitra ihany no raharahianareo, tsy mampanahy anareo ny olom-pirenena. Miresaka amin'ireo havany sy ny zanany any ivelany mampiasa ireo rindrambaiko ireo ny ankamaroan'ny olona.
Naneho ny ahiahiny i Abeer AlMutairi fa mety safidy fandefasan-kafatra iray, dia ny SMS sisa no avela ho an'ny Saodiana:
اتوقع اخرتها بيحجبون مايبقى الا الرسايل النصية:)، مايصير كذا حجب بدون أي أسباب مقنعة العالم تتطور وحنا نرجع للورا. #هيئة_الاتصالات_كفاية_حجب [2]
— Abeer AlMutairi. (@iAbeerAlMutairi) September 5, 2016 [12]
Noho ny fanapahana, efa nampoiziko fa SMS ihany sisa no ho tavela. Tsy tokony atao ny fanapahana raha tsy misy antony mandresy lahatra. Mandroso izao tontolo izao kanefa isika mihemotra.
Misahana ny fandaminana [13] ny sehatry ny teknolojiam-pifandraisana sy ny fampahalalam-baovao miaraka amin'ny tanjona hanatrarana ny “tontolo tena mandroso amin'ny fanomezana tolotra tsara kalitao ho an'ny mpiserasera sy tontolo manintona ny mpampiasa vola” ny CITC, ary tompon'andraikitra amin'ny fanivanana [14] ireo tranonkala an'arivony, sy mandefa [15] ny fangatahana fanesorana votoaty any amin'ny sehatra media sosialy.
Tsy i Arabia Saodita ihany no firenena ao amin'ny faritra Arabo manakatona ny tolotra VoIP. Ao amin'ny Emirà Arabo Mitambatra, ny fanomezana tolotra tahaka izany dia mijanona [16] ho tombontsoa manokan'ireo mpamatsy tolotra sy mpandraharaha roa ao amin'ny firenena: Etisalat sy Du . An'ny fanjakan'i Emirà Arabo Mitambatra ny maro an'isa amin'ny petrabolan'ireo orinasa roa ireo. Tany am-piandohan'ity taona ity, nandràra [17] ny tolotra VoIP tamin'ny finday sy ny tambajotra wifi i Maraoka, izay noderaina hatrany tamin'ny fampahalalahana [18] ny sehatry ny fifandraisan-davitra tamin'ny filazana fa ny andininy faha-2 amin'ny lalànan'ny fifandraisana (lalàna n ° 24-96) ihany no manome alalana ho an'ireo mpandraharaha manana fahazoan-dalana mba hanome tolotra antso an-telefonina.